Թուրքիայի մեջլիսի փոխխոսնակը ձերբակալվել է
23/12/2016 11:17
Նմանատիպ
Թուրքիայի Ազգային մեծ ժողովի փոխնախագահ, քրդամետ Ժողովուրդների դեմոկրատական կուսակցության պատգամավոր Փերվին Բուլդանը ձերբակալվել է: Ինչպես հաղորդում է «Արմենպրես»-ը, այս մասին մեջլիսի փոխխոսնակը հայտնել է թվիրթերյան միկրոբլոգի միջոցով:
Հայտնի է, որ պատգամավորը ձերբակալվել է տանը: Թե ինչ հիմնավորմամբ է իրականացվել ձերբակալությունը, հայտնի չէ:
Ժողովուրդների դեմոկրատական կուսակցության անդամ 59 պատգամավորից 12-ը ներկայում կալանավորված են: Նրանց շարքում են կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը, ինչպես նաև խորհրդարանական խմբակցության երկու ղեկավարները: Նրանք ևս մեղադրվում են «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեջ:
Հետևեք մեզ նաև Telegram-ում