Թբիլիսիում հրազենային վերք է ստացել Վրաստանի նախագահի փեսան

Թբիլիսիում հրազենային վերք է ստացել Վրաստանի նախագահի փեսան

Թբիլիսիում հրազենային վերք է ստացել Մինդիա Գոգոչուրին՝ Վրաստանի նախագահ Գեորգի Մարգվելաշվիլիի փեսան: Այդ մասին հայտնել է «Ռուսթավի-2»-ը:

Միջադեպը տեղի է ունեցել հունվարի 11-ին Բալանչիվաձե փողոցում: Հեռուստաալիքի տեղեկատվության համաձայն՝ Մինդիային տեղափոխել են Անհետաձգելի բուժօգնության քաղաքային կենտրոն: Այլ մանրամասնություններ չեն հաղորդվում:

Պատահարի վայր են ժամանել իրավապահ մարմինների աշխատակիցներ, ինչպես նաեւ փորձագետ-քրեագետներ:

Վրաստանի ՆԳ նախարարությունում հաստատել են Գոգոչուրիի վիրավորվելու վերաբերյալ տեղեկատվությունը: Այդ փաստով քրեական գործ է հարուցվել: Հետաքննությունը վարում են Վրաստանի Քրեական օրենսգրքի 118-րդ հոդվածով, որը պատիժ է նախատեսում առողջությանը միտումնավոր վնաս պատճառելու համար:

Հետևեք մեզ նաև Telegram-ում