AM | RU
USD
EUR
RUB

Բաժակը

 
 

Այնպես էր ստացվել, որ հիմնարկում ամեն մեկն ուներ իր բաժակը։ Ամեն մեկը խմում էր միայն իր բաժակից ու բաժակը պահում աչքի լույսի պես։ Ու քանի որ ամեն մեկն օգտագործում էր միայն իր բաժակը ու օրը մի քանի անգամ, ժամանակի ընթացքում ամեն մեկը կապվեց իր բաժակի հետ։ Ամեն մեկի համար իր բաժակը դարձել էր իր էության մի մասնիկը։

Հիմնարկում ամեն ինչը որոշ չափով ընդհանուր էր, բացի բաժակներից։ Բաժակը մի տեսակ հիշեցնում էր անձնականը, սեփականը։ Ամեն մի բաժակ իր վրա կրում էր տիրոջ շուրթերի հետքը ու խմելիս յուրաքանչյուր ջրի կումը մեղմ համբույր էր սիրելի բաժակի հետ։ Բաժակն այնքան ինտիմ էր, որ այլ բաժակ օգտագործելը հավասար էր դավաճանության։

Մեզ մոտ բաժակը սրբացված էր այնպես, ինչպես կովը Հնդկաստանում։ Իհարկե կային նաև ընդհանուր օգտագործման բաժակներ, բայց դե ո՞ր հասարակությունում չեն լինում թեթևաբարոներ։ Ավելորդ է նշել, որ ամեն մեկի բաժակն իր համար ամենագեղեցիկն էր, ամենահմայողը։

Բաբկենն էլ ուներ իր բաժակը։ Այն մի կանաչ գույնի ու փոքր-ինչ թմբլիկ բաժակ էր, իսկական ռուսական կրուշկա։ Թեպետ արտաքնապես պատված էր ամերիկյան դոլարներով, բայց ողջ էությամբ սլավոնական էր։

Բաբկենը, լինելով զուսպ ու հավասարակշռված մարդ, երբեք ցույց չէր տալիս իր զգացունքները այդ հաստլիկ բաժակի նկատմամբ։ Ողջ քնքշանքն ու սերը արտահայտվում էր միայն բաժակը լվալիս։ Երբեք չեմ նկատել, որ այդ սլավոնական բաժակը լվացվի հավաքարարի կողմից։ Բաժակ լվանալը Բաբկենի կողմից որոշակի սիրո ռիտուալ էր։ Բաժակը Բաբկենի ձեռքերում թուլանում էր, նվաղում, ու Բաբկենը ձեռքերով այն նրբորեն պտտեցնում էր, զմայլանքով նայելով սիրելի առարկային։ Ծորակից հոսող ջուրը հիշեցնում էր սիրող զույգերին՝ ցնցուղի տակ։

Այո, այդ խիստ ու պրագմատիկ մարդը երջանիկ էր իր բաժակի հետ։ Ես ինքս լինելով պակաս հավատարիմ, պատրաստ էի սեթևեթել ցանկացած բաժակի հետ։ Ես իմ բաժակին դավաճանում էի աջ ու ձախ։ Ինձ համար կարևորը սուրճն էր։ Ինձ համար սուրճը նպատակ էր, բաժակը միջոց։ Սուրճը ավարտ էր, բաժակը սկիզբ։ Սուրճը արդյունք էր, բաժակն` առիթ։ Մի խոսքով, թեպետ ես նույնպես ունեի իմ սիրած բաժակը, բայց ցավոք չունեի հավատարմության այն անդրդվելի գիտակցությունը, որով օժտված էր Բաբկենը։

Իսկ Բաբկենին պետք էր միայն իր բաժակը և իր բաժակն այնքան բավ էր իրեն, որ երբեք սուրճը չէր կարող հագեցնել նրան օտար բաժակից։ Դե ի՞նչ կարող ենք անել, մարդիկ տարբեր են լինում։ Մեկը երկրորդում է սուրճը պաշտելով բաժակը, մյուսը հակառակը։ Սակայն քանի որ կյանքը դաժան է իր բնույթով, բնականաբար միշտ առաջին հարվածը հասցնում է այն ամենին, ինչը սիրում ես։

Օրերից մի օր, մեր հիմնարկ եկան օտար մարդիկ։ Դե մարդ էին, տնից, տեղից հեռու։ Սուրճի կարիք ունեին, բայց չունեին սեփական բաժակներ։ Եվ քանի որ պատկերացում չունեին մեզ մոտ տիրող բարքերի մասին, գրոհեցին մեր սեփական բաժակների վրա, բացի իմ բաժակից։ Ես իմ բաժակը միշտ պահում եմ իմ դարակում ու թեպետ ինձ համար առաջնայինը սուրճն է որպես հետևանք ու այդ սուրճը պատրաստ եմ ընդունել ցանկացած բաժակից, բայց ամեն դեպքում, քանի որ դա իմ բաժակն է, ապա ես նրա նկատմամբ ունեմ սեփականության իրավունք, իսկ ցանկացած բան, ինչ իմն է, ուրեմն անձեռնմխելի է։ Որքանով իմ մեջ թույլ է հավատարմության զգացումը, այնքանով ամուր է սեփականության գիտակցությունը։ Եթե նույնիսկ կոտրվի իմ բաժակի պոչը, ամեն դեպքում նա չի դադարի իմ բաժակը լինելուց, հետևաբար ես ավելի շուտ կգերադասեմ առհասարակ ոչնչացնել այդ բաժակը, քան նվիրել մեկ ուրիշի կամ ենթարկել հանրային օգտագործման։

Ինչևէ, այդ օրը ճակատագրական եղավ Բաբկենի ու իր բաժակի համար։ Բաժակը, լինելով անլեզու, չկարողացավ դիմադրել ուրիշների կողմից սրճահարվելուն, իսկ Բաբկենը այդ պահին լինելով զբաղված, չնկատեց ինչպես է տաք սուրճը դանդաղորեն լցվում իր բաժակի մեջ։

Կարճ ժամանակ անց, Բաբկենը հայացքը հառեց հյուրերի վրա ու․․․ պահը դաժան էր, պահը ողբերգական։ Հյուրը աչքերը հառած Բաբկենի աչքերին, լպիրշ ժպիտով շուրթերը հպում էր կանաչ դոլարներով պատված, բայց սլավոնական էությամբ բաժակին։ Մի ակնթարթ, միայն մի ակնթարթ տևեց Բաբկենի հոգևոր տանջանքը, բայց անմիջապես նա վերագտավ իրեն։ Թեպետ փլուզվեց սիրո տաճարը, բայց դարերի ընթացքում հազարավոր տաճարներ են փլուզվել ու կառուցվել հազարավոր նորերը, հազարավոր անուրջներ են խորտակվել ու ծնվել նորերը, հազարավոր բաժակներ են դեն նետվել ու ձեռք բերվել նորերը։

Մի վերջին հրաժեշտի հայացք նետելով իր սիրելի բաժակին, Բաբկենը լուռ դուրս եկավ սենյակից։ Րոպեներ անց վերադարձավ մի նոր բաժակ ձեռքին։ Դեռ հեռվից երևում էր, որ այդ նոր բաժակը նոր է, կուսական վիճակում, դեռ շրթունք չդիպած։ Դա մի սպիտակ ու անգույն բաժակ էր, ոչնչով չգերող ու չհրապուրող։ Նախկին բաժակի հետ նմանությունը միայն չափսերն էին։ Դե ամեն մարդ ունի իր ճաշակն ու ամենայն հավանականությամբ Բաբկենին դուր են գալիս չաղլիկ բաժակները։

Այո, խիստ մարդ է Բաբկենը, սայթաքում չներող ու մոնղոլական անողոքությամբ լեցուն։ Չգիտեմ, արդյո՞ք նրա սրտում այդ նոր, սպիտակ ու անգույն բաժակը լրացնում է նախկինի տեղը, բայց նախկինն արդեն կանգնած է ընդհանուր օգտագործման բաժակների կողքին։

Կարեն ԿԱՐԱՊԵՏՅԱՆ

Լրահոս
Իսրայելի խորհրդարանը Հայոց ցեղասպանությունը ճանաչելու նախագիծը քննարկելու է մայիսի 30-ին Հայաստանի անվտանգության մակարդակի շարունակական բարձրացումը կառավարության ուշադրության կենտրոնում է. Փաշինյան Հայաստանն այս պահին Իրանի հետ բանակցություններ չի վարում գազ գնելու հարցով ՏՏ ոլորտի խնդիրն է՝ մի քանի տարի հետո բանակում օգտագործվող զենքի առնվազն 80 տոկոսն արտադրել տեղում. Կարեն Վարդանյան Հայաստանում նոր ատոմակայան կառուցելու հարց այս պահին չի քննարկվում. նախարար Փաշինյանը հավաստիացնում է, որ Առաջին Հանրապետության 100-ամյակի միջոցառումները կանցկացվեն պատշաճ մակարդակով Ոստիկանությունը երեք արագաչափի գողության փաստ է արձանագրել Փաշինյանը հույս ունի, որ ԵՄ անդամ երկրները հնարավորինս արագ կվավերացնեն ՀՀ-ի հետ համաձայնագիրը Արցախի նախագահն ընդունել է ԱՄՆ հայ իրավաբանների միության պատվիրակությանը Փաշինյանը հանձնարարել է լուծել բանակում սննդի և հագուստի որոշ պարագաների որակի խնդիրները Դավիթ Տոնոյանը ՀԱՊԿ անդամ պետությունների պաշտպանության նախարարների խորհրդի նիստի շրջանակում հանդիպել է Սերգեյ Շոյգուի հետ Նիկոլ Փաշինյանը արտահերթ խորհրդարանական ընտրությունների անցկացումը տեսնում է աշնանը Առողջապահության նախարարը հորդորում է բժիշկներին խուսափել անհարկի կրկնակի հետազոտություններից ՀՀ ՊՆ և ԶՈՒ ներկայացուցիչները մասնակցում են ՀԱՊԿ զորավարժությունների կազմակերպման շտաբային բանակցություններին Վալերիյ Օսիպյանը ներկայացրել է ոստիկանության պետի նորանշանակ տեղակալին «Դուրս եմ եկել և այդ կազմակերպության հետ որևէ կապ չեմ ունեցել». ՀՀ նախագահը՝ «Լիդիան Արմենիա» ընկերության հետ իր կապի մասին Ալեն Սիմոնյանն իր պատգամավորական մանդատը վայր դնելու որոշումը չի քննարկել ՀՀ վարչապետ Նիկոլ Փաշինյանի հետ Գերմանիան պատրաստակամ է քայլեր ձեռնարկել Հայաստանի հետ համագործակցության զարգացման ուղղությամբ Արցախում առաջին անգամ իրականացվել է ստորին վերջույթների զարկերակների ինտերվենցիոն միջամտություններ Զեյնալյանը Գերմանիայի դեսպանի հետ քննարկել է վստահելի խորհրդարանական ընտրություններ անցկացնելուն ուղղված հարցեր ՏՏ ոլորտն անհնարինության պատնեշները ջախջախելու առաջամարտիկ է. ՀՀ վարչապետ Կոռուպցիոն հանցագործությունների կատարման համար քրեական հետապնդում է հարուցվել աննախադեպ թվով պաշտոնատար անձանց նկատմամբ Ալեն Սիմոնյանը ևս 7 օր շարունակելու է պատգամավոր մնալ Արցախում վիրավորված զինվորի վիճակը կայուն է. քննարկվում է զինվորի վիրահատության հարցը Ունաի Էմերին` «Արսենալ»-ի գլխավոր մարզիչ Նախագահ Արմեն Սարգսյանը հանդիպեց «Ամուլսարն առանց հանքի» նախաձեռնության ակցիայի մասնակիցներին (տեսանյութ) Fitch-ը ԱԿԲԱ-ԿՐԵԴԻՏ ԱԳՐԻԿՈԼ Բանկին շնորհել է «B+» վարկանիշը Ռուսաստանը կշարունակի ակտիվ դերակատարությունը ԼՂ խնդրի կարգավորման գործում. Զախարովա Նախարարը մտադիր է հետաձգել դեղատոմսով դեղերի բաց թողնման որոշումը, բացի անտիբիոտիկներից Նաիրա Զոհրաբյանը հավանական է համարում աշնանը արտահերթ ընտրություններ անցկացնելու տարբերակը Շարմազանովը Տարոն Մարգարյանին Երևանի հաջողված քաղաքապետ է համարում Սփյուռքահայ բժիշկները պատրաստ են Հայաստանում տարբեր ծրագրեր իրագործել ԵԽԽՎ համազեկուցողները գալիս են Հայաստան Տարոն Մարգարյանի հրաժարականի դեպքում Ալեն Սիմոնյանը կմտածի Երևանի քաղաքապետի պաշտոնը զբաղեցնելու մասին Գլխավոր դատախազը չի բացառում դատական վարույթում գտնվող քրեական գործերի առումով քննարկումների անցկացումը Հայաստանում ամենաբարձր միջին ամսական աշխատավարձը Սյունիքում է, ամենացածրը՝ Արագածոտնում ու Շիրակում Զինծառայող Մարտին Խաչատրյանի մահվան հանգամանքները պարզելու համար քննություն է տարվում Խախտվել են ջրամատակարարման կանոնները. «Վեոլիա Ջուր»-ը տուգանվել է 5 մլն դրամով Ինձ համար անհասկանալի է, որ կան քաղաքացիներ, ովքեր պատշաճ ձևով չեն արձագանքում իմ կոչին Վահրամ Բաղդասարյանի առաջարկը պատգամավորների միջև բանավեճի առիթ դարձավ
Խմբագրի ընտրություն
website by Sargssyan