AM | RU
USD
EUR
RUB

Հայտնի են «Լավագույն կին գործարար 2017»-ի մրցանակակիրները

ՀՀ վարչապետի 2017թ. «Լավագույն կին գործարար» մրցանակաբաշխության շրջանակներում ՀՀ վարչապետ Կարեն Կարապետյանը մրցանակներ է հանձնել տարվա ընթացքում իրենց գործունեությամբ առավել աչքի ընկած կին գործարարներին: «Ցանկանում եմ, որ երբեք չհոգնեք, միշտ լինեք այսպես գեղեցիկ, եռանդով լեցուն և այն հանդուրժողականությունն ու մշակույթը, որ կարող եք ներդնել բիզնեսում, սերմանեք ձեր շրջապատում: Բոլոր մեր քայլերն ուղղված են նրան, որ առավելագույնս զարգացնենք բիզնես միջավայրը»,-ողջույնի խոսքում նշեց վարչապետը:

Արդեն 6-րդ անգամ անցկացնող մրցանակաբաշխության կանոնադրության համաձայն` մրցանակներ են շնորհվում 6 անվանակարգերում, ընդ որում` յուրաքանչյուր անվանակարգում երկու հոգու` մեկը մայրաքաղաքից, մյուսը` մարզից:

«Լավագույն կին գործատու» անվանակարգում հաղթող ճանաչվեցին Արաքսյա Մարտիրոսյանը և Իրինա Չիբուխչյանը, «Կին արտադրողի լավագույն ապրանքանիշ» անվանակարգում` Զարուհի Մուրադյանը և Մարգուշ Մուրադյանը: «Լավագույն երիտասարդ կին գործարար» անվանակարգում մրցանակներ ստացան Իրինա Սարիբեկյանը և Նելլի Պողոսյանը, «Լավագույն սկսնակ կին գործարար»-ի հաղթողները Հասմիկ Հարությունյանը և Նելլի Ամիրխանյանն էին, իսկ լավագույն արտահանող կին գործարարներ ճանաչվեցին Մարիա Սոբոլևան և Նելլի Ներսիսյանը: Նշված անվանակարգերում հաղթողները խրախուսական շնորհակալագրեր ստացան ՀՀ վարչապետի կողմից:

Անցած տարի հիմք դրված ավանդույթի համաձայն` այս մրցանակաբաշխությանը ևս ՀՀ ՓՄՁ ԶԱԿ գործադիր տնօրեն Լևոն Մնացականյանը հատուկ մրցանակներ հանձնեց արցախցի երկու կին գործարարների` Տաթևիկ Օդաբաշյանին ու Ռիտա Պետրոսյանին:
Հատկապես սկսնակ կին գործարարներին խրախուսելու և խոչընդոտներից չվախենալու համար իրենց գործում հաջողակ երեք կին գործարարներ կիսվեցին սեփական փորձով: «Բլիզարդ» ՍՊԸ հիմնադիր Արմինե Խաչատրյանը, ով ընդամենը 24 տարեկան էր, երբ հիմնեց սեփական բիզնեսը, գործընկերներին հորդորեց չամաչել հաճախորդի հետ շփվելուց, խոհանոցում աշխատողի հետ հավասար աշխատելուց, քանի որ հաջողության հասնելու համար պետք է տքնաջան աշխատել ու ոչ թե սահմանափակվել վերահսկելով: Բիզնեսը սկսելով ընդամենը 200 ԱՄՆ դոլարով և մեկ աշխատողով, երիտասարդ կին գործարարի ընկերությունն այսօր ոլորտի առաջատարներից է:

Հաջողակ բիզնես ունենալու համար «Ինգրեդիենտ» սրճարանի հիմնադիր Վարդանուշ Պետրոսյանն էլ գործընկերներին խորհուրդ տվեց հավատալ սեփական ուժերին ու ռիսկի դիմել: Մասնագիտությամբ դիետոլոգ Վարդանուշի բիզնես կենսագրությունն անմիջական կապ ունի մասնագիտության հետ: Սննդի ոլորտում ցանկանալով ներդնել նոր մշակույթ` Վարդանուշը 5 տարի առաջ հիմնեց սննդի առաքման ծառայություն, որը սակայն տարբերվում էր ոլորտի մյուս ներկայացուցիչներից` առաջարկվող բացառապես առողջ սնունդով: Ժամանակի ընթացքում ձեռք բերելով հիմնական հաճախորդների շրջանակ` Վարդանուշը բացեց «Ինգրեդիենտ» սրճարանը: Վերջինը բացի սրճարանից, դարձավ նաև առողջ սննդի հարթակ:

Փորձի փոխանակումից, միմյանց հետ ծանոթանալուց բացի մրցանակաբաշխությունը կին գործարարներին հնարավորություն տվեց նաև ներկայացնելու սեփական արտադրանքը կամ ծառայությունը:

Նշենք, որ ՀՀ ՓՄՁ կողմից կազմակերպվող մրցանակաբաշխությունն անց է կացվում ՀՀ վարչապետի բարձր հովանու ներքո, ՀՀ Տնտեսական զարգացման և ներդրումների նախարարության աջակցությամբ: Այս տարի մրցանակաբաշխության գլխավոր աջակիցն է Ասիական զարգացման բանկը:

Լիլիթ ՊՈՂՈՍՅԱՆ

Լրահոս
ԵԱՀԿ-ն Հադրութի շրջանի հարավարևելյան ուղղությամբ դիտարկում կիրականացնի ԱԺ-ն մերժեց «Ելք»-ի նախագիծը խորհրդարանի լիագումար նիստերի օրակարգ ընդգրկելու հարցը Անկարայի քաղաքապետը հայտարարել է հրաժարականի մասին Հայաստանում ՌԴ պայմանագրային զինծառայողն անզգուշությամբ սպանել է ծառայակցին ու ինքնասպան եղել Մեկնարկել է ԱԺ հերթական քառօրյան. Օրակարգում ընդգրկվել է 39 հարց. ՈՒՂԻՂ «Ժողովուրդ». «Գրանդ Քենդի»-ի նախկին աշխատակիցներին վերջնահաշվարկներ չի տրամադրվում «Ժողովուրդ». Սոֆի Դևոյանի որդուն պատկանող թռչնաֆաբրիկան ֆինանսական լուրջ խնդիրներ ունի «168 ժամ». ԵՄ-ում չեն կարծում, որ տեխնիկական ձգձգումները կարող են բերել համաձայնագրի չստորագրմանը «Իրավունք». Տրանսպորտը հենց այնպես չի թանկանա «Հրապարակ». Առաջիկա օրերին կհաստատվի Վրաստանում ՀՀ դեսպան Ռուբեն Սադոյանի ագրեմանը «Հայկական ժամանակ». Դ. Բաբայան. Չեմ կարծում, որ լայնածավալ պատերազմ կլինի «Ժամանակ». Հաջորդ տարի կբարձրանան ինչպես ծխախոտի, օղու, այնպես էլ այլ ապրանքների գներ «Ժամանակ». Հայ կարտոֆիլագործների համար տարեվերջը կարող է խիստ եկամտաբեր լինել «Հրապարակ». Երեկ հանդիպել են Տիգրան Սարգսյանը և Հովիկ Աբրահամյանը ՕՐՎԱ ԽՈՐՀՈՒՐԴԸ: Հոկտեմբերի 24 Դավիթ Տոնոյանն ԱԻՆ-ում մի շարք նոր նշանակումներ է կատարել Բաքուն շարունակում է խոչընդոտել ԼՂ հիմնախնդրի կարգավորման գործընթացին. Շավարշ Քոչարյան Բակո Սահակյանը մասնակցել է Արցախի եկեղեցիներին հայկական ոճով գորգերի նվիրաբերման արարողությանը Հակառակորդը կրկին օգտագործել է «ՍՊԱՅԿ» տիպի կառավարվող հակատանկային հրթիռ Վիգեն Սարգսյանը ներկայացրել է ՀՀ ԶՈՒ օպերատիվ վարչության, ՀՀ ՊՆ ներքին աուդիտի վարչության նորանշանակ պետերին և իր խորհրդականին Հայաստանում խստացվել է ապօրինի ծառահատումների և փայտանյութի ապօրինի տեղափոխման դեմ պայքարը ՀՀ ԶՈՒ գլխավոր շտաբի պետի գլխավորած պատվիրակությունը մեկնել է ԱՄՆ Վստահ եմ, որ իրավապահներն ամբողջությամբ վերահսկում են օպերատիվ իրավիճակը, և խուճապի որևէ պատճառ չկա Բրիտանական կրթական ցուցահանդեսը ՀՀ քաղաքացիներին կծանոթացնի Մեծ Բրիտանիայում կրթություն ստանալու հնարավորություններին FAST-ը կրթաթոշակ կտրամադրի բնական գիտությամբ զբաղվող հայ ասպիրանտներին եւ հայցորդներին Վերջին երեք ամիսներին լրագրողների իրավունքների խախտման դեպքերը նվազել են Արա Բաբլոյանը պարգեւատրել է Ռաֆայիլ Զինուրովին Վահան Մարտիրոսյանի վստահեցմամբ Հյուսիս-հարավ մայրուղու շինարարության մեջ կոռուպցիոն ռիսկեր չկան Առաջիկա ամիսներին կմեկնարկի ՀՀ ողջ տարածքում տրանսպորտային միասնական ցանց ստեղծելու պիլոտային ծրագիր Մենք տարկետումը չենք վերացնում, այլ կրթությունը կարևորողներին առաջարկում ենք որպես սպա զորակոչվել «Ախթալայի լեռնահարստացման կոմբինատ»-ի հանքում փլուզում է տեղի ունեցել. կա մեկ զոհ Հայաստանի ռուսական ռազմակայանը տեխնիկական հետախուզման ժամանակակից համալիրներ է ստացել Պաշտոնատար անձինք հանիրավի մեղադրվել են տարբեր հանցագործությունների կատարման մեջ. բացահայտվել են նոր դեպքեր Կատալոնիայի խորհրդարանը հոկտեմբերի 26-ին պատասխան կտա Մադրիդի ձեռնարկած միջոցներին Դանակով զինված տղամարդը «Էխո Մոսկվի» ռադիոկայանի գրասենյակում հարձակվել Է հաղորդավարի վրա Աջ ղեկային համակարգ ունեցող մեքենաների շահագործումը Հայաստանում չի արգելվի Եղեգնաձոր-Ագարակաձոր ճանապարհին վթարի հետևանքով զինծառայող է մահացել Անցած չորս տարիներին համաշխարհային տնտեսության մեջ ՉԺՀ-ի տարեկան միջին ներդրումը գերազանցել է 30 տոկոսը Եղանակը տաքանալու է Իրանահայ պաշտոնյան երկկողմ մաքսային ու հարկային օրենքներն ավելի սահուն դարձնելու կարիք է տեսնում
Խմբագրի ընտրություն
website by Sargssyan