Թրամփը պաշտոնակալության ժամանակ երդում կտա միանգամից երկու Աստվածաշնչերով
18/01/2017 10:33
Նմանատիպ
ԱՄՆ-ի ընտրյալ նախագահ Դոնալդ Թրամփը պաշտոնակալության արարողության ժամանակ երդում կտա միանգամից երկու Աստվածաշնչերով: Այդ մասին, ինչպես տեղեկացնում է «Արենպրես»-ը, հունվարի 17-ին հայտնել են Միացյալ Նահանգների զանգվածային լրատվամիջոցները:
Գրքերից մեկն այն Աստվածաշունչն է, որի վրա ձեռքը դնելով 156 տարի առաջ իր առաջին պաշտոնակալության ժամանակ երդում է տվել Աբրահամ Լինկոլնը: Դրանով իր նախագահական երդումն է տվել Բարաք Օբաման:
Երկրորդն այն Աստածաշունչն է, որը Դոնալդ Թրամփը պահպանում Է մանկությունից: 1955 թականին այն Թրամփին Է նվիրել մայրը կիրակնօրյա դպրոցն ավարտելու առթիվ: Ինչպես նշել են պաշտոնակալության արարողության կազմակերպիչները, այդ երկու գրքերն «առանձնահատուկ նշանակություն ունեն Թրամփի ընտանիքի եւ երկրի համար», հաղորդել է «Ինտերֆաքսը»:
Հետևեք մեզ նաև Telegram-ում