Ադրբեջանցի 11 ընդդիմադիրներ հաղթել են ՄԻԵԴ-ում
Նմանատիպ
Փետրվարի 16-ին Մարդու իրավունքների եվրոպական դատարանը հրապարակել է Ադրբեջանի վերաբերյալ 6 վճիռ:
Այս մասին հայտնում է ադրբեջանական azadliq.org-ը:
Մարդու իրավունքների եվրոպական դատարանի կայքում տեղ գտած հրապարակման համաձայն` ՄԻԵԴ-ը այս դատավարությունների արդյունքում Ադրբեջանին տուգանել է 138 հազար 870 եվրոյի չափով:
Վճիռներից մեկը վերաբերում է Ադրբեջանի ընդդիմության ներկայացուցիչներ Բայրամ Բայրամովի, Մաջիդ Մաջիդլիի, Վիդադի Իսգենդերլիի, Իքրամ Իսրաֆիլովի, Հիքմեթ Աղայևի և Ռովշան Քուլիևի դիմումներին:
Այս անձինք 2010-ի հուլիսին, և 2011-ի ապրիլին Բաքվում մասնակցել են բողոքի ակցիայի , ինչից հետո ձերբակալվել և վաչական տուգանքների են ենթարկվել:
Ընդիմադիրները իրենց ձերբակալությունների գործով դիմել են տեղական դատարաններ, սակայն Ադրբեջանի դատարանները մերժել են նրանց դիմումները:
Մարդու իրավունքների եվրոպական դատարանը այս ամենը համարել է Եվրոպական կոնվենցիայի 6-րդ (արդար դատաքննություն), 11-րդ (միավորման իրավունքի) և 5-րդ (ազատության և անվտանգության իրավունքի) հոդվածների խախտում:
Ադրբեջանում մարդու իրավունքների խախտման դեպքերը չափազանց լայն տարածում ունեն:
Ամեն տարի ՄԻԵԴ են ուղարկվում մարդու իրավունքների խախտման վերաբերյալ հարյուրավոր հայցեր:
2016թ-ի դեկտեմբերին Մարդու իրավունքների եվրոպական դատարանը Ադրբեջանի հետ հաղորդակցություն էր սկսել Ադրբեջանում մարդու իրավունքների խախտման վերաբերյալ ստացված 32 բողոքի դիմումների շուրջ:
Ադրբեջանի կառավարությունը 2017 թվականի մարտի 21-ի դրությամբ պետք է պատասխանած լինի ՄԻԵԴ-ի կողմից առաջադրված բոլոր հարցերին:
Հետևեք մեզ նաև Telegram-ում