Կիմ Չեն Նամի մահվան գործով առաջին ձերբակալություններն են կատարվել Մալայզիայում
Նմանատիպ
Մալայզիայի իշխանությունները մի քանի ձերբակալություններ են կատարել Հյուսիսային Կորեայի առաջնորդ Կիմ Չեն Ընի խորթ եղբոր՝ 45-ամյա Կիմ Չեն Նամի մահվան կապակցությամբ: Այդ մասին, ինչպես տեղեկացնում է «Արմենպրես»-ը, փետրվարի 15-ին հայտնել է Malaysia Daily մալայզիական հրատարակությունը:
Նրա տվյալներով՝ ձերբակալվել է այն տաքսիստը, որը, ինչպես ենթադրվում է, Քուալա-Լումպուրի օդանավակայան էր բերել երկու կանանց, որոնք ավելի ուշ հարձակում են կատարել Կիմ Չեն Նամի վրա:
Նաեւ ձերբակալվել է մի կին. հրատարակությունը նշում է, որ նա վիետնամցի է: Ոստիկանությունը շարունակում է երկրորդ կնոջ եւ չորս տղամարդկանց հետախուզումը:
Սպասվում է, որ ոստիկանությունն առաջիկա ժամերին հայտարարություն կհրապարակի Կիմ Չեն Նամի մահվան վերաբերյալ: Քուալա-Լումպուրի հիվանդանոցում աշխատանքը շարունակում են դատաբժշկական փորձագետները, բուժհաստատություն են հրավիրվել ԿԺԴՀ-ից դիվանագետներ, հաղորդել է «Ինտերֆաքս»-ը:
Հետևեք մեզ նաև Telegram-ում