Սիրիայի հյուսիսում յոթ թուրք զինվոր է վիրավորվել
19/12/2016 10:00
Նմանատիպ
Սիրիայի հյուսիսում հարձակում է իրականացվել «Եփրատի վահան» գործողությունն իրականացնող Թուրքիայի զինված ուժերի վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Հարձակման հետևանքով վիրավորվել է յոթ թուրք զինվոր: Թուրքական լրատվամիջոցները չեն հստակեցնում, թե ով է եղել հարձակման հեղինակը:
Թուրքիան Սիրիայի տարածքում 2016 թվականի օգոստոսի 24-ից իրականացնում է «Եփրատի վահան» անունը կրող գործողություն: «Իսլամական պետություն» խմբավորման դեմ պայքարելու պատրվակով թուրքական ուժերը հիմնական հարվածը հասցնում են Սիրիայի քրդերին:
Հետևեք մեզ նաև Telegram-ում