ԱՄՆ-ի Կոնգրեսը քվեարկեց Իրանին Boeing ինքնաթիռների վաճառքն արգելելու օգտին
Նմանատիպ
ԱՄՆ-ի Կոնգրեսի Ներկայացուցիչների պալատն ընդունել է օրինագիծ, որն արգելում է Boeing ինքնաթիռների վաճառքը Իրանին եւ դրանց հանձնումը վարձակալության: Այս մասին հայտնել է Bloomberg-ը:
Հանրապետական կուսակցության մշակած փաստաթղթի օգտին քվեարկել է 243 կոնգրեսական, դեմ՝ 174-ը: «Ամերիկացի հարկատուները, բանկային համակարգը չպետք է աշխարհում ահաբեկչության խոշորագույն հովանավոր պետությանն օգնեն գնելու ինքնաթիռներ, որոնք կարող են օգտագործվել մեզ անհայտ նպատակով»,- հայտարարել է հանրապետականներից պալատի անդամ Բոբ Դոլդը:
Այժմ օրինագիծը պետք է քննարկի Սենատը, որտեղ Հանրապետական կուսակցությունն ունի մեծամասնություն, ինչից հետո, դրա հաստատման դեպքում, այն կուղարկվի ԱՄՆ-ի նախագահի ստորագրմանը:
Հունիսին Միացյալ Նահանգների Boeing կորպորացիան նախնական համաձայնագիր է ստորագրել Իրանի Iran Air պետական ավիաընկերությանը հանրանավեր վաճառելու մասին: Իսլամական Հանրապետության տրանսպորտի նախարար Աբաս Ախունդին այն գնահատել է 25 միլիարդ դոլար:
Հետևեք մեզ նաև Telegram-ում