Ֆիլիպինների հարավում ուժգին երկրաշարժ է գրանցվել

Ֆիլիպինների հարավում 6.7 մագնիտուդ երկրաշարժ է արձանագրվել: Ինչպես հաղորդում է «Արմենպրես»-ը` վկայակոչելով Interfax-ը, երկրաշարժը գրանցել է ԱՄՆ երկրաբանական ծառայությունը:

Ըստ այդ ծառայության տվյալների` երկրաշարժի էպիկենտրոնը գտնվում էր Մինդանաո կղզու վրա գտնվող Թալիսայ քաղաքից երկու կիլոմետր դեպի հարավ-արևելք: Երկրաշարժի օջախը 10 կիլոմետր խորության վրա էր:

Ցունամիի վտանգի, ինչպես նաև տոժածների մասին տեղեկություններ դեռևս չկան: