Ռուս դեսպանին սպանած թուրք ոստիկանի մարմինը դիահերձարանից ոչ ոք չի տարել
Նմանատիպ
ՌԴ դեսպան Անդրեյ Կառլովին Անկարայում սպանած թուրք ոստիկան Մևլութ Մերթ Ալթընթաշին կհուղարկավորեն ընդհանուր գերեզմանատանը, գրում է թուրքական «Միլլիյեթ» պարբերականը:
Ալթընթաշի հուղարկավորմամբ կզբաղվեն Անկարայի քաղաքապետարանի աշխատակիցները:
Կառլովին սպանած 22-ամյա Ալթընթաշի մարմինը դիահերձարանից ոչ ոք այդպես էլ չի տարել:
Անկարայում հայտարարել էին, որ եթե որոշակի ժամանակահատվածում Ալթընթաշի ազգականներից որևէ մեկը չհայտնվի՝ նրան կթաղեն ընդհանուր գերեզմանոցում:
Կառլովի վրա զինված հարձակումը տեղի է ունեցել դեկտեմբերի 19-ին Թուրքիայի մայրաքաղաքում գտնվող Ժամանակակից արվեստի կենտրոնում ցուցահանդեսի բացմանը:
Ալթընթաշը սպանությունից առաջ՝ նախ մեջբերումներ է արել «Ալ Քաիդա» խմբավորման հիմնից, այնուհետև արաբերենով բացականչել է «Ինձ այստեղից միայն մահը կտանի» և հայտարարել, որ նա հավատարմություն է հայտնել ջիհադին: Այնուհետև Ալթընթաշը բացականչել է «Ալլահ աքբար, Հալեպը մի՛ մոռացեք, Սիրիան մի՛ մոռացեք»:
Հետևեք մեզ նաև Telegram-ում