Բելառուսի գլխավոր դատախազությունը պնդում է, թե ՌԴ-ն ու Իսրայելը չեն դիմել իրենց Լապշինին հանձնելու խնդրանքով
Նմանատիպ
Բելառուսի գլխավոր դատախազությունը պնդում է, թե ո՛չ Ռուսաստանը, ո՛չ Իսրայելը չեն դիմել բլոգեր իրենց Ալեքսանդր Լապշինին հանձնելու խնդրանքով: Ինչպես հաղորդում է «Արմենպրես»-ը, այս մասին հաղորդում է Interfax-ի բելառուսական ծառայությունը:
«Ո՛չ Ռուսաստանի Դաշնությունը, ո՛չ Իսրայել Պետությունը, որոնց քաղաքացին հանդիսանում է Ալեքսանդր Լապշինը, բելառուսական կողմին չեն դիմել վերջինիս իրենց հանձնելու խնդրանքով»,- գործակալությանն ասել է գերատեսչությունից:
Բելառուսի գլխավոր դատախազությունից նաև տեղեկացրել են, որ Լապշինի քրեական պատասխանատվության ենթարկելու դիմումն իրենք ստացել են համապատասխան ժամկետներում:
«Գործող օրենսդրության համապատասխան արտահանձնվող անձի մեղավորության ստուգումը չի առնչվում այն երկրի իրավասությանը, որից խնդրում են արտահանձնել»,- ընդգծել են Բելառուսի գլխավոր դատախազությունում:
Հետևեք մեզ նաև Telegram-ում