AM | RU
USD
EUR
RUB

Ես պատրաստվում եմ գլխավորել ընդդիմադիր դաշինքը

Առաջիկայում սպասվող խորհրդարանական ընտրություններին մնացել են հաշված ամիսներ ու ընդդիմությանը զգալի արդյունքներ գրանցելու համար կա ընդամենը մեկ ելք: Դա միավորվելն է:

Ցավոք Հայաստանում այլևս չկա ընդդիմադիր այնպիսի ուժ, որը միայնակ կկարողանա հասնել զգալի արդյունքների՝ կամ իրականացնի իշխանափոխություն, կամ իր ներկայացվածությամբ կարողանա լուրջ հակակշիռ հանդիսանալ իշխանության համար:

Միավորման դեպքում այլ է, այն իրենից կներկայացնի զգալի ուժ ու իրական այլընտրանք իշխանության ձևավորման ընթացքում: Սակայն միավորումը որքան էլ առաջին հայացքից թվա հեշտ գործընթաց, իրականում այն չափազանց բարդ է, իսկ որոշ հանգամանքների առկայության պարագայում նույնիսկ անհնար: Այն, որ ողջ ընդդիմությունը չի կարող միավորվել, ունի իր օբյեկտիվ պատճառները: Ընդդիմադիր դաշտը համեմատած իշխանությունների հետ, որն ավելի միատար է, խիստ բազմաբևեռ է ու հակադիր և իրարամերժ գաղափարների, մոտեցումների միավորման հավանականությունը խիստ քիչ է:

Սակայն տեսականորեն հնարավոր է միավորում կոնկրետ մեկ կամ երկու հարցերի շուրջ, որոնք չեն պահանջում երկարատև համագործակցություն, չեն պահանջում գաղափարական ընդհանրություններ: Այդպիսին կարող է հանդիսանալ օրինակ, իշխանափոխության խնդիրը: Ընդդիմության խոշոր կոնսոլիդացիայի դեպքում հնարավոր է ապագա խորհրդարանում ձևավորել ուժերի այնպիսի հարաբերակցություն, որը իշխանությունների վերարտադրությունը կդարձնի խիստ դժվար, եթե ոչ անհնար:

Մի կողմ թողնենք այն հանգամանքը, որ գաղափարական հիմքից զուրկ միավորումը, իր առաջնային խնդիրը լուծելուց ու իշխանությունների վերարտադրությունը կանխելուց հետո, կկանգնի քաղաքական լուրջ ճգնաժամի առջև: Պատճառն այն է, որ միայն իշխանություններին հեռացնելը դեռ քիչ է, դրանից հետո պետք է ձևավորել նոր իշխանություն: Իսկ առանց ամուր հիմքի միավորումը, որը թեկուզ կազմում է խորհրդարանում մեծամասնություն, իր առաջին խնդիրը լուծելուց հետո հնարավոր է բաժանվի մի քանի մասերի:

Սակայն կա մի այլ գործոն, որը ոչ պակաս կարևոր է, նույնիսկ որոշ դեպքերում առավել, քան գաղափարական ընդհանրությունն է: Դա ուժերի ղեկավարների կամ առաջնորդների, ինչպես կուզեք անվանեք, ամբիցիաներն են:

Իրականում քաղաքական բանակցությունները տարբեր ուժերի միջև նույնպես պահանջում են դիվանագիտական ունակություններ ու դիվանագիտական մոտեցումներ: Կարևոր չէ, թե բանակցողն ինչ է ցանկանում, ինչ է մտածում ու ինչ կարծիք ունի յուր անձի նկատմամբ: Կարևորը՝ ինչպես է նա ներկայանում հանդիպմանը, ինչպես է կարողանում իր պատկերացումները մատուցել ու իր ցանկությունները ներկայացնել այնպես, որ դրանք ենթագիտակցորեն դառնան նաև բանակցող մյուս կողմերի ցանկությունը: Բացի այդ, բանակցություններում յուրաքանչյուր կողմին հետաքրքրում է, թե ինչ է տալու հնարավոր համագործակցության պարագայում մյուս կողմը, ինչ դիվիդենտներ է ստանալու ու ինչպիսի արդյունքներ է արձանագրելու ապագայում: Իսկ, երբ շատերը փորձում են տասնյակ տարիների անցյալը հրամցնել որպես ապագայի արդյունքների հաղթաթուղթ, ապա ենթադրում եմ, որ մոլորվում են:

Այսօր Հրանտ Բագրատյանը մամուլին տված հարցազրույցում հայտարարել է, որ պարտաստվում է գլխավորել ընդդիմադիր դաշինքը ու իրեն տեսնում է առաջատարի դերում: Փառք ու պատիվ պարոն Բագրատյանի լավատեսությանը: Բայց այստեղ հարց է ծագում, բացի պարոն Բագրատյանից, արդյո՞ք ընդդիմադիր դեռևս գոյություն չունեցող դաշինքը տեսնում է նրան առաջնորդի դերում: Ինքս հարգում եմ նրա անցյալը, նրա ավանդը մեր պետականաշինության ու տնտեսության կայացման գործում: Բայց ցավոք, հաճախ մոռանում են, որ 20 տարիների ընթացքում փոխվում են մարդիկ, փոխվում են ընկալումներն ու պատկերացումները, փոխվում են չափանիշները: Ասեմ ավելին, գուցե շատերը դա չգիտեն, բայց մարդիկ մի շատ ցավալի հատկություն ունեն, դա մեծանալու հատկությունն է ու նախկին 20-ամյա պատանին, տարիներ հետո փաստում է, որ ինքն արդեն 40 տարեկան է և այլևս նախկին երիտասարդը չէ, որը կուրորեն երկրպագում էր ժամանակի հրամցրած կուռքերին:

Ասածս այն է, որ եթե պարոն Բագրատյանն իրեն պատկերացնում է ընդդիմության առաջնորդի դերում, դա նշանակու՞մ է, որ բոլորն են դա պատկերացնում, թե՞ ով զուրկ է նման երևակայությունից, նա ընդդիմություն չէ:

Բայց սա հարցի միայն մեկ կողմն է: Երբ դեռ գոյություն չունի ընդդիմադիր որևէ դաշինք, երբ դեռ ամեն ինչ գտնվում է բանակցային փուլում ու դու քեզ հռչակում ես առաջնորդ, դա արդեն վերջնագիր է: Դա նշանակում է, որ քո ամբիցիաները բացառապես առաջնորդական են: Դա նշանակում է, որ ցանկացած արդյունք կապում ես միայն քո անձի հետ: Իհարկե, մարդը կարող է տանը, իր սեփական անկյունում պաշտել յուր անձը, բայց հրապարակավ հայտարարելն այդ մասին բանակցությունների փուլում, ըստ էության, բանակցության տապալում է: Դա դիվանագիտական նոնսենս է ու բանակցային փակուղի:

Իհարկե, նման հայտարարությունը դեռ բանակցային վերջնական ավարտ չէ: Հնարավոր է փոքր ուժեր հավաքել շուրջդ, եթե իհարկե ինքդ քաղաքական մեծ ուժ ես ներկայացնում քեզանից, սակայն այդքանից հետո ակնկալել ընդդիմադիր լայն կոնսոլիդացիա, արդեն դժվար է պատկերացնել: Պատճառն այն է, որ ընդդիմադիր դաշտում շատերն են իրենց պատկերացնում առաջնորդի դերում ու շատերն են պատրաստվում գլխավորել ընդդիմադիր դաշինքը: Նման ամբիցիոզ մոտեցումների արդյունքում, մենք բազմիցս ենք ականատես եղել տապալված բակացությունների ու չկայացած դաշինքների: Բացի այդ, ցավալի է, որ շատերի գիտակցության մեջ ամրացած է սեփական անձի անգերազանցելիությունն ու համառորեն այլոց կարծիքների հետ հաշվի չնստելու մոտեցումը:

Կարեն ԿԱՐԱՊԵՏՅԱՆ

Լրահոս
Չինաստանի Ցինտաո քաղաքում բացվել է ՀՀ համագործակցության գրասենյակ Ստեփանծմինդա-Լարս ավտոճանապարհը ծանրաքաշ մեքենաների համար փակ է Հայաստանի մի շարք ավտոճանապարհներին ձյուն է տեղում Արցախի նախագահը Ֆրանսիայում «Երախտագիտություն» մեդալ է հանձնել Վիլյորբանի քաղաքապետին Արցախում երեք զինվոր մահացու ականապայթյունային վիրավորում է ստացել, իսկ մեկի վիճակը ծանր է «Ժողովուրդ». Լևոն Իգիթյանը վարձով է տվել թանգարանը «Հրապարակ». Խոսնակը պարզաբանել է՝ ինչու նախագահն ԱԺ-ում ներկայացուցիչ չի նշանակում «Ժամանակ». Հայաստանում հավկիթի դեֆիցիտ է «Ժամանակ». Նոր օրինագծի ընդունման դեպքում մարզային հեռուստաընկերությունները փակվելու են «Ժողովուրդ». Հովհաննես Սահակյանը հերքել է Արտեմ Ասատրյանի հետ լարված հարաբերություններ ունենալու լուրը «Հրապարակ». Սերժ Սարգսյանը հանձնարարել է հանգուցալուծել «Առինջ մոլ»-ՊԵԿ դեբատը «Ժողովուրդ». ԵՄ-ի կողմից ամեն ինչ պատրաստ է համաձայ­նագրի ստորագրման համար, և տեխնիկական խոչընդոտներ չկան. Պ. Սվիտալսկի ՕՐՎԱ ԽՈՐՀՈՒՐԴԸ: Նոյեմբերի 22 Ռուսական հեռուստաալիքը ներողություն է խնդրում ՀՀ առնչությամբ ոչ կոռեկտ գնահատականների համար Ջրաշենցու անասնագոմում հայտնաբերվել է մոտ 100 հոշոտված հավ Վիգեն Սարգսյանը վստահեցնում է` ՊՆ-ն ու մոնթեականներն անելու են ամեն ինչ, որ վարժարանը դառնա երկրի լավագույն կրթահամալիրը Զիմբաբվեի նախագահ Ռոբերտ Մուգաբեն հրաժարական է տվել Բելառուս խորհրդարանականը կարեւորել է Հայաստանի հետ ՀՁ-ների ստեղծումը. Արա Բաբլոյանն ընդունել է Բոլեսլավ Պիրշտուկին Երևանում կայանալիք համաժողովը խորհրդանշում է Հայաստան-ԵԱՀԿ համագործակցության բարձր մակարդակը. ՀՀ ԱԳ նախարար Իրաքի տարածքը մաքրվել է ԻՊ-ի զինված խմբավորումներից. Իրաքի վարչապետ Աթեշյանը Դիարբեքիրում այցելել է թալանված ու ավերված Սուրբ Կիրակոս եկեղեցի Մոնթեի պատգամն էր պայքարել, սիրել հայրենիքը, լինել ազնիվ ու անվախ. Դիլիջանում պաշտոնապես բացվեց ռազմամարզական վարժարանը Նպաստի համար առցանց դիմելու կարգը կգործի նաեւ երրորդ եւ հաջորդ երեխայի դեպքում Սուրբ Աթոռում ՀՀ դեսպանությունը պաշտոնական ընդունելություն է կազմակերպել ի պատիվ միջազգային գիտաժողովի մասնակիցների Մոնթեն դառնում է մեր ժողովրդի ազատատենչ երևակայությունից ծնված առասպելական հերոս. ՀՀ Նախագահ Ժիրայր Սեֆիլյանը «զակազ է» անում, արդյունքում տղաները «էշ նահատակ» են լինելու. Ժիրայր Սեֆիլյանի խմբի անդամները՝ նրա գործողությունների մասին Արցախի պետական նախարարը հանդիպումներ է անցկացրել ԱՄՆ-ում Սերժ Սարգսյանն աշխատանքային այցով մեկնել է Տավուշի մարզ Տարկետման իրավունքի իրացման քաղաքականությունն իրականացվելու է կառավարության որոշումներով Արցախի նախագահը Ֆրանսիայում հանդիպել է Ֆրանսուա Ռոշբլուանին ՀՀ և ՌԴ միջև դիվանագիտական հարաբերությունների 25-ամյակին նվիրված նոր գեղաթերթիկ է մարվել Հայ-ռուսական երկխոսությունն ակտիվ զարգանում է. բացվեց ՀՀ-ՌԴ դիվանագիտական հարաբերությունների 25-ամյակին նվիրված ցուցահանդես Երևանում կխստացվի հսկողությունն անչափահասներին ծխախոտ ու ոգելից խմիչք վաճառելու դեպքերի նկատմամբ ՀՀ գլխավոր դատախազն ընդունել է ԵԱՀԿ/ԺՀՄԻԳ գրասենյակի տնօրենին Բելառուս խորհրդարանականներն այցելել են Ծիծեռնակաբերդի հուշահամալիր ՀՀ տրանսպորտի նախարարությունը եղանակային փոփոխություններով պայմանավորված կաշխատի հատուկ ռեժիմով Միջին ամսական անվանական աշխատավարձը 2017-ին աճի միտում ունի ՀՀ-ն ՆԱՏՕ-ի աջակցությամբ կոչնչացնի մարտական պիտանելիություն չունեցող զրահատեխնիկա Չնայած Ադրբեջանի ոչ կառուցողական դիրքորոշմանը՝ անշուշտ պետք է շարունակել բանակցությունները Այսուհետ ևս պետք է շարունակել աշխատանքը միջպետական հարաբերությունների զարգացման ամրապնդման ուղղությամբ. ՀՀ Նախագահ
Խմբագրի ընտրություն
website by Sargssyan