«168 Ժամ». Խաչատուր Սուքիասյան. «ՀԱԿ-ի հետ շատ ակտիվ բանակցություններ են ընթանում»
Նմանատիպ
ԱԺ նախկին պատգամավոր, «Սիլ կոնցեռնի» հիմնադիր Խաչատուր Սուքիասյանը դեռևս չի կողմնորոշվել խորհրդարանական ընտրություններին իր մասնակցության ձևաչափի հարցում:
«168 Ժամ»-ի թղթակցի հետ զրույցում նա ասել է, որ թեև ավելի վաղ հայտարարել էր, որ հունվարի 20-ից հետո իր որոշման մասին հայտարարություն կանի, սակայն մինչ օրս տարբեր ուժերի հետ քննարկումները շարունակվում են. «Բարդ պրոցես է, դեռ ձգձգվում է»,- ասել է Խ. Սուքիասյանը՝ նշելով, որ երբ հստակեցում լինի՝ կտեղեկացնի:
«Այս պահին ՀԱԿ-ի հետ են շատ ակտիվ բանակցություններ ընթանում»,- հավելել է Սուքիասյանը: Հարցին, թե Գագիկ Ծառուկյանի հետ հանդիպումները որևէ արդյունք տվեցի՞ն, թե այդ ուղղությունն էլ դեռ բաց է, Խ. Սուքիասյանը պատասխանել է, որ բոլորի հետ էլ քննարկումներն արդյունք տալիս են, բայց հայտարարությունների համար դեռ շուտ է:
Հետևեք մեզ նաև Telegram-ում