Դամասկոսում ականանետից կրակ են արձակել Ռուսաստանի դեսպանատան ուղղությամբ
28/12/2016 21:29
Նմանատիպ
Սիրիայի մայրաքաղաք Դամասկոսում գտնվող Ռուսաստանի դեսպանատան շենքի վրա ականանետից կրակ է արձակվել:
Այս մասին հաղորդում է «Արմենպրես»-ը` հղում անելով ՌԴ արտաքին գործերի նախարարության համապատասխան հայտարարությանը:
Ռուսաստանի Դաշնության ԱԳՆ հայտարարության համաձայն` հարձակումը կազմակերպվել է Սիրիայում խաղաղ կարգավորման գործընթացը սաբոտաժի ենթարկելու նպատակով:
Դեսպանատունը ականանետից գնդակոծվել է երկու անգամ, արկերից մեկը ընկել է դեսպանատան բակում, իսկ մյուսը դեսպանատան շենքից փոքր-ինչ հեռու:
Հարձակման հետեւանքով վիրավորներ եւ սպանվածներ չկան:
Հետևեք մեզ նաև Telegram-ում