AM | RU | EN
USD
EUR
RUB

«Հայաստանի պետականության ամրությունը սկսվում է երկրի ներսից»

Հարցազրույց ԱԺ պատգամավոր, Հայաստանի ազգային օլիմպիական կոմիտեի նախագահ Գագիկ Ծառուկյանի հետ

– Պարոն Ծառուկյան, շաբաթներ առաջ Դուք հայտարարեցիք, որ սիրիահայերին, մասնավորապես՝ վերջին ամիսներին Հալեպում ռմբահարումների տակ հայտնված մեր հազարավոր հայրենակիցներին տարհանելու եւ Հայաստան տեղափոխելու նպատակով պատրաստվում եք հիմնադրամ ստեղծել: 2011թ. սիրիական հակամարտության առաջին օրից Սիրիան ամբողջ աշխարհի, իսկ սիրիահայության խնդիրը համայն հայության մտահոգության առարկան է: Ինչո՞ւ որոշեցիք հիմա այդպիսի նախաձեռնությամբ հանդես գալ:

– Վստահ եմ, որ ոչ մի հայ չի կարող անտարբեր մնալ Սիրիայում, հատկապես Հալեպում տեղի ունեցող իրավիճակի հանդեպ: Հակամարտության սկզբնավորման առաջին օրից միջազգային տարբեր հիմնադրամներ են ստեղծվել, Հայաստանում եւ Սփյուռքում բազմաթիվ դրամագլուխներ են կազմակերպվել, վերջերս էլ Ռուբեն Վարդանյանի IDEA հիմնադրամը հանդես եկավ նմանօրինակ նախաձեռնությամբ: Ողջունում եւ կարեւոր եմ համարում մեր հայրենակիցների աջակցությանն ուղղված ցանկացած միջոցառում: Բայց եւ այնպես, կարծում եմ, որ սիրիական խնդրի աշխարհաքաղաքական ծավալներն ու շերտերն այնքան մեծ են, որ Հայաստանում, հայրենի Արցախում եւ Սփյուռքի որեւէ գաղթօջախում մեր ազգակիցների անվտանգությամբ մտահոգ եւ պատասխանատու որեւէ մեկը չի կարող անտարբեր գտնվել: Ուստի խորապես մտահոգված վերջին շրջանում Հալեպում կատարվող իրադարձություններով՝ որոշեցի հանդես գալ հեռանկարային մի նախաձեռնությամբ, որի նպատակը ոչ միայն հալեպահայերի անհապաղ տարհանումն է շարունակ ռմբակոծվող քաղաքից, այլեւ նրանց համար ապրելու պայմանների ստեղծումը Հայաստանում եւ Արցախում: Խնդիրն իրապես բարդ եւ տարողունակ է, որը պահանջում է համազգային ջանքերի համադրում, բայց ես կարծում եմ, որ մեր ազգակից սիրիահայերը, որոնք 1915թ. Ցեղասպանությունից փրկված սերնդի ժառանգներն են, իրավունք ունեն կյանքի ավելի լավ պայմանների, հենց միայն այն պատճառով, որ ի տարբերություն այդ երկրում ամենատարբեր հալածանքների ենթարկվող այլ փոքրամասնությունների՝ Սիրիայում՝ քրդերի, Իրաքում՝ եզդիների, հայերը ունեն պետականություն, հայրենիք, որի գոյությունը ինքնին պարտավորեցնում է, որ մեր հայրենակիցների հետ տեղի չունենա այն, ինչ կատարվել է մեր նախնիների հետ հարյուր տարի առաջ, երբ մենք զրկված ենք եղել պետականությունից:

2

– Օրերս այդ նպատակով մեկնել էիք Լիբանան՝ Անթիլիաս, եւ հանդիպել Մեծի Տանն Կիլիկիո Արամ Ա կաթողիկոսի հետ: Ինչո՞ւ: Եվ ի՞նչ արդյունքներ գրանցեցիք:

– Արամ Ա Վեհափառ Հայրապետին շաբաթներ առաջ հայտնել էի սիրիահայերին օգնելու նպատակով հիմնադրամ ստեղծելու իմ մտադրության մասին եւ նրա օրհնությունը ստանալու ակնկալիքով ընդունելություն էի խնդրել՝ քննարկելու համար նաեւ որոշ մանրամասներ: Ինչպես հայտնի է, Հալեպ քաղաքը եւ հարակից շրջանները պատկանում են Կիլիկիո աթոռին պատկանող Բերիո Հայոց թեմին, եւ Հալեպի հետ կապված ցանկացած նախաձեռնություն պատշաճ է համաձայնեցնել եւ խորհրդակցել Կիլիկիո աթոռի գահակալի հետ: Վեհափառ հայրապետը օրհնեց եւ իր հավանությունը տվեց մեր նախաձեռնությանը՝ միաժամանակ որպես սիրիահայության, մասնավորապես՝ Հալեպի ազգային-եկեղեցական հարուստ ժառանգության կրող եւ պատասխանատու, Վեհափառ Հայրապետը դեռեւս հույս ունի, որ պատերազմը կարող է ավարտվել եւ անհրաժեշտ է ջանք չխնայել նաեւ Հալեպի հայկական գաղութը վերակազմակերպելու, պահպանելու եւ հայոց հարուստ հետքին տեր լինելու համար, ինչը մեզ համար եւս խնդիր է, եւ մենք էլ կիսում ենք Վեհափառ Հայրապետի մտահոգությունն ու տեսակետը:

3

– Պարոն Ծառուկյան, հիմնադրամի ստեղծման մասին ե՞րբ եք պատրաստվում հայտարարել:

– Առաջիկայում մի քանի հանդիպումներ կունենանք նաեւ Հայաստանում, որոշ քննարկումներ կանցկացնենք Սփյուռքի ավանդական կուսակցությունների ներկայացուցիչների հետ եւ կհայտարարենք: Շատ կարեւոր է, որպեսզի հիմնադրամը դառնա Հայաստան փոխադրված հայությանն արժանավայել կյանքով ապահովելու համազգային կենտրոն, ուստի այս հնարավորությունը եւս օգտագործելով՝ Սիրիայի, մասնավորապես՝ հալեպահայության ճակատագրով մտահոգ Սփյուռքի եւ Հայաստանի պատասխանատու մարմիններին հրավիրում եմ միասնաբար որոշելու անելիքները: Պատրաստ եմ լսել եւ աջակցել ցանկացած գործուն նախաձեռնություն եւ գաղափար, որը կօգնի փրկել մեկ հայի կյանք, մեկ հայի՝ հայրենիքում արժանապատիվ կյանք կազմակերպելու համար:

– Փաստորեն հիմնադրամի գործունեության շրջանակը բացառապես վերաբերում է սիրիահայությանը:

– Այս պահին ես ավելի հրատապ համահայկական խնդիր չգիտեմ: Կարծում եմ՝ աշխարհով մեկ սփռված յուրաքանչյուր հայ չի կարող անտարբեր մնալ Սիրիայում ռմբահարումների տակ գոյատեւող հայության ճակատագրի նկատմամբ: Հիմնադրամը գործունեության ավելի լայն շրջանակ կարող է ուրվագծել, որպեսզի սիրիական ճգնաժամի հանգուցալուծումից հետո մենք աշխարհի ցանկացած պատերազմող կետում գտնվող մեր ազգակիցներին ձեռք մեկնելու պատրաստի գործիքներ ունենանք: Ուստի չի բացառվում, որ հիմնադրամը կարող է ավելի երկարաժամկետ նպատակ հռչակել:

– Հալեպահայությանն օգնելու համար հիմնադրամ ստեղծելու Ձեր մտադրության մասին հայտարարությունը համընկավ քաղաքականություն Ձեր հնարավոր վերադարձի շուրջ քննարկումների եւ խոսակցությունների հետ:

– Հայրենիք տեղափոխվող ցանկացող հալեպահայերին օգնելու իմ նախաձեռնությունը մտքումս եռում է ամիսներ շարունակ: Միայն շաբաթներ առաջ այդ մասին հայտարարելու հնարավորություն ընձեռվեց, որովհետեւ միայն վերջերս բազմաթիվ քննարկումներից հետո եկա այդպիսի եզրահանգման: Քաղաքականություն վերադառնալու որոշում դեռ չունեմ եւ անկախ այդ որոշման դրական կամ բացասական ելքից՝ չեմ պատրաստվում այս գերկարեւոր խնդիրը առկախված պահել: Հալեպահայությանը պետք է անհապաղ օգնել, եւ դա ենթակա չէ քննարկման եւ սակարկումի:

4

– Որո՞նք են լինելու Ձեր առաջիկա գործողությունները, անելիքները: Դուք եւ Ձեր գործունեությունը շարունակում է մնալ ամենաքննարկվող թեման ինչպես Հայաստանում, այնպես էլ նրա սահմաններից դուրս:

– Եթե խոսքը իմ քաղաքական ակտիվությանն է վերաբերում, ապա թույլ տվեք այդ մասին խոսել, երբ զգամ, որ հասունացել է պահը: Քաղաքականություն վերադառնալու համար պետք է հաշվարկել, ծանրութեթեւ անել բոլոր շերտերը: Հայաստանը, Արցախը լրջագույն անվտանգության մարտահրավերների առջեւ են: Չկա ավելի կարեւոր մարտահրավեր, քան Հայաստանի սահմաններն ու Արցախը եւ արցախցիներին պաշտպանելն է: Դա բոլոր հայերիս սրբազան պարտքն է՝ անկախ քաղաքական դիրքորոշումից, անկախ նույնիսկ մեր բնակության վայրից: Քաղաքականություն վերադառնալու իմ որոշումը պայմանավորող միակ հարցը բացառապես Հայաստանի եւ Արցախի անվտանգության ամրացումն է: Ես խորապես հավատացած եմ, որ Հայաստանի պետականության ամրությունը սկսվում է երկրի ներսից: Մեր երկրի դիմադրողունակությունը սերտորեն կապ ունի երկրի ներքին կյանքի առողջության հետ: Իմ վերադարձը միայն պետք է նպաստի այդ խաթարված առողջության վերականգնմանն ու ամրապնդմանը:

Մարիամ ՂԱԶԱՐՅԱՆ

«Առավոտ»

 

 

 

Լրահոս
Հայոց ցեղասպանության մասին նյութի պատճառով Ադրբեջանում փակվել է ТНТ հեռուստաալիքը Գյումրիում ռուս զինծառայողի ենթադրյալ սպանության կասկածյալը բերման է ենթարկվել.նա 20-ամյա երիտասարդ է (թարմացված) Կառավարության ծրագրերն ուղղված են գյուղատնտեսության մեջ ժամանակակից տեխնոլոգիաների ներդրմանը. ՀՀ վարչապետ Պատվաստումների շնորհիվ Հայաստանում 17 անգամ նվազել են ռոտավիրուսով պայմանավորված հոսպիտալացումները «Երկիր Ծիրանի» կուսակցությունը կմիանա Հայոց ցեղասպանության զոհերի հիշատակին նվիրված ջահերով երթին Սերգեյ Սմբատյանը կղեկավարի Մյունխենի սիմֆոնիկ նվագախումբը Տարոն Մարգարյանը խոստանում է վերանայել բոլոր ոլորտները, որոնցից քաղաքացիները գոհ չեն Էդվարդ Նալբանդյանն ընդունել է ավստրիական մի շարք հեղինակավոր լրատվամիջոցների ներկայացուցիչներին Նախագահ Սերժ Սարգսյանն ընդունել է ԵԽ պատգամավոր Ֆրանկ Էնգելին «Ելք»-ի օգտին քվեարկությունը դրական փոփոխությունների շարունակություն է. Փաշինյանը հանդիպեց ավանցիներին Երևանում աշակերտները զինտեխնիկայի կորուստն էապես նվազեցնող ռոբոտ են ստեղծել. բացահայտումներ ցուցահանդեսից Գերմանացիները հորդորում են Էրդողանի աջակից գերմանաբնակ թուրքերին լքել այդ երկիրը Թուրքիան պետք է փոխհատուցի իր արարքների համար. Ջեյմս Կրոմվելի հարցազրույցը «Խոստումը» ֆիլմի մասին ՄԻՊ-ի զեկույցում տեղ գտած առանձին ձևակերպումներ զուրկ չեն զգացմունքայնությունից. ՀՀ ոստիկանության արձագանքը Պայմանագրային զինծառայողի մահվան դեպքի վերաբերյալ քրգործով մեկ անձ ձերբակալվել է Երևանում ապրիլի 24-ին սպասվում է կարճատեւ անձրեւ եւ ամպրոպ Մարսելում բացվել է Սողոմոն Թեհլերյանի անվան հրապարակը Թուրքիայում քրդերի հետ բախման հետևանքով թուրք զինվոր է սպանվել Նախարարը հյուրընկալել է Սան Խոսեի պետական համալսարանի նախագահին Հայոց ցեղասպանության զոհերի շտեմարանում արդեն տասնյակ հազարավոր մարդկանց անուններ են ընդգրկվել Մազարի Շարիֆի բազաներից մեկի վրա հարձակումից հայ խաղաղապահները չեն տուժել Հայ ժողովուրդը շարունակում է արդարություն պահանջել. Արամ Ա-ի ապրիլի 24-ի պատգամը Գյուլենի շարժման անդամ լինելու մեղադրանքով Թուրքիայում 42 հոգի է ձերբակալվել Ցեղասպանությունների ճանաչման հարցում Թուրքիան ամենավատ օրինակն է. Եվրոպայի հակառասիստական շարժման նախագահ Քաղաքացուն առևանգելու համար մեղադրանք է առաջադրվել 2 անձի Հայաստանը պետք է ստանձնի Հայոց ցեղասպանության հետևանքների հաղթահարման գործընթացի համակարգումը. Արմեն Մարուքյան Բիբլոս քաղաքում Հայոց ցեղասպանության 102-րդ տարելիցին նվիրված ցուցահանդես է բացվել Երևանցիների մեծամասնությունը կրկին կքվեարկի Տարոն Մարգարյանի օգտին. Gallup- ի հարցման արդյունքները Հարգանքի տուրք ենք մատուցում Հայոց ցեղասպանության զոհերին ու նրանց ժառանգներին. Ջասթին Թրուդո Բարելավվել է Արցախի հրշեջ-փրկարարական ջոկատների տեխնիկական հագեցվածությունը ՌԴ Հարավային ռազմական օկրուգի ռազմաբազայում ավարտվել է ուսուցման աշխատանքների ստուգման գործընթացը Անվճար երթուղիներն ապրիլի 24-ին այցելուներին կտեղափոխեն Ծիծեռնակաբերդի հուշահամալիր Անվճար երթուղիներն ապրիլի 24-ին այցելուներին կտեղափոխեն Ծիծեռնակաբերդի հուշահամալիր Մեկնարկել են «Անվտանգ Հայաստան» խորագրով միջազգային ցուցահանդեսի նախապատրաստական աշխատանքները Նավթի գները նվազել են Երևանում խոշոր ավտովթարի հետևանքով 3 հոգի մահացել են 2017-ի առաջին եռամսյակում արձանագրվել են տնտեսական հուսադրող ցուցանիշներ. Վարչապետն այցելել է Տնտեսական զարգացման նախարարություն Հայ համայնքը Երուսաղեմում թուրքական հյուպատոսարանի դիմաց բողոքի ակցիա կանցկացնի «Ֆրանսիայի ընտրություններում Մարին Լը Պենի հնարավորությունները անուղղակիորեն ավելացել են».Նարեկ Գալստյան Վայոմինգ նահանգը ճանաչել է Հայոց ցեղասպանությունը Հակառակորդը հրադադարի պահպանման ռեժիմը խախտել է շուրջ 50 անգամ
Խմբագրի ընտրություն
website by Sargssyan