Մամեդյարովը Մինսկի խմբի ֆրանսիացի համանախագահի հետ խոսել է ԼՂ հակամարտության մասին
12/12/2016 17:28
Նմանատիպ
Ադրբեջանի արտաքին գործերի նախարար Էլմար Մամեդյարովը հանդիպել է ԵԱՀԿ Մինսկի խմբի ֆրանսիացի համանախագահ Ստեֆան Վիսկոնտիին: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, այս մասին հայտարարություն է տարածել Ադրբեջանի ԱԳՆ լրատվական ծառայությունը:
Հանդիպմանը կողմերը մտքեր են փոխանակել ԵԱՀԿ Մինսկի խմբի միջնորդությամբ ղարաբաղյան հակամարտության կարգավորման բանակցային գործընթացի ինտենսիվության վերաբերյալ:
Ավելի վաղ Մինսկի խմբի ֆրանսիացի նոր համանախագահին ընդունել էր Ադրբեջանի նախագահ Իլհամ Ալիևը:
Հետևեք մեզ նաև Telegram-ում