Երևանի քաղաքապետարանը 1200 սիրիահայ ընտանիքի տրամադրել է սոցիալական աջակցություն

Երևանի քաղաքապետարանը մայրաքաղաքում իրականացվող սոցիալական բոլոր ծրագրերում առաջնահերթության կարգով ներառում է կյանքի առանձնահատուկ պայմաններ ունեցող քաղաքացիներին։

«Արմենպրես»-ի հաղորդմամբ, այս մասին տեղեկանում ենք Երևանի քաղաքապետարանի 2016 թվականի տարեկան հաշվետվությունից։

Կյանքի առանձնահատուկ պայմաններ ունեցող քաղաքացիներն ակտիվորեն ընդգրկվում են քաղաքային կառավարման և մարզամշակութային կյանքի կազմակերպման ծրագրերում։
Երևանի քաղաքապետարանը իրականացրել է նաև հատուկ այլ ծրագրեր, որոնցից է «Երևանի քաղաքապետարանը՝ Երևանի մանուկներին» նախագիծը։

Ծրագրի շրջանակում աջակցության է ցուցաբերվել միայնակ մայրերի՝ երևանաբնակ ուղեղային կաթված ունեցող փոքրիկների թերապևտիկ բուժումներ կազմակերպելու համար։

2016 թվականին իրականացված սոցիալական ծրագրերի առաջնային ուղղություններից են նաև սիրիահայերի համար իրականացվող ծրագրերը։ Սիրիահայերի ավելի քան 1200 ընտանիքի տրամադրվել է դրամական, նյութական և պարենային աջակցություն։