AM | RU
USD
EUR
RUB

Խորհրդարանական ընտրություններ 2017. Թեժ պայքար թիվ 4 ընտրատարածքում

 
 

Սպասվելիք խորհրդարանական ընտրություններին ռեյտինգային կարգով առաջադրված թեկնածուների ընտրապայքարում հետաքրքրիր պատկեր է ստեղծվել թիվ 4 ընտրատարածքում: Առաջին հայացքից այստեղ հավաքված է քաղաքական, հասարակական մի ողջ «աստղաբույլ», ինչն էլ խոստանում է խիստ թեժ ու անզիջում պայքար:

Սակայն որքան էլ ներկայացված թեկնածուներն ունենան քիչ թե շատ հնչեղ անուններ, այնուամենայնիվ ուշադրությամբ վերլուծելով առաջադրվածների քաղաքական կենսագրությունն ու քաղաքական ներկա կշիռը, իրական մրցակիցների թիվը կտրուկ նվազում է և ողջ «աստղաբույլից» մնում են միայն 2-3 հոգի, որոնք հավակնում են ծանրակշիռ ձայներ ստանալու:

Մինչև թեկնածուներին առանձին անդրադառնալը, նշենք բոլոր թեկնածուներից առավել հայտնիներին. Հակոբ Բեգլարյան-ՀՀԿ, Նիկոլ Փաշինյան, Ալեն Սիմոնյան-«Ելք» դաշինք, Արարատ Զուրաբյան, Վահե Էնֆիաջյան-«Ծառուկյան» դաշինք, Լևոն Զուրաբյան-«ՀԱԿ-ՀԺԿ» դաշինք, Հրանտ Բագրատյան-Ազատ Դեմոկրատներ կուսակցություն, Բագրատ Եսայան-ՀՅԴ, Անդրիաս Ղուկասյան-«Օհանյան-Ռաֆֆի-Օսկանյան» դաշինք, Աբգար Ափինյան-Հայկական վերածնունդ կուսակցություն:

Կարծում եմ սխալված չենք լինի, եթե մրցակցությունից միանգամից բացառենք վերջին երեք թեկնածուներին:

Բագրատ Եսայանը չունի քաղաքական այն լայն ճանաչումը, որը նրան հնարավորություն կտա իրական մրցակցություն առաջարկել իր մրցակիցներին: Որքանով էլ ՀՅԴ-ն մասն կազմի իշխանություններին, ունենա սփյուռքից որոշակի աջակցություն կամ դարավոր կենսագրություն, այնուամենայնիվ ռեյտինգային ընտրություններում, որոնք արտաքնապես որոշակի նմանություն ունեն նախկին մեծամասնական ընտրակարգին, շատ բան կախված է կոնկրետ թեկնածուից:

Անդրիաս Ղուկասյանը նույնիսկ սեփական թիմ չունի ու առհասարակ զուրկ է քաղաքական հասցեից: Հերիք է հիշել Նախագահի 2013 թվականի ընտրությունները, երբ Ղուկասյանը հացադուլ էր հայտարարել: Թեպետ մեր հասարակությունը որոշակի համակրանք ունի «հալածյալների» ու «ինքնազոհ պայքարողների» հանդեպ, այնուամենայնիվ այդ հանգամանքը չոգնեց Անդրիասին, որ բացի լրագրողներից, գեթ 10 հոգի օրական հավաքվեին իր կողքին: Որքան էլ ցավալի լինի, բայց հաճախ կարելի էր տեսնել «պայքարի մարտիկին» տխուր միայնության մեջ:

Կարդացեք նաև՝ Խորհրդարանական ընտրություններ 2017. Ի՞նչ սպասել Գեղարքունիքում

Աբգար Ափինյանը հանրության նեղ շրջանակներին հայտնի է սոսկ նրանով, որ անհիշելի ժամանակներից սկսած երազում է միայն ՀՀ գրողների միության նախագահ դառնալու մասին: Նա այդ միությունում նախագահի ճիշտ այնպիսի մշտական թեկնածու է, ինչպես օրինակ Արամ Հարությունյանը (Նուռ) ՀՀ Նախագահի մշտական թեկնածու: Բացի իր այդ անզիջում պայքարից, պետք է փաստենք, որ ցավալի թյուրիմածությամբ հասարակությունն այնքան էլ ծանոթ չէ նրա գրական ժառանգությանը:

Ալեն Սիմոնյանին թերևս նունպես կարելի է հանել մրցակցողների ցանկից: Որքան էլ ջերմ լինեն նրա և Խաչատուր Սուքիասյանի հարաբերությունները, այնուամենայնիվ վերջինս լինելով խիստ պրագմատիկ մարդ, չեմ կարծում զուր գումարներ վատնի անհույս ընտրապայքարի վրա, քանի որ Ալենը ներկա պահին չունի բավարար քաղաքական կշիռ:

Հրանտ Բագրատյանը ունի լուրջ հնարավորություններ առաջ անցնելու օրինակ Աբգար Ափինյանից, Անդրիաս Ղուկասյանից ու...թերևս վերջ: Խորին հարգանք տածելով պարոն նախկին վարչապետի նկատմամբ, ցավով պետք է փաստենք, որ ոչ բոլորն են կիսում նրա այն մոտեցումները, որ այն թեկուզև փոքրաթիվ դրականը, որն այսօր առկա է մեր կյանքում, պարտական ենք նրան: Ցավով պետք է փաստենք, որ հասարակությունը «երախտամոռ» է ու որքան էլ պարոն Բագրատյանը ցանկանում էր երջանկացնել հանրությանը սեփականաշնորհման գործընթացով, մարդիկ «դավաճանաբար» երջանկանալու փոխարեն դժբախտացան ու...չներեցին: Դրա վառ ապացույցն էր 2013 թվականին պարոն Բագրատյանի հավաքած ձայները, որպես ՀՀ Նախագահի թեկնածու: Եթե այդ ձայները փորձենք տարրալուծել ըստ տեղամասերի, շատ տխուր պատկեր է ստացվում:

Լևոն Զուրաբյանը որպես թեկնածու թվում է ծանր հրետանի, բայց դա միայն թվում է: Ինքն անձամբ երբեք չի ունեցել, ոչ քաղաքական կշիռ, ոչ քաղաքական թիմ, ոչ էլ քաղաքական լուրջ կապիտալ: Նրա միակ քաղաքական հենարանը Լևոն Տեր-Պետրոսյանն է: Տեր-Պետրոսյանի հետևողական ջանքերի շնորհիվ Լևոն Զուրաբյանը ձեռք բերեց իր ներկայիս «թիմն» ու «կշիռը»:

Լևոն Զուրաբյանի քաղաքական ազդեցությունը նման է բորսայի արժեթղթերին: Որքանով բարձրանա կամ իջնի Լևոն Տեր-Պետրոսյանի վարկանիշը, ճիշտ այդքան էլ կբարձրանա կամ կիջնի կրտսեր Լևոնի վարկանիշը: Եթե այդ ամենին գումարում ենք, որ ռեյտինգային կարգով առաջադրվածը ոչ թե Տեր-Պետրոսյանն է, որի վարկանիշն այսօր իր բարձրունքի վրա չէ, այլ մյուս Լևոնը, ապա կենտրոնի բնակիչներն առհասարակ չունեն որևէ մոտիվացիա նրան ձայն տալու:

Այս ամենի պատկերին բարձրանում է Վահե Էնֆիաջյանի հնարավորությունները, քանի որ նրա թիկունքին է Ծառուկյանի ֆինանսական հզորությունը: Բայց որքան էլ բարձրանա, նրան չի մոտեցնում այն եռյակին, որոնց միջև տեղի է ունենալու իրական պայքարը:

Իսկ եռյակը հետևյալն է. Հակոբ Բեգլարյան, Արարատ Զուրաբյան, Նիկոլ Փաշինյան:

Հակոբ Բեգլարյանը, ով ներկայացնում է ՀՀԿ-ն, ունի շատ «լուրջ» քաղաքական կենսագրություն ու քաղաքական հետագիծ: Այդ կենսագրությունն ու հետագիծը իր եղբայրն է, Գագիկ Բեգլարյանը: Հակոբ Բեգլարյանին առհասարակ չարժեր անդրադառնալ ու առհասարակ չարժեր նրան ընդգրկել մրցակցային թեկնածուների շարքին, եթե չլիներ վերը արդեն նշված «լուրջ» քաղաքական կապիտալը: Բայց քանի որ իր եղբոր առկայությունն իրողություն է ու դուրս մեր ցանկություններից, ապա ցավով պետք է փաստենք, որ նա անկախ իրենից հանդիսանալու է լուրջ մրցակից: Նրա համար ձայներ ապահովելու գործին լծվելու են թաղի կիսակրիմինալ, կիսագողական, սակայն իրենցից առանձնապես ոչինչ չներկայացնող անհասկանալի էլեմենտներն ու եղբոր ֆինանսական հնարավորությունները:

Այսինքն Հակոբ Բեգլարյանին դիտարկել որպես քաղաքական գործիչ...ակամայից հիշեցի վերջերս թևավոր դարձած մի խոսք, որն էլ այս դեպքում կհնչի մոտավորապես այսպես. գնում ես խորհրդարան, որ ի՞նչ անես:

Իրական գաղափարական լուրջ մրցակիցներ հանդիսանալու են Արարատ Զուրաբյանն ու Նիկոլ Փաշինյանը:

Արարատ Զուրաբյանի պարագայում, բացի գաղափարական մոտեցումներից, քաղաքական նկարագրից, հսկայական դեր է խաղալու ոչ միայն նրա կենտրոն համայնքի ողջ խնդիրներին տիրապետելու ու նախկինում այդ խնդիրներին լուծումներ տալու հանգամանքը, այլև միջանձնային հարաբերություններ ձևավորելու նրա բացառիկ կարողությունը: Այդ ամենին գումարած այն ողջ խարիզման, որին նա տիրապետում է և հավելյալ նրա քաղաքական թիմը, նրան դարձնում են անվիճելի առաջնորդներից մեկը նշված ընտրատարածքում:

Գրեթե նույն քաղաքական գործիքաշարով է օժտված նաև Նիկոլ Փաշինյանը: Որքան էլ մարդկային խառնվածքով նրանք տարբերվեն իրարից, մի բան ակնհայտ է, որ երկուսն էլ հանդիսանում են միմիյանց իրական մրցակիցներ: Երկուսի պարագայում էլ առկա է գաղափարական մոտեցումներն ու քաղաքական թիմի առկայությունը: Երկուսն էլ ունեն իրենց համակիրների հսկայական զանգվածը ու որքան էլ մեծ լինի ոմանց չարակամությունը, երկուսն էլ այն քաղաքական ֆիգուրներն են, որոնց շրջանցելն անհնար է:

Թեպետ մրցակիցներ բառը ռեյտինգային ընտրապայքարի ժամանակ փոքր ինչ այլ երանգ ունի, քան ուներ մեծամասնականի պարագայում, սակայն փաստը մնում է փաստ, որ ընտրություններում յուրաքանչյուրը պետք է փորձի հավաքել առավելագույն ձայներ:

Արմեն ՄԱՐՏՈՒՆԻ

Լրահոս
Արտակ Պողոսյանը նշանակվել է Երևանի ոստիկանապետ Խորապես ցավում ենք. Մայր Աթոռի արձագանքը զինվորներին չհասած արկղի մասին «Գյումրի-Գարեջուր» ընկերությունը պետական բյուջե պակաս է վճարել շուրջ 360 մլն դրամ. հարուցվել է քրգործ «Ելք»-ի պատգամավորները անձնական երաշխավորություն են ներկայացրել Վահան Շիրխանյանի խափանման միջոցը փոխելու վերաբերյալ Դատավորը բավարարեց Նորք-Մարաշի զինված խմբի գործով ամբաստանյալ Հարություն Սարիբեկյանի կալանքը փոխելու վերաբերյալ միջնորդությունը Այս պահին նման բան չկա. Արթուր Գևորգյանը չի հաստատում Տարոն Մարգարյանի հրաժարականի մասին լուրերը Ալոն ու Մասիվցի Անդիկը ձերբակալվել են Իմ հարազատ ընկերներն էլ ինձ չեն հասկանում. Մանվել Գրիգորյանի խոսքը կալանավորումից առաջ (տեսանյութ) Ձեր գործունեությունը լինելու է իմ ամենօրյա հսկողության տակ. Իշխան Սաղաթելյան «Սպառնում են ինձ մորթել, կտոր-կտոր անել». Մանվել Գրիգորյանի փաստաբանը ոստիկանություն հաղորդում է ներկայացրել Քննչական կոմիտեն խուզարկություններ է կատարել զորամասի հրամանատարի աշխատասենյակում, ԵԿՄ Երևանի Կենտրոն համայնքի բաժանմունքում և օժանդակ կառույցներում Գեորգի Ավետիսյանը նշանակվել է սննդամթերքի անվտանգության տեսչական մարմնի ղեկավար Եթե որեւէ մեկը փորձի արատավորել իմ անունը, պաշտպանելու եմ պատիվս դատարանում Ազգային անվտանգությունը իրանց ամեն ինչով շատ շնորհքով ներխուժեց մեր բնակարան. Առաքել Մովսիսյան Հանրային հեռուստաընկերության լրատվական ծառայության տնօրենի պաշտոնում քննարկվում է Վահագն Թևոսյանի թեկնածությունը Մեղադրանք է առաջադրվել «օրենքով գող» համարվող Ալեքսանդր Մակարյանին խոշոր չափերով թմրամիջոց ապօրինի ձեռք բերելու և պահելու համար Մանվել Գրիգորյանի գործի շրջանակում պետք է բացառել անհանդուրժողականությունը. պաշտպան Արցախում հակառակորդին հետ մղած և վիրավորված Գոռ Դարմանյանն աշխատանքի է անցել ՀՀ նախագահի աշխատակազմում Ցանկացած վերադաս ճիշտ այնպիսի աշխատող է, ինչպես իր ստորադասը Գեղարքունիքի մարզպետն այցելեց Վահան և Դրախտիկ գյուղեր Բողոքի ակցիա «Ոսկու աշխարհում»․ ՈՒՂԻՂ Վալերի Օսիպյանն այս ամենն անում է իր հեղինակությունը բարձրացնելու համար, ուրիշ պատճառ չկա. «Սեքյուրիթի դրիմ»-ի հիմնադիր Հիմա արդեն կարևոր չէ` ինչու թողեցի գործս, բայց մի պարզաբանում ինձ կարևոր է թվում. Արտակ Հերիքյան 55 ուսանողների փոխադրող ավտոբուսն ընկել Է անդունդը Արգենտինացի ֆուտբոլիստները պահանջում են մարզչի հեռացումը մինչև Նիգերիայի հետ խաղը «Ոսկու շուկա»-ի աշխատակիցները բողոքի ակցիա են իրականացնում Ռուբեն Խլղաթյանը վաղաժամկետ դադարեցնում է Արմավիրի քաղաքապետի լիազորությունները Առաքել Մովսիսյանը ԱԱԾ-ից ազատ է արձակվել Արարատ Միրզոյանի գրասենյակի ղեկավարը աշխատանքային լիազորությունները դադարեցնելու դիմում է ներկայացրել Իրաքից Հայաստան եկած փախստական ընտանիքը նպատակ ունի մշտական բնակություն հաստատել իր հայրենիքում Առաքել Մովսիսյանը բերման է ենթարկվել ԱԱԾ Հայկ Մարությանը հայտարարել է «Քաղաքացիական պայմանագիր» կուսակցությանն անդամակցելու մասին Խոշոր չափերով գողություն Երևանում գործող գրասենյակներից մեկից Կեսգիշերն անց հրավառություն իրականացրած օտարերկրացի ուսանողները հրավիրվել են ոստիկանություն «Սեքյուրիթի Դրիմ» և «Էլիփս» ընկերությունները 1 միլիարդ դրամից ավել գումար են հափշտակել ԱԱԾ-ն գործողություններ է իրականացնում Առաքել Մովսիսյանի տանը Աստված տա, որ այլևս ոչ մի հայ մայր չանցնի այն դժոխքով, որը տեսել են մեր հերոսների ծնողները Պատճառված վնասից ավելի քան 44 միլիոն դրամը վերականգնվել է․ չարաշահումներ պարարտանյութի և սերմացուի բաշխման գործընթացում Նախորդ յոթ տարիներին շարքից հանվել է ադրբեջանական 22 ԱԹՍ, հայկական կողմը կորցրել է 3-ը Վարույթ է ընդունվել ՀԿ նախագահի կողմից խոշոր չափերով յուրացում կատարելու դեպքի առթիվ հարուցված քրեական գործը
Խմբագրի ընտրություն
website by Sargssyan