Թրամփը Սպիտակ տան մամուլի քարտուղարի պաշտոնում նշանակել է Շոն Սփայսերին
23/12/2016 10:10
Նմանատիպ
ԱՄՆ-ի ընտրված նախագահ Դոնալդ Թրամփը դեկտեմբերի 22-ին նոր վարչակազմում Սպիտակ տան մամուլի քարտուղարի պաշտոնում նշանակել է իր անցումային թիմի ներկայացուցիչ Շոն Սփայսերին: Այդ մասին, ինչպես տեղեկացնում է «Արմենպրես»-ը, ասված է հանրապետականի տարածած հայտարարության մեջ:
Թրամփը նաեւ Հոուփ Հիքսին նշանակել է Սպիտակ տան ռազմավարական կապի տնօրեն, Ջեյսոն Միլլերին՝ հաղորդակցությունների գծով տնօրեն, իսկ Դեն Սքավինոյին՝ սոցիալական ցանցերի գծով տնօրեն: Թրամփը նաեւ նրանց դարձրել է իր օգնականներ:
«Շոնը, Հոուփը, Ջեյսոնը եւ Դենն իմ շտաբի հանգուցային անդամներն էին ընտրարշավի ընթացքում եւ անցումային թիմում»,– նշել է ընտրված նախագահը, հաղորդել է ՏԱՍՍ-ը:
Հետևեք մեզ նաև Telegram-ում