Հայաստանում 2017-ին տնտեսական աճը կշարունակվի. Կարայան

Հայաստանում 2017-ին տնտեսական աճը կշարունակվի. Կարայան

Հայաստանում 2017 թվականին տնտեսական աճի տեմպերի զարգացումը կշարունակվի: Հունվարի 12-ին կառավարության նիստից հետո լրագրողների հետ զրույցում նման համոզմունք հայտնեց Տնտեսական զարգացման և ներդրումների նախարար Սուրեն Կարայանը: «Արտահանման մասով այն աճի տեմպերը, որոնք գրանցվել էին 2016 թվականին, առնվազն կպահպանվեն, և այդ տեմպերն ավելի կգերազանցենք: Ներդրումների մասով ևս աճի տեմպեր կունենանք: Բավականին աշխատանքներ 2016-ի վերջին եռամսյակում իրականացրել ենք, պատրաստել ենք դաշտը և ակնկալում ենք, որ 2017-ին և տնտեսական աճը, և տնտեսական ակտիվության բոլոր ցուցանիշները, այդ թվում` արդյունաբերության ու արտահանման մասով՝ լուրջ աճ կունենան», – ասաց նախարարը:

Հարցին, թե երբ վարչապետը նշանակվեց, հայտարարեց, որ տնտեսության վիճակը շատ ծանր է, ի՞նչ է փոխվել վերջին ամիսների ընթացքում, Սուրեն Կարայանն ասաց. «Վերանայեցինք տնտեսության զարգացման մոդելը։ Ելնելով փոքր տնտեսության առանձնահատկություններից՝ մենք շեշտը դնում ենք, որ տնտեսությունը զարգանա ի հաշիվ արտահանման՝ առաջարկի հիման վրա:

Հետևեք մեզ նաև Telegram-ում