Ֆրանսիայի ՆԳ նախարար Բեռնար Կազնյովը նշանակվել է երկրի վարչապետ
Նմանատիպ
Ֆրանսիայի ներքին գործերի նախարար Բեռնար Կազնյովը նշանակվել է երկրի կառավարության նոր ղեկավար: Այդ մասին, ինչպես տեղեկացնում է «Արմենպրես»-ը, դեկտեմբերի 6-ին հայտնել են Ելիսեյան պալատում:
Որոշումն ընդունվել է վարչապետի Մանյուել Վալսի պաշտոնաթողությունից հետո: Դեկտեմբերի 6-ին ավելի վաղ Վալսը թողել է Ֆրանսիայի կառավարության ղեկավարի պաշտոնը:
Պաշտոնից իր հեռանալու մասին նա պաշտոնապես հայտարարել է հանրապետության նախագահ Ֆրանսուա Օլանդի հետ Ելիսեյան պալատում կայացած հանդիպման ընթացքում:
Այդ քայլին Վալսը դիմել է, որպեսզի մասնակցի սոցիալիստների փրայմերիզներին: Այդ մասին նա հայտարարել է դեկտեմբերի 5-ին եւ նշել, թե հույս ունի միավորել սոցիալիստներին:
Նրա կուսակից Ֆրանսուա Օլանդը դեկտեմբերին ավելի վաղ հայտարարել էր, որ երկրորդ ժամկետով իր թեկնածությունը չի առաջադրելու նախագահի պաշտոնի համար, հաղորդել է «Ինտերֆաքս»-ը:
Հետևեք մեզ նաև Telegram-ում