2018 թվականը կգա, կխոսենք. վարչապետն անդրադարաձավ իր հետագա պաշտոնավարմանը
Նմանատիպ
ՀՀ վարչապետ Կարեն Կարապետյանն, անդրադառնալով 2018 թվականից հետո պաշտոնավարման մասին հարցին, նշեց, որ դրա մասին կխոսի այդ ժամանակ: «Այս հարցին պատասխանել եմ առավելագույնս պարզ՝ 2018 թվականը կգա, կխոսենք»,- «Արմենպրես»-իփոխանցմամբ` կառավարությունում հրավիրված մամուլի ասուլիսի ժամանակ ասաց վարչապետը:
«Կլինեմ ես վարչապետ, չեմ լինի վարչապետ. ձեզ ամենաշատ հուզող հարցն այս պահին դա՞ է»,- լրագրողներին հարցրեց Կարեն Կարապետյանը:
Դիտարկմանը, որ անհրաժեշտ է իմանալ՝ հստակություն այս հարցում կա՞, թե՞ ոչ, վարչապետն ասաց. «Հստակեցում կա, գնում ենք առաջ: Եթե հնարավորություն չեմ ունենա, ուրեմն չեմ լինի. տրամադրվա՞ծ ենք էֆեկտիվ աշխատել՝ այո: Եթե էֆեկտիվ անցնենք, եթե ապրիլյան այս ընտրությունները ՀՀԿ-ն հաղթի… այս հարցի պատասխանի բոլոր հնարավոր մեկնաբանությունները, եթե հաշվի առնենք, հարցին պետք է չպատասխանել, որովհետև ինչպես ցանկանաք տեքստից կարող եք մի մասը հանել և մեկնաբանել»:
Հետևեք մեզ նաև Telegram-ում