Իսպանիայում 50 մարդու են բռնել «վրացական մաֆիայի» դեմ գործողության շրջանակներում
Նմանատիպ
Իսպանիայի ազգային ոստիկանությունը շուրջ 50 մարդու է ձերբակալել «վրացական մաֆիայի» դեմ գործողության շրջանակներում: Այդ մասին, ինչպես տեղեկացնում է «Արմենպրես»-ը, հայտնել է La Razon թերթը:
Նրա տեղեկատվության համաձայն՝ խոսքը քրեական խմբավորման մասին է, որի անդամները կասկածվում են պիրենեյան ողջ թագավորությունում 100-ից ավելի բնակարաններ կողոպտելու մեջ: Գործողությունը, որի ընթացքում նաեւ կատարվում է 25 խուզարկություն, գլխավորապես տեղի է ունենում Մադրիդի ինքնավար հանրակցությունում եւ Բարսելոնում:
Սպասվում է, որ ձերբակալություններ կկատարվեն նաեւ Վրաստանում: Գործողության շրջանակներում տրվել է խմբավորման պարագլխի ձերբակալման կալանագիր, որը ներկայում կարող է թաքնվել Իտալիայում:
Ընթացիկ տարվա հունիսի վերջին Իսպանիայի ազգային ոստիկանությունը այսպես կոչված վրացական մաֆիայի 18 անդամների էր ձերբակալել թագավորության մայրաքաղաքում տասնյակ բնակարանների կողոպտման կասկածանքով, հաղորդել է ՏԱՍՍ-ը:
Հետևեք մեզ նաև Telegram-ում