Գերմանիայի ԱԳՆ-ն հայտարարություն է արել թուրք նախարարի ելույթն արգելելու առնչությամբ
03/03/2017 21:44
Նմանատիպ
Գերմանիայի արտաքին գործերի նախարարության խոսնակ Մարտին Շաեֆերը հայտնել է, որ երկրի դաշնային կառավարությունը որևէ կապ չի ունեցել Գագգենաու քաղաքում Թուրքիայի արդարադատության նախարար Բեքիր Բոզդաղի ելույթն արգելելու որոշման հետ: Ինչպես հաղորդում է «Արմենպրես»-ը, այս մասին հայտնում է Reuters գործակալությունը:
«Դա մի որոշում էր, որի վրա Գերմանիայի դաշնային կառավարությունը որևէ կերպ ազդեցություն չի ունեցել և չէր էլ կարող ազդեցություն ունենալ, քանի որ դա տեղական իշխանությունների որոշումն է, որի վրա մենք որևէ ազդեցություն չունենք»,– ասել է նա:
Շաեֆերը հայտնել է, որ իրենք կանեն հնարավոր բան Թուրքիայի հետ բաց երկխոսությունը պահպանելու նպատակով` անկախ Թուրքիայում գերմանական Die Welt պարբերականի թղթակից Դենիզ Յուջելի ձերբակալման փաստի:
Հետևեք մեզ նաև Telegram-ում