Մայրաքաղաքի վարչական շրջաններում առկա են կոյուղացման եւ գազամատակարարման հետ կապված խնդիրներ
Նմանատիպ
Մայրաքաղաքի մի շարք շրջաններում դեռեւս չլուծված են մնում կոյուղացման եւ գազամատակարարման խնդիրները: Այս մասին լրագրողների հետ հանդիպմանը ներկայացնելով Երեւանի քաղաքապետարանի 2016 թվականի հաշվետվությունն ու 2017 թվականի անելիքները՝ ասաց քաղաքապետի առաջին տեղակալ Կամո Արեյանը: Նրա խոսքով` մայրաքաղաքի 11 վարչական շրջաններում 50-ից ավել փողոցներ, Հաղթանակ թաղամասն ու Նորագյուղը չունեն կոյուղի: «Սա ծառացած խնդիր է «Վիոլա ջուր» ընկերության համար: Մենք այդ ուղղությամբ արդեն իսկ քննարկումներ ենք սկսել եւ ներդրումային հետագա տարիների ծրագրերում անպայման կընդգրկվի այս հարցը եւս»,-«Արմենպրես»-ի հաղորդմամբ՝ ասաց Արեյանը:
Անդրադառնալով գազամատակարարման խնդիրներին՝ քաղաքապետի առաջին տեղակալը նշեց, որ մի շարք վարչական շրջանների 4700 բաժանորդներ գազամատակարարման հետ կապված խնդիրներ ունեն: «Այս հարցը եւս քննարկումների փուլում է գտնվում»,-հավելեց Արեյանը:
2016 թվականի ընթացքում մայրաքաղաքի վարչական տարբեր շրջաններում կառուցվել է 22 կմ նոր ջրագիծ և 1.6 կմ կոյուղագիծ:
Հետևեք մեզ նաև Telegram-ում