Վիգեն Սարգսյանը ցավակցություն է հայտնել ՌԴ ՊՆ օդանավի կործանման կապակցությամբ
Նմանատիպ
ՀՀ պաշտպանության նախարար Վիգեն Սարգսյանը դեկտեմբերի 26-ին այցելել է ՀՀ-ում ՌԴ դեսպանություն և ցավակցություն հայտնել Սև ծովում ՌԴ պաշտպանության նախարարության Տու-154 օդանավի կործանման կապակցությամբ, որի հետևանքով տասնյակ մարդիկ են զոհվել:
Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, Վիգեն Սարգսյանը փոխանցել է ՌԴ պաշտպանության նախարար Սերգեյ Շոյգուին ուղղված ցավակցական ուղերձը:
«Ցավալի է գիտակցել, որ ահավոր ողբերգությունը տասնյակ մարդկային կյանքեր է խլել, զոհվել են օդանավի փորձառու անձնակազմը, զինծառայողներ, Ալեքսանդրովի անվան երգի և պարի անսամբլի արտիստները, շնորհալի լրագրողներ:
Անդառնալի կորստի կապակցությամբ իմ խորին ցավակցությունն եմ հայտնում Ձեզ, զոհվածների հարազատներին և մերձավորներին, ՌԴ զինված ուժերի անձնակազմին, Ռուսաստանի Դաշնության ամբողջ եղբայրական ժողովրդին»,-ասված է Վիգեն Սարգսյանի ցավակցական ուղերձում:
Հետևեք մեզ նաև Telegram-ում