Թուրքիան հայտարարել է Սիրիայում ԻՊ 44 զինյալ ոչնչացնելու մասին
21/02/2017 18:54
Նմանատիպ
Թուրքական զինված ուժերը հայտարարություն են տարածել Սիրիայի հյուսիսում «Եփրատի վահան» գործողության շրջանակում «Իսլամական պետություն» ահաբեկչական խմբավորման ավելի քան չորս տասնյակ զինյալ ոչնչացնելու մասին:
Ինչպես հաղորդում է «Արմենպրես»-ը, այս մասին տեղեկացնում է թուրքական haberler.com-ը:
Թուրքիայի ԶՈՒ գլխավոր շտաբի փոխանցմամբ` թուրք զինվորները Սիրիայի հյուսիսում գտնվող Էլ-Բաբ քաղաքի մոտակայքում ոչնչացրել են «Իսլամական պետություն» 44 զինյալի:
Թուրքական զորքի իրականացրած գործողությունների արդյունքում ոչնչացվել է նաև ԻՊ-ին պատկանող 4 շինություն:
Թուրքական ԶՈՒ-ի հարվածներից Էլ-Բաբում սպանվել էր նաև 11 խաղաղ բնակիչ, որոնցից 3-ը` երեխա, 4-ը` կին:
Թուրք զինվորների և ԻՊ զինյալների բախման հետևանքով Էլ-Բաբ-ում սպանվել էր 1 թուրք զինվոր, 2-ը` վիրավորվել:
Հետևեք մեզ նաև Telegram-ում