Հայաստանից ԵԱՏՄ երկրներ արտահանման ծավալով լոլիկն երկրորդն է

2016 թվականի հունվար-սեպտեմբերին Հայաստանից ԵԱՏՄ երկրներ արտահանման ծավալով լոլիկն երկրորդն է` թունդ ալկոհոլային խմիչքներից հետո: 2016 թվականի հունվար-սեպտեմբերին Հայաստանից ԵԱՏՄ որոշ երկրներ արտահանվել է 19 մլն 783 հազար 954 ԱՄՆ դոլարի լոլիկ: Ինչպես տեղեկացնում է «Արմենպրես»-ը՝ վկայակոչելով Եվրասիական տնտեսական հանձնաժողովի տվյալների բազան, ընդհանուր առմամբ այն կազմել է 30 հազար 369 տոննա, որից շուրջ 30 հազար 169 տոննան արտահանվել է ՌԴ` կազմելով 19 մլն 726 հազար 714 ԱՄՆ դոլար:

2016 թվականի հունվար-սեպտեմբերին Հայաստանից Բելառուս է արտահանվել ընդամենը 200 տոննա լոլիկ, որը կազմել է 57 հազար 240 ԱՄՆ դոլար: