Պուտինին զեկուցվել է Անկարայում ՌԴ դեսպանի վրա հարձակման մասին
19/12/2016 21:05
Նմանատիպ
Ռուսաստանի նախագահ Վլադիմիր Պուտինին զեկուցվել է Անկարայում ՌԴ դեսպանի վրա հարձակման մասին: Ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, այդ մասին հայտարարել է ՌԴ նախագահի մամուլի խոսնակ Դմիտրի Պեսկովը:
«Նախագահին զեկուցվել է, տեղեկատվությունը ճշտվում է: Պուտինը տեղի ունեցածի առնչությամբ մտադիր է լսել արտգործնախարարին և հատուկ ծառայությունների ղեկավարներին»,- ասել է Պեսկովը:
Անկարայում զինված անձը հարձակում է գործել Թուրքիայում Ռուսաստանի դեսպան Անդրեյ Կառլովի վրա:
Դեսպանը ծանր վիրավոր վիճակում տեղափոխվել է հիվանդանոց:
Հետևեք մեզ նաև Telegram-ում