AM | RU | EN
USD
EUR
RUB

Խորհրդարանական ընտրություններ 2017. Անառողջ մթնոլորտ թիվ 1 ընտրատարածքում

Թիվ 1 ընտրատարածքում, որը ներառում է Ավան, Նոր-Նորք, Քանաքեռ-Զեյթուն վարչական շրջանները, դժվար է ձևավորված մթնոլորտր համարել քաղաքական առողջ ընտրապայքար: Առաջադրված թեկնածուների շարքում կան մարդիկ, ովքեր կրում են գաղափարներ, անկախ նրանից որչափ են դրանք ընդունելի կամ ոչ: Բայց ցավոք այդ մարդիկ չեն կարող քաղաքական մրցակություն առաջադրել գլխավոր մրցակիցներին, քանի որ այդ ընտրատարածքում կեղծիքն ու երեսպաշտությունը, ֆինանսական ու վարչական լծակների առկայությունն այնքան շատ են, որ քաղաքական մոտեցումները երկրորդվում են այդ ամենի ֆոնին:

Իսկ առավելագույն ձայներ ակնկալողները հիմնականում երկուսն են՝ Ռոբերտ Սարգսյանն, ով Տարոն Մարգարյանի աներորդին է և Միհրան Հակոբյանը, ով առավելապես հայտնի է, որպես Քետրինի Միհրան:

Թեպետ նրանք երկուսն էլ ներկայացնում են միևնույն քաղաքական ուժը, բայց մրցակից են նաև իրար, քանի որ երկուսն էլ սեփական թիմին ապացուցելու բան ունեն: Եթե առաջինը պետք է ապացուցի, որ ինքն արդեն կայացած քաղաքական գործոն է ու Տարոն Մարգարյանի ազգական լինելը, եթե անցյալում որոշիչ էր, հիմա այլևս ոչ, ապա երկրորդի դրությունը շատ ավելի բարդ է ու խճճված: Նա ապացուցելու շատ ավելի մոտիվացիա ունի, քան թերևս մնացած բոլորն իրար հետ վերցրած: Եվ հենց այդ ապացուցելու մոլուցքն էլ Միհրան Հակոբյանի քարոզարշավը մի շարք դրվագներում վերածում է զավեշտի, կեղծիքի չափազանց առկայության հետևանքով, որոշ դրվագներում էլ անցնում է բարոյականության նորմերը:

Բարոյական չէ, երբ զոհվածի ծնողներին, օգտվելով նրանց ֆինանսական, նյութական ծանր վիճակից, օգտագործում են նախընտրական քարոզչության նպատակով:

Իսկ զավեշտը կայանում է նրանում, որ ընտրողների հետ հանդիպման ժամանակ, ԴԱՀԿ նախկին պետը հայտարարում է, որ միշտ եղել եմ ձեր կողքին: ԴԱՀԿ-ն Հայաստանում այն կառույցներից մեկն է, որի գործունեությունը օբյեկտիվ թե սուբյեկտիվ պատճառներով, գրեթե երբեք դրական չի ընկալվել ու ԴԱՀԿ-ի պետի մարդկանց կողքին գտնվելն ավելի շատ չարագուշակ հնչեղություն ունի:

Բացի այդ զավեշտ է, երբ պետական պաշտոնյային օֆշորային սկանդալի պատճառով պաշտոնանկ են անում, ինչից հետո կանաչ լույս են վառում նրա առջև երկրի օրենսդիր մարմնում հայտնվելու համար: Իսկ որպես հաղթաթուղթ, ակնհայտ է, որ Միհրան Պողոսյանի ընտրվելու միակ գրավականը ֆինանսական միջոցների կիրառումն է:

Կարդացեք նաև՝ Խորհրդարանական ընտրություններ 2017. Տավուշում ուրվագծվում են առաջատարները

Նույն ընտրատարածքում են առաջադրված նաև Ստյոպա Սաֆարյանւ ու Վլադիմիր Կարապետյանը: Երկուսի պարագայում էլ արտաքնապես առկա են գաղափարական մոտեցումներն ու ծրագրային դրույթները: Երկուսի ընտրապայքարն էլ կարելի է համարել մաքուր քաղաքական, սակայն այնուամենայնիվ երկու դեպքում էլ կան խոցելի պահեր:

Ստյոպա Սաֆարյանի մոտեցումներում մեծ է պոպուլիզմի չափաբաժինն ու համենայն դեպս այս պահի դրությամբ անիրականանալի մոտեցումները: Երբ հայտարարվում է, որ մենք դուրս կբերենք Հայաստանը ԵԱՏՄ-ից ու կդարձնենք Եվրամիության անդամ, ապա որքան էլ այդ խոստումները հրապուրիչ լինեն, պետք է փաստենք, որ դրա իրագործումը ներկա պահին անհնար է ու հղի բազմաթիվ վտանգներով, այդ թվում և անվտանգության առումով:

Եթե Ստյոպա Սաֆարյանը դա խոստանում է իրականացնել մոտակա 20 տարիների ընթացքում, դա միանգամայն այլ հարց է, սակայն ընտրողը ակնկալում է շատ ավելի առարկայական ու մոտ ժամանակներում իրականանալի փոփոխություններ:

Բացի այդ Հայաստանի տնտեսական զարգացումը կարելի է ապահովել առանց այս կամ այն աշխարհագրական բևեռից կախման մեջ ընկնելու ակնկալիքով: Եթե դու սեփական երկրիդ զարգացման հեռանկարը տեսնում ես միայն կոնկրետ հովանավորների շնորհիվ, ապա նույնիսկ արտաքին քաղաքական վեկտորի փոփոխմանը հասնելու դեպքում էլ, վարկանիշային առումով ոչինչ չես ստանում:

Վլադիմիր Կարապետյանի պարագայում վիճակը շատ ավելի հետաքրքիր է ու երկդիմի: Սովորաբար կան մարդիկ, ովքեր հակված են մոռանալու իրենց նախկին աշխատանքային գործունեությունն ու մոտեցումները, եթե առհասարակ ունենում են այդպիսին:

Ժամանակին լինելով Վարդան Օսկանյանի մամլո խոսնակը, Վլադիմիր Կարապետյանը կարծես հանդիսանում էր օրվա իշխանության համակիրն ու իրականացվող քաղաքականության կրողներից մեկը: Իրենց իսկ գերատեսչության կողմից կերտվող «կոմպլեմենտար» քաղականության տեսլականում ոնց որ թե չէր ուրվագծվում խաղաղություն, հաշտություն, բարիդրացիություն թեզը: Ավելին, իր անմիջական ղեկավարը արտաքին գործոց նախարարի տեղակալից դարձավ նախարար հենց այդ թեզի մերժման արդյունքում, թեպետ այդ նույն թեզն այն ժամանակ մատուցվում էր այլ սոուսով:

Մի քիչ անբնական է տարիներով ծառայել իշխանություններին, հանդիսանալ նրանց քաղաքականության ազդարարողներից մեկը, այնուհետև աշխատանքը կորցնելուց հետո հակվել միանգամայն հակադիր մոտեցման:

Կարդացեք նաև՝ Խորհրդարանական ընտրություններ 2017. Երկու մարզ, մեկ ընտրատարածք

Բայց ինչևէ, համաձայն լինելով կամ չլինելով այս առաջարկներին, ամեն դեպքում դրանք ունեն քաղաքական բնույթ, որոնք մրցակցելու են ֆինանսների հետ ու պարտվելու: Սակայն ոչ թե պարտվելու են մերժելի լինելու պատճառով, այլ քաղաքական գործընթացների նկատմամբ խեղված ընկալումների արդյունքում:

Առհասարակ երբ նույնիսկ մերժելի կամ տվյալ պահին ոչ իրատեսական քաղաքական մոտեցումը պարտություն է կրում փողի հետ պայքարում, դրանով ոչ թե պարտվում է կոնկրետ տվյալ թեկնածուն, այլ պարտվում է քաղաքական համակարգը, պարտվում են գաղափարներն ու ծրագրերը, պարտվում է առհասարակ քաղաքականություն կոչվածը: Սա ցավալի իրականություն է, որն արտացոլվում է գրեթե բոլոր ընտրատարածքներում:

Ինչ վերաբերում է Մհեր Շահգելդյանին, ով ևս առաջադրված է նույն ընտրատարածքում, ապա թեպետ նրան նույնպես կարելի է համարել որոշակի գաղափարներ ու ծրագրեր կրող, սակայն ինչպես փորձը ցույց է տվել նախորդ ընտրություններից, այդ քաղաքական ուժը նախընտրում է ընտրությունների շեմին հանրությանը մատուցել տարբեր բնամթերքներ, պահածոյացված տեսքով:

Արմեն ՄԱՐՏՈՒՆԻ

 

Լրահոս
ՌԴ ԱԳՆ-ն հերքել է Վրաստանի տարածքով Հայաստան ռուսական ռազմական շարասյան անցնելու մասին տեղեկությունը ԵԱՏՄ անդամ երկրները միմյանց հետ ակտիվ աշխատում են իրական տնտեսական դինամիկա սահմանելու համար. ռուս նախարար Նիկոլայ Նիկիֆորովը կարևորում է ԵԱՏՄ-ում միասնական թվային տնտեսության ներդրումը ԵԱՏՄ անդամ երկրներում մշակված ծրագրային ապահովումը կարող է մասնակցել ռուսաստանյան պետական մրցույթներին Ամերիկյան պարբերականը հավասարության նշան է դրել Արցախի և Ադրբեջանի պաշտոնյաների տեսակետների միջև Եվրոպական ներդրումային բանկը հետաքրքրված է Հայաստանի էներգետիկ ոլորտում ներդրումների իրականացմամբ Վարչապետը պետական կառավարման համակարգի արդյունավետ աշխատանքի համար կարևորում է բարձր վարձատրությունը Արցախի և Հայաստանի արտաքին գործերի նախարարությունների միջև խորհրդակցություններ են անցկացվել ՀՀ ԱԳ նախարարն ընդունել է ԵԱՀԿ Մինսկի խմբի ամերիկացի համանախագահին Սոթք-Քարվաճառ ավտոճանապարհը դժվարանցանելի է Կառավարությունն ունի տնտեսության բոլոր ոլորտներում բարեփոխումների հստակ տեսլական. Կարեն Կարապետյան Իմ ծրագրերը իրական են և ես օդում կախված խոստումներ չեմ տալիս. Հարություն Կարապողոսյան Նորարար տեխնոլոգիաների ներդրումը տնտեսության մեջ` առաջնային խնդիր Ինչ արդյունքներ կունենա «Լևոն Տեր-Պետրոսյան» էքսպերիմենտը Դոնի Ռոստովում ԵԱՏՄ-ում Հայաստանի մասնակցության վերաբերյալ քննարկում կանցկացվի Հայաստանում առաջին անգամ ԵԱՏՄ երկրների կապի և հեռահաղորդակցության նախարարների մակարդակով նիստ է գումարվել ՀՀ ոստիկանապետը զինտեխնիկայի և անձնակազմերի ստուգատես է անցկացրել ՀՎԿ-ն կողմնակից է եղել ԵԱՏՄ-ին ՀՀ անդամակցությանը և ԵՄ-ի հետ համագործակցությունը խորացնելուն Արամ Առաջինն ընդունել է Լիբանանի Լատին համայնքի նոր առաջնորդին Մահացել է Խորհրդային Միության հերոս փորձարկող օդաչու Ստեփան Միկոյանը Արարատ Զուրաբյանը ողջունելի է համարում ՀՀ-ի և ԵՄ-ի միջև համագործակցության համաձայնագրի նախաստորագրումը Չեչնիայում Ռոսգվարդիայի զորամասի վրա հարձակվողների ինքնությունը պարզված Է. Քադիրով Հունաստանից ապաստան խնդրած Թուրքիայի քաղաքացիների թիվը հասել է 236-ի ՀՀ վարչապետ Կարեն Կարապետյանը պաշտոնական այցով կմեկնի Թուրքմենստան Կարեն Բեքարյանը ներկայացրեց ՀՀ-ի և ԵՄ-ի միջև նախաստորագրված համաձայնագրի և Ասոցացման համաձայնագրի տարբերությունը Գերմանական հեռուստաալիքը Էրդողանին ծաղրող նոր տեսահոլովակ է պատրաստել Բուլղարիան արգելել է թուրք լրագրողներին լուսաբանել խորհրդարանական ընտրությունները ԵԱՏՄ անդամ պետությունների ՏՏ ոլորտի ղեկավարներին ընդունել է Կարեն Կարապետյանը ՀՀ տրանսպորտի նախարարն ընդունել է ռուսաստանցի գործընկերոջը ՀՀԿ-ին հաջողվեց կատարել այնպիսի ընտրություն, որը նպաստում է կուսակցության վարկանիշի բարձրացմանը ՀՀ Նախագահը խոսել է ՀԱՊԿ-ի և Հայաստանի առջև ծառացած մարտահրավերների մասին Ռուս-թուրքական հարաբերություններում շարունակվում է առևտրատնտեսական հարաբերությունների շուրջ լարվածությունը Մերկելը պնդում է, որ արաբա-իսրայելական հակամարտությունը պետք է լուծվի «երկու պետությունների» սկզբունքով Դոլարը մնացել է կայուն, իսկ եվրոն ու ռուբլին արժևորվել են Կարեն Կարապետյանը ծանոթացել է հայկական PicsArt-ի ծրագրերին Անգելա Մերկելը սպասում է Թուրքիայում կայանալիք հանրաքվեի արդյունքներին Տնտեսական խնդիրները` քաղաքական ուժերի ծրագրերի առանցքում. կլոր սեղան-քննարկում Կարող ենք ավելի ակտիվորեն օգնել Ռուսաստանին. ՀՀ Նախագահը պատասխանել է ԻՊ-ի դեմ պայքարում ՀԱՊԿ երկրների դերի մասին հարցին Ռուսաստան – ՆԱՏՕ խորհրդի նիստը տեղի կունենա մարտի 30-ին Բրյուսելում. Der Spiegel Հայ-իրանական համագործակցության բոլոր ոլորտներում նկատվում են դրական ազդակներ
Խմբագրի ընտրություն
website by Sargssyan