Ամերիկացիների 82 տոկոսը Ռուսաստանը սպառնալիք է համարում ԱՄՆ-ի համար

Ամերիկացիների 82 տոկոսը Ռուսաստանը սպառնալիք է համարում ԱՄՆ-ի համար

Ամերիկացիների մեծ մասը Ռուսաստանը ԱՄՆ-ի համար սպառնալիք են համարում: Ինչպես հաղորդում է «Արմենպրես»-ը, վկայակոչելով «Ռիա նովոստի»-ն, այդպիսին են հունվարի 9-12-ը «Ռոյթեր» գործակալության և հասարակական կարծիքի հետազոտության միջազգային ինստիտուտի համատեղ հետազոտության արդյունքները:

Հետազոտության ընթացքում ամերիկացիներին խնդրել են 5 բալանոց համակարգով գնահատել, թե իրենց կարծիքով տարբեր պետություններ որքանով են սպառնալիք ԱՄՆ-ի համար: Պարզվել է, որ ԱՄՆ-ի չափահաս քաղաքացիների 82 տոկոսը Ռուսաստանը գնահատել են որպես ԱՄՆ-ի համար սպառնալիք հանդիսացող երկիր:

Հետազոտության արդյունքներով Ռուսաստանն առաջ է անցել Իրանից, Սիրիայից, Չինաստանից, Սաուդյան Արաբիայից, Կուբայից, Եմենից: Ամերիկացիները լուրջ սպառնալիք են համարում նաև Հյուսիային Կորեան:

Հետևեք մեզ նաև Telegram-ում