Ֆրանսիայի Ազգային ժողովը երկրում արտակարգ դրությունը երկարացրեց մինչեւ 2017 թվականի հուլիսի 15-ը
Նմանատիպ
Ֆրանսիայի Ազգային ժողովը դեկտեմբերի 14-ին երկրում սահմանված արտակարգ դրությունը երկարացրել է մինչեւ 2017 թվականի հուլիսի 15-ը, հաղորդում է «Արմենպրես»-ը՝ հղում անելով տեղական ԶԼՄ-ներին: Հարցը քվեարկության էր դրվել Ֆրանսիայի կառավարության առաջարկությամբ, որը գտնում է, որ ահաբեկչական գործողությունների սպառնալիքն ամբողջությամբ վերացված չէ:
Արտակարգ դրությունը մտցվել էր 2015 թվականին Փարիզում կատարված մի շարք ահաբեկչական գործողություններից հետո, որը 130 մարդու կյանք խլեց, այնուհետեւ երկարացվել էր մի քանի անգամ: Ազգային ժողովի որոշումը դեկտեմբերի 15-ին պետք է հաստատվի Սենատի կողմից:
Ինչպես նշում է «Ինտերֆաքս»-ը, արտակարգ դրության ռեժիմը հանրապետության անվտանգության ծառայություններին ընդլայնված լիազորություններ է տրամադրում ահաբեկչական գործունեության մեջ կասկածվողների որոնման ու ձերբակալման հարցում:
Հետևեք մեզ նաև Telegram-ում