AM | RU | EN
USD
EUR
RUB

ՀՀԿ 16-րդ Համագումար։ Ի՞նչի ականատեսը դարձավ Հայաստանի քաղաքացին

Անցնող քաղաքական տարվա վերջին ամենասպասված իրադարձությունը, անկասկած, իշխող հանրապետական կուսակցության համագումարն էր։ Հայրենի լրատվամիջոցներում վաղուց էին արդեն քննարկում ՀՀԿ հերթական Համագումարի հնարավոր ընթացքն ու որոշումները։ Թղթակիցներն առիթը բաց չէին թողնում ժամ առաջ լրացուցիչ տեղեկություններ պարզելու և հանրությանը առաջինը նորություններ փոխանցելու համար։ Ինտրիգն էլ ավելի էր մեծացել Հայաստանում Կառավարության փոփոխությունից և նոր վարչապետ Կարեն Կարապետյանի ու նրա թիմակիցների՝ ՀՀԿ֊ին անդամակցելու մասին լուրերի շրջանառության մեջ հայտնվելուց հետո։ Այս ամենը, իհարկե, հասկանալի է։ ՀՀԿ-ն Հայաստանի ամենակազմակերպված և ծանրակշիռ քաղաքական ուժն է, որի ներսում ընթացող գործընթացներն անմիջական ազդեցություն են ունենում երկրի քաղաքական և տնտեսական զարգացման վրա։ Ուստի և բնական է, որ հասարակությունն այդքան անհամբերությամբ էր սպասում ՀՀԿ Համագումարին։ Բոլորը հասկանում են, որ հենց այդ իրադարձության ժամանակ ընդունված որոշումներն են ընկնելու քաղաքական հետագա գործընթացների հիմքում։ Իսկ մի քանի ամիս անց տեղի ունենալիք խորհրդարանական ընտրությունները էլ ավելի մեծ կարևորություն հաղորդեցին այսօրվա Համագումարին։ Հիմա արդեն շատ պարզ է, թե քաղաքական ինչ թիմ է առաջնորդելու իշխող կուսակցությունն այդ ընտրությունների ընթացքում։ Հետևաբար նաև պարզ է, թե ինչ կարելի է ակնկալել բուն ընտրություններից։ Այս ամենի ականատեսը մենք դեռ կլինենք: Իսկ հիմա դեռ փորձենք հասկանալ, թե ինչ տեղի ունեցավ այսօր Կարեն Դեմիրճյանի անվան մարզահամերգային համալիրում։

Ներքին տարաձայնություններն ու ուժեղ առաջնորդը

Տևական ժամանակ է, ինչ հայկական մամուլն ու փորձագիտական շրջանակները խոսում են ՀՀԿ ներսում տեղի ունեցող «քայքայիչ գործընթաների» մասին։ Ըստ տարածված կարծիքի, իշխող կուսակցությունում ձևավորվել են երկու քաղաքական թիմ, որոնք պայքարում են միմյանց դեմ։ Խոսքը վերաբերվում է երիտասարդների (ի դեմս Ա. Աշոտյանի, Տ. Մարգարյանի, Է. Շարմազանովի և այլն) և հնաբնակների (Հ. Աբրահամյան, Գ. Սահակյան, Գ. Բեգլարյան և այլն)՝ հաճախ իրապես վատ քողարկվող մրցակցությանը։ Իսկ հիմա, երբ հայտնի դարձավ, որ ՀՀԿ-ին իր թիմով միանում է նաև վարչապետ Կարապետյանը, զրույցները ներքին տարաձայնությունների մասին էլ ավելի մեծ թափ ստացան։

Մեծ հաշվով, չեմ բացառում, որ բոլոր այդ կարծիքները ճշմարիտ լինելու մեծ շանսեր ունեն։ Քաղաքական մեծ կուսակցությունների համար դա ավելի քան սովորական երևույթ է։ Բայց ՀՀԿ Համագումարում այդ մրցակցությունը, մեղմ ասած, այդքան էլ չարտահայտվեց։ Ակնհայտ էր, որ կուսակցական շարքերն ու ներկուսակցկան թիմերը բոլոր վեճերի լուծումը թողել էին իրենց ղեկավարին՝ ՀՀԿ և հանրապետության նախագահ Սերժ Սարգսյանին։ Վերջինս էլ՝ իբրև իրական և ուժեղ առաջնորդ, բոլորին, ըստ իրենց արժանիքների և կարողությունների, տեղ է տվել կուսակցական ղեկավար ամենակարևոր օղակում՝ Գործադիր մարմնում։ Ակնհայտ է, որ Սերժ Սարգսյանի գործոնը ոչ միայն ներքին տարաձայնությունները զսպող, այլև ավելին՝ կուսակցական ներքին ռեսուրսները կենտրոնացող լուրջ հատկություններով է օժտված, ինչը պարզ երևաց ՀՀԿ Համագումարում։

Իհարկե, սա դեռ չի նշանակում, որ Հանրապետական կուսակցությունը միանձնյա ղեկավարվող կառույց է։ Պարզ է, որ ներքին հակասություններն ու մրցակցությունը դեռ երկար կշարունակվի ու, հնարավոր է, անգամ կարևոր հետք թողնի կուսակցության հետագա զարգացման վրա։ Բայց որ Սերժ Սարգսյանը իշխանական ճամբարի անվիճելի առաջնորդն է, կասկածից դուրս է։ Եվ սա հաջորդ կարևոր իրողությունն է, որը նույնպես ապագայում մեծ ազդեցություն կունենա քաղաքական գործընթացների վրա։

ՀՀԿ֊ն բարձրացնում է քաղաքական նշաձողը

Հանրապետական կուսակցության Համագումարի ամենահետաքրքիր և կարևոր պահը, իհարկե, Նախագահ Սարգսյանի ելույթն էր։ Իր խոսքում ՀՀԿ առաջնորդն անդրադարձավ երկրի ամենակարևոր խնդիրներին՝ սկսած քաղաքական էթիկայի ու համակարգի ապագա զարգացումից, վերջացնելով տնտեսությամբ, բանակաշինության հարցերով և արտաքին մարտահրավերներով։ ՀՀԿ ղեկավարի հաշվետվությունը դուրս էր զուտ կուսակցական շրջանակներից, ինչն ինքնին արդեն նոր մարտահրավեր էր առաջիկա խորհրդարանական ընտրություններում հանրապետականների հետ մրցակցել ցանկացող այլ քաղաքական ուժերի համար։ Սերժ Սարգսյանը, որը վաղուց է արդեն խոսում երկբևեռ քաղաքական դաշտ տեսնելու իր ցանկության մասին, ի դեմս ՀՀԿ-ի հետևողականորեն ձևավորում է դրանցից մեկը։ Ձեռնոցը նետված է և այն ուժը, ով կընդունի մարտահրավերը, շահելու լավ հնարավորություն է ստանում։

Նաև հետաքրքիր է նկատել, որ դեռևս մինչ նախընտրական փուլի սկիզբը, Հանրապետական կուսակցության ղեկավարը բացահայտում է իրենց մարտավարությունը։ Իհարկե, սա քաղաքական սխալ հաշվարկ չէր։ Ճիշտ հակառակը։ Սերժ Սարգսյանը, կարծես, հուշում է իր մրցակիցներին, թե ինչպես է պետք պայքարել իշխանության համար։ Որոնք են այն մոտեցումներն ու հարցերը, որոնք կարող են ցանկալի արդյունք ապահովել և վերջապես իրական քաղաքական գործընթացների սկիզբ դնել երկրում։ Կստացվի՝ լավ է։ Ո՞չ, ուրեմն պետք կլինի այնքան համբերել, մինչ ընդդիմությունում վերջապես հասկանան, թե ինչ է նշանակում քաղաքականություն։

Արմեն ՄԱՐՏՈՒՆԻ

loading...
Լրահոս
Գործարկվել է պատգամավորի թեկնածու Ֆելիքս Ցոլակյանի ֆեյսբուքյան էջը Միջպետական և հանրապետական նշանակության բոլոր ավտոճանապարհները բաց են Կարեն Կարապետյանը տուրօպերատորների միության հետ քննարկել է ներգնա տուրիզմի զարգացման հարցեր Օսկանյանի որդուն մեղադրանք է առաջադրվել. նա ազատ է արձակվել չհեռանալու մասին ստորագրությամբ Արդարադատության նախարարությունն և Փաստաբանների պալատը համատեղ հայտարարություն են ընդունել Արցախի Նախագահն ընդունել է 5 երկրից ժամանած դիտորդական պատվիրակությունների Ռուսաստանը եւ Իրանը ձեռնամուխ են եղել Բենդեր-Աբասի ՋԷԿ-ի շինարարությանը Սիրիայում պայթյունի հետևանքով զոհվել է չորս ռուս զինվորական Ադրբեջանի իշխանությունները չեն դադարեցնում ԶԼՄ-ների և լրագրողների նկատմամբ ճնշումները Հայաստանին դուր չի գալիս, որ Ադրբեջանը զենք է գնում Ռուսաստանից. Էդվարդ Նալբանդյան Ալաշանի ընտրատեղամասում Արցախի սահմանադրության բարեփոխումների հանրաքվեին մասնակցել է 155 թալիշեցի ընտրող ԼՂ խնդրի կարգավորումն առանց Ստեփանակերտի անմիջական մասնակցության հնարավոր չէ. ՀՀ ԱԳ նախարար Ֆիյոնը հավասարվել է Մակրոնին Ֆրանսիայի նախագահի թեկնածուների ժողովրդականության վարկանիշում Սիրիական բանակը Հալեպի բնակիչներին հորդորել է վերադառնալ իրենց տներ Կարեն Կարապետյանը նոր նշանակում է կատարել ԼՂՀ-ում մեկնարկել է հանրաքվեն: Ի՞նչի համար է քվեարկում Արցախը Արցախում սահմանադրական հանրաքվեի ընթացքին հետևող դիտորդները կներառվեն Ադրբեջանի «սև ցուցակ»-ում Նոր Սահմանադրությամբ Հայաստանը թևակոխել է բեկումնային փոփոխությունների փուլ. ՀՀ նախագահ Իրանում հայտարարել են 2 մլրդ բարել թերթաքարային նավթի պաշարների հայտնաբերման մասին ՀՀ ԱԻ նախարարությունը համագործակցում է Կրթության և գիտության նախարարության հետ Իրանը պատահական չի համարում Սաուդյան Արաբիայի եւ Իսրայելի մերձեցումը Հայաստանում 2016 թվականին նշանակվել է 41 հազար երեխայի ծննդյան նպաստ Թուրքիայի քրդամետ կուսակցությունն իր համանախագահների կալանավորման գործով դիմել է ՄԻԵԴ Արցախում հանրաքվեին մասնակցել է ընտրողների 46.82 տոկոսը «Ժառանգություն»-ը հեռացել է իր սկզբունքներից և ծրագրից Էրդողանի դեմ մահափորձի գործով առաջին դատական նիստն է գումարվել Ամենից շատ թանկացել են Դավթաշենի բնակարանները Սերժ Սարգսյանը ՀՀ անվտանգության կարևորագույն տարրերից է համարում Ռուսաստանի հետ ձևավորած ռազմական դաշինքը Վիգեն Սարգսյանը Մյունխենում քննարկվել է պաշտպանական ոլորտում կրթական ծրագրերի իրականացման խնդիրներ Այրվում Է Թբիլիսիի քաղաքային խորհրդի շենքի տանիքը ՀՀ խորհրդարանական պատվիրակությունն Արցախում այցելել է առաջնագիծ Նալբանդյանի այցը կդառնա հայ-ռուսական ակտիվ երկխոսության տրամաբանական շարունակությունը. ՌԴ ԱԳՆ Անհարկի համեմատություններ անելով ընդդիմադիր չեն լինում Արցախի ԱԺ նախագահն ընդունել է Ֆրանսիայից ժամանած դիտորդներին Պուտինը հրամանագիր է ստորագրել Ստալինգրադի ճակատամարտում հաղթանակի 75-ամյակի տոնակատարության մասին Կարմրաշեն, Ոսկեթաս և Զովասար գյուղերը կապող ճանապարհը կհիմնանորոգվի Պենտագոնի ղեկավարը ժամանել է Բաղդադ Հայ-շվեյցարական համագործակցությունն ակտիվանում է հոգուտ ՀՀ ԱԻՆ Աղետների բժշկության կենտրոնի Տասնյակ մարդիկ են սառնամանիքի զոհ դարձել Աֆղանստանում Առանձնապես խոշոր չափերով յուրացման դեպքի առթիվ ՀՀ գլխավոր դատախազությունը հարուցել է քրգործ
Խմբագրի ընտրություն
website by Sargssyan