ԵԽԽՎ համազեկուցողներն այցելելու են Բաքու
10/01/2017 16:44
Նմանատիպ
Եվրոպայի խորհրդի Ադրբեջանի վերաբերյալ զեկույցներ ունեցող համազեկուցողներ Ավստրիացի պատգամավոր Ստեֆան Շեննաքը եւ Ռումինիայի ներկայացուցիչ Կեսար Ֆլորին Պրեդան հունվարի 12-ից 14-ը կլինեն Ադրբեջանում:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:
Ադրբեջանում գտնվելու օրերին համազեկուցողները կհանդիպեն Ադրբեջանի նախագահի, արդարադատության եւ ներքին գործերի նախարարների, պատգամավորների, գլխավոր դատախազի, գերագույն դատարանի նախագահի հետ եւ այլն:
Այցի ընթացքում համազեկուցողները նախատեսում են հանդիպել նաեւ Ադրբեջանի խորհրդարանական ընդդիմության եւ քաղաքացիական հասարակության ներկայացուցիչների հետ:
Հետևեք մեզ նաև Telegram-ում