Սիրիայի շուրջ բանակցություններում Թեհրանի պատվիրակությունը կգլխավորի Իրանի ԱԳ փոխնախարարը
Նմանատիպ
Աստանայում Սիրիայի շուրջ կայանալիք բանակցություններում Թեհրանի պատվիրակությունը կգլխավորի Իրանի արտաքին գործերի փոխնախարար Հոսեյն Ջաբերի Անսարին: Այդ մասին, ինչպես տեղեկացնում է «Արմենպրես»-ը, ասված է Իրանի ԱԳ նախարարության հաղորդագրության մեջ, որն այս երկրի դեսպանության կողմից տարածվել է Ղազախստանում:
Սպասվում է, որ Աստանայում հանդիպումը տեղի կունենա հունվարի 23-ին:
«Իրանի Իսլամական Հանրապետության պատվիրակությունը՝ արտաքին գործերի փոխնախարար Հոսեյն Ջաբերի Անսարիի գլխավորությամբ, կմասնակցի հունվարի 23-ին Աստանայում կայանալիք բանակցություններին»,-ասված է հաղորդագրության մեջ:
Դրանում նաեւ նշված է, որ «Իրանը՝ որպես Աստանայում բանակցությունների անցկացման նախաձեռնողներից մեկը, դա համարում է Սիրիայի կառավարության եւ ընդդիմության միջեւ երկխոսության վերականգնման հնարավորություն՝ քաղաքական կարգավորման հասնելու համար, որպեսզի այս երկրում վերջ դրվի պատերազմին ու հումանիտար ճգնաժամին եւ աջակցություն ցուցաբերվի տարածաշրջանում կայունության եւ խաղաղության հաստատմանը»,- հաղորդել է ՌԻԱ Նովոստին:
Հետևեք մեզ նաև Telegram-ում