AM | RU
USD
EUR
RUB

«Որպես պատասխանատու քաղաքական ուժ` ՀՀԿ-ն հանդես է գալիս իրատեսական ծրագրերով»

 
 

Արդեն երկրորդ օրն է, ինչ պաշտոնապես մեկնարկել է նախընտրական քարոզարշավը: Ըստ էության, արդեն հայտնի են ընտրություններին մասնակցող քաղաքական կուսակցությունների ու դաշինքների ծրագրերն ու որդեգրած քաղաքականությունը: Հայաստանյան ներքաղաքական իրավիճակի, քաղական ուժերի նախընտրական խոստումների եւ որպես պատգամավորի թեկնածու` իր առաջադրման մասին էլ ծավալվեց «Իրավունքի» զրույցը ԵՊՀ Միջազգային հարաբերությունների եւ դիվանագիտության ամբիոնի դասախոս, քաղաքագետ ՄԻՀՐԱՆ ՀԱԿՈԲՅԱՆԻ հետ:

«ԲԱՌԻ ԲԱՑԱՍԱԿԱՆ ԻՄԱՍՏՈՎ, ԱՆԱԿՆԿԱԼՆԵՐ ԿԱՐԾԵՍ ՉԵՆ ԼԻՆԵԼՈՒ»

–Պարոն Հակոբյան, ըստ Ձեզ, նախընտրական այս շրջանում ի՞նչ «անակնկալներ» են սպասվում մեր հանրությանը:

– Քարոզարշավի պաշտոնական մեկնարկի երկրորդ օրվա դրությամբ` կարելի է փաստել, որ անակնկալներ չկան: Ընտրություններին մասնակցող կուսակցություններն ու դաշինքները բնականոն քարոզարշավ են ծավալում, բոլոր հնարավոր միջոցներով փորձում են ներկայացնել իրենց ծրագրերը, գաղափարներն ու մոտեցումները: Բառի բացասական իմաստով, անականկալներ կարծես չեն լինելու:

– Երեկ նախընտրական իրավիճակի մասին իր վատատեսական կարծիքն է հայտնել ՀՀ երկրորդ նախագահ Ռոբերտ Քոչարյանը` մասնավորապես ընդգծելով, որ այս ընտրություններին գաղափարական պայքարը որեւէ նշանակություն չի ունենալու, եւ ակնհայտ է, որ լինելու է քսակների կռիվ` զոռբայության մթնոլորտում: Որքանո՞վ Ռ. Քոչարյանի մտահոգությունները աղերս ունեն մեր իրականության հետ:

– Նախկին նախագահը որոշել է արտահայտվել եւ արտահայտվել է: Այն քաղաքական ուժերը, որոնք Ռ. Քոչարյանի իշխանության տարիներին եղել են նրա քաղաքական հենարանը, այսօր էլ քաղաքական թատերաբեմում են, ավելին` այս օրերին զբաղված են ակտիվ ու խանդավառ նախընտրական քարոզարշավով: Չգիտեմ, թե ի՞նչ է փոխվել գաղափարական դաշտում, բայց գործընթացների նկատմամբ վատատեսությունը կամ վատատեսական կանխատեսումներն օբյեկտիվ հիմքեր չունեն:

«ՊԱՏԵՐԱԶՄՈՂ ՊԵՏՈՒԹՅԱՆ ԲԱՆԱԿԱՅԻՆ ԽՆԴԻՐՆԵՐԻՆ ՊԵՏՔ Է ՄՈՏԵՆԱԼ ՉԱՓԱԶԱՆՑ ԶԳՈՒՇԱՎՈՐՈՒԹՅԱՄԲ»

–Ընտրություններին մասնակցող դաշինքներն ու կուսակցություններն այս օրերին ներկայացնում են իրենց նախընտրական ծրագրերը: Այդ թվում` «Հայկական վերածնունդն» առաջարկում է 18 տարեկաններին սահման չուղարկել, իսկ երկրի ընդերքից նավթ ու գազ հանել: Ի՞նչ կասեք այս մասին:

– ՀՎԿ մոտեցումներն ավելի շատ քարոզչական հնարքներ են հիշեցնում: Նախընտրական շրջանում միշտ էլ փորձում են ականջահաճո կարգախոսներով հանդես գալ, սա միայն հայկական ֆենոմեն չէ: Այնուամենայնիվ, պատերազմող պետության բանակային խնդիրներին պետք է մոտենալ չափազանց զգուշավորությամբ: Զինված ուժերի հետ կապված ականջահաճո հայտարարություններն ու ամբոխավարական ծրագրերը չեն կարող ողջունվել: Լավ կլիներ, որ քաղաքական կարգախոսների շահարկման այլ ոլորտ ընտրեին եւ զգուշանային այնպիսի թեմաների արծարծումից, որոնք վերաբերում են պաշտպանության համակարգին, որը մեր երկրի համար ռազմավարական նշանակություն ունեցող ոլորտներից է:

– Բարգավաճ Հայաստան կերտելու մասին «Ծառուկյան դաշինքի» 15 կետերը լուրջ տարակարծություն առաջացրին տնտեսագետների շրջանում: Նրանք գտնում են, որ այդ կետերը մեր պետական բյուջեի հետ ոչ մի կապ չունեն: Որքանո՞վ նման «խոստումնալից» ծրագրով նրանց կհաջողվի պահպանել խորհրդարանում թիվ երկրորդ քաղաքական ուժը լինելու իրենց դիրքը:

– Ծրագրերին ու դրանց կենսունակությանը գնահատական կտա ընտրողը: Ընտրություններին մասնակցող ուժերը բավարար ժամանակ ունեն` ներկայացնելու իրենց ծրագրերն ու գաղափարները, համոզելու իրենց իրավացիությունն ու ծրագրերի մրցունակությունը: Այս պահին դժվար է գնահատական տալ կամ կանխատեսել, թե արդյո՞ք կհաջողվի նրանց պահպանել խորհրդարանում երկրորդ ուժի կարգավիճակը, դա ցույց կտա ընտրության արդյունքը: Ինչ վերաբերում է տնտեսագիտական հիմնավորումներին, ապա դրանք բանավեճերի, ինչու ոչ, նաեւ մասնագիտական հաշվարկների դաշտից են: Եթե որդեգրել են նման քաղաքականություն, ապա ինչ-որ հաշվարկ ունեն: Իսկ թե ինչքանո՞վ այն կլինի արդյունավետ, ակնհայտ կդառնա ընտրության արդյունքների հրապարակման պահին:

«ՉԵՄ ԿԱՐԾՈՒՄ, ԹԵ ԱՌԱՋԻՆ ՆԱԽԱԳԱՀՆ ԱՐՑԱԽՅԱՆ ՀԱՐՑՈՒՄ ՇԱՏ ՀԱՄԱԽՈՀՆԵՐ ՈՒՆԻ»

–Իշխանության նախկին անդամներից կազմված ՕՐՕ դաշինքն էլ հիմնականում խոսում է կոռուպցիայից, իշխանությունների սխալական լինելուց... Ի վերջո, արդյոք այս մարդիկ բարոյական իրավունք ունե՞ն խոսել այն մասին, ինչի մասին լռում էին իրենց իշխանության օրոք:

– Թերեւս, բնականոն գործընթաց է: Նախկին նախարարները, որոնք հանդես են գալիս ընդդիմադիր դիրքերից, պետք է չէ՞ ինչ-որ բանից խոսեն: Իրենց էլ պետք է չէ՞ ոչ վաղ անցյալից հարցեր տան: Գործընթացն այս փուլում է: Ընդդիմադիր գործունեությունն իր տրամաբանությունն ունի, եւ նրանք գործում են հենց այդ տրամաբանության համատեքստում ու ձեւաչափում: Բարոյական իրավունքի մասով ես չէ, որ պետք է գնահատականներ հնչեցնեմ:

– Իսկ ՀԱԿ-ը որոշել է ժողովրդին «դառը անալգին» առաջարկել` հետեւողական շարունակելով պնդել Արցախի հարցում իրենց զիջումային քաղաքականության մասին: Առհասարակ, այս պարտվողական մոտեցումը հանրության շրջանում համախոհներ կարո՞ղ է ունենալ:

– Չեմ կարծում, թե առաջին նախագահն արցախյան հարցում շատ համախոհներ ունի կամ կարող է եղածների թիվն ավելացնել: Եթե Արցախի Հանրապետության կարգավիճակի հարցում Ադրբեջանը չի ցանկանում գնալ երկխոսության, ապա ինչո՞ւ ակնարկել տարածքային զիջումների մասին: Եթե Տեր-Պետրոսյանը պատերազմ է կանխատեսում, ապա այսօրվա ստատուս-քվոյի պարագայում այդ պատերազմը կարող է ընթանալ մեր բնակավայրերից բավականին հեռու տարածքներում: Ինչո՞ւ պետք է մեր բանակին զրկենք մանեւրելու հնարավորությունից: Թող Ադրբեջանը մտածի, թե մարտական գործողություններ վերսկսելու դեպքում ի՞նչ է լինելու սահմանակից ադրբեջանական բնակավայների ճակատագիրը, որտեղ, ի դեպ, շուրջ մեկ միլիոն մարդ է ապրում:

«ԵԹԵ ԱԺ ՊԱՏԳԱՄԱՎՈՐ ԴԱՌՆԱՄ, ԱՊԱ ԻՆՁ ՊԱՏԿԵՐԱՑՆՈՒՄ ԵՄ ԹԻՄԱՅԻՆ ԱՇԽԱՏԱՆՔԻ ՏԻՐՈՒՅԹՈՒՄ»

–Անդրադառնանք նաեւ ՀՀԿ-ին, որը դեռ «ոսկե սարեր» չի խոստացել ընտրողներին: Ինչո՞ւ պետք է ժողովուրդը հենց Հանրապետականին ընտրի:

– Որովհետեւ ՀՀԿ-ն բոլորից լավ է պատկերացնում երկրի թե՛ ներքին, եւ թե՛ արտաքին խնդիրները: ՀՀԿ-ն ներկայանում է ամենամրցունակ կադրային հենքով: ՀՀԿ-ն կառավարչական ամենամեծ փորձն ունի Հայաստանում, ուստի եւ «ոսկե սարեր» երբեք չի խոստացել, եւ համոզված եմ, որ ապագայում էլ չի խոստանալու: Ընդհանրապես, այն քաղաքական ուժը, որը հավակնում է ստանձնել պետության կառավարման ղեկը, երբեք իրեն վատ դրության մեջ չի դնում, որովհետեւ շատ լավ պատկերացնում է, որ մարդիկ պատասխան են պահանջելու խոստացածի եւ չարածի համար: Իսկ այն ուժերը, որոնք քաղաքական գործընթացում մասնակցային խնդիր են լուծում ընդամենը, կարող են իրենց նման շռայլություն թույլ տալ: Որպես պատասխանատու քաղաքական ուժ` ՀՀԿ-ն հանդես է գալիս իրատեսական ծրագրերով:

– Ի դեպ, ՀՀԿ համամասնական ցուցակի 26-րդ հորիզոնականում Ձեր անուն-ազգանունն է: Կարելի՞ է ասել, որ քաղաքագիտական գործունեությունը որոշել եք փոխարինել օրենսդրական աշխատանքով եւ ի՞նչ եք պատրաստվում փոխել Ազգային ժողովում:

– Տասը տարուց ավել ՀՀԿ անդամ եմ, եւ կուսակցության ղեկավար մարմնի որոշմամբ` ընդգրվել եմ համամասնական ցուցակում: Նշանակում է, կուսակցության ղեկավարությունն առաջիկա տարիներին իմ դերակատարության արդյունավետությունը պատկերացնում է օրենսդիր իշխանության աշխատանքներում: Իմ պարագայում խոսել Ազգային ժողովում ինչ-որ բան փոխելուց, կնշանակի ամպագոռգոռ հայտարարություն անել: Երբեք մեսիականության կողմնակիցը չեմ եղել, ոչ էլ` մեծախոսության: Եթե ԱԺ պատգամավոր դառնամ, ապա ինձ պատկերացնում եմ թիմային աշխատանքի տիրույթում:

Լրահոս
Առողջապահության նախարարը հորդորում է բժիշկներին խուսափել անհարկի կրկնակի հետազոտություններից ՀՀ ՊՆ և ԶՈՒ ներկայացուցիչները մասնակցում են ՀԱՊԿ զորավարժությունների կազմակերպման շտաբային բանակցություններին Վալերիյ Օսիպյանը ներկայացրել է ոստիկանության պետի նորանշանակ տեղակալին «Դուրս եմ եկել և այդ կազմակերպության հետ որևէ կապ չեմ ունեցել». ՀՀ նախագահը՝ «Լիդիան Արմենիա» ընկերության հետ իր կապի մասին Ալեն Սիմոնյանն իր պատգամավորական մանդատը վայր դնելու որոշումը չի քննարկել ՀՀ վարչապետ Նիկոլ Փաշինյանի հետ Գերմանիան պատրաստակամ է քայլեր ձեռնարկել Հայաստանի հետ համագործակցության զարգացման ուղղությամբ Արցախում առաջին անգամ իրականացվել է ստորին վերջույթների զարկերակների ինտերվենցիոն միջամտություններ Զեյնալյանը Գերմանիայի դեսպանի հետ քննարկել է վստահելի խորհրդարանական ընտրություններ անցկացնելուն ուղղված հարցեր ՏՏ ոլորտն անհնարինության պատնեշները ջախջախելու առաջամարտիկ է. ՀՀ վարչապետ Կոռուպցիոն հանցագործությունների կատարման համար քրեական հետապնդում է հարուցվել աննախադեպ թվով պաշտոնատար անձանց նկատմամբ Ալեն Սիմոնյանը ևս 7 օր շարունակելու է պատգամավոր մնալ Արցախում վիրավորված զինվորի վիճակը կայուն է. քննարկվում է զինվորի վիրահատության հարցը Ունաի Էմերին` «Արսենալ»-ի գլխավոր մարզիչ Նախագահ Արմեն Սարգսյանը հանդիպեց «Ամուլսարն առանց հանքի» նախաձեռնության ակցիայի մասնակիցներին (տեսանյութ) Fitch-ը ԱԿԲԱ-ԿՐԵԴԻՏ ԱԳՐԻԿՈԼ Բանկին շնորհել է «B+» վարկանիշը Ռուսաստանը կշարունակի ակտիվ դերակատարությունը ԼՂ խնդրի կարգավորման գործում. Զախարովա Նախարարը մտադիր է հետաձգել դեղատոմսով դեղերի բաց թողնման որոշումը, բացի անտիբիոտիկներից Նաիրա Զոհրաբյանը հավանական է համարում աշնանը արտահերթ ընտրություններ անցկացնելու տարբերակը Շարմազանովը Տարոն Մարգարյանին Երևանի հաջողված քաղաքապետ է համարում Սփյուռքահայ բժիշկները պատրաստ են Հայաստանում տարբեր ծրագրեր իրագործել ԵԽԽՎ համազեկուցողները գալիս են Հայաստան Տարոն Մարգարյանի հրաժարականի դեպքում Ալեն Սիմոնյանը կմտածի Երևանի քաղաքապետի պաշտոնը զբաղեցնելու մասին Գլխավոր դատախազը չի բացառում դատական վարույթում գտնվող քրեական գործերի առումով քննարկումների անցկացումը Հայաստանում ամենաբարձր միջին ամսական աշխատավարձը Սյունիքում է, ամենացածրը՝ Արագածոտնում ու Շիրակում Զինծառայող Մարտին Խաչատրյանի մահվան հանգամանքները պարզելու համար քննություն է տարվում Խախտվել են ջրամատակարարման կանոնները. «Վեոլիա Ջուր»-ը տուգանվել է 5 մլն դրամով Ինձ համար անհասկանալի է, որ կան քաղաքացիներ, ովքեր պատշաճ ձևով չեն արձագանքում իմ կոչին Վահրամ Բաղդասարյանի առաջարկը պատգամավորների միջև բանավեճի առիթ դարձավ Միհրան Պողոսյանն անդրադարձել է ցուցարարների նկատմամբ բռնություն կիրառելու գործով իր օգնականի ձերբակալմանը Ոստիկանությունը հայտնել է, թե տեսախցիկների ֆիքսած որ խախտումների դեպքում վարորդները կազատվեն պատասխանատվությունից Իսրայելական ինքնաթիռները Գազայի հատվածում խոցել են ՀԱՄԱՍ-ի մեկ ստորգետնյա եւ երկու ծովային թիրախներ Սուրեն Քրմոյանը կոռուպցիայի նվազեցմանն ուղղված հանդիպում է ունեցել մասնավոր հատվածի ներկայացուցիչների հետ Սուրեն Պապիկյանի հանձարարականով գնահատվում են Լեռնագոգ համայնքին հասցված վնասները Մարտական դիրքում ժամկետային զինծառայողի դի է հայտնաբերվել. կատարվում է քննություն Կրկին խոչընդոտ է ստեղծվել Սոթքի ոսկու հանքավայրի բնականոն աշխատանքի համար ԱԺ նիստ. նոր կառավարության անդամներն առաջին անգամ կպատասխանեն պատգամավորների հարցերին Խորհրդարանում Ալեն Սիմոնյանին կարող է փոխարինել Անի Խաչատրյանը «Հրապարակ». Արմեն Գրիգորյանի նշանակումն ԱԱԽ քարտուղարի պաշտոնում լավ չի ընդունվել Իրանի և ՌԴ կողմից «Հայկական ժամանակ». Տարոն Մարգարյանն արտակարգ հանդիպման է հրավիրել ավագանու ՀՀԿ խմբակցության անդամներին «Հրապարակ». Արթուր Ջավադյան. Նոր դիզայնով թղթադրամների շնորհանդեսը շուտով կլինի
Խմբագրի ընտրություն
website by Sargssyan