«Հրապարակ». Օրերս աշխատանքից ազատվել է Մասիսի անձնագրային ծառայության պետ Հովհաննես Հակոբյանը
Նմանատիպ
«Մասիսի անձնագրային ծառայության պետ Հովհաննես Հակոբյանը Մասիսի նախկին քաղաքապետ Սաշա Հակոբյանի որդին է, ով այդ պաշտոնին էր տեղավորվել գործող քաղաքապետ, Վովա Գասպարյանի թիկնազորի պետ Արշակ Հակոբյանի փեսա Դավիթ Համբարձումյանի միջնորդությամբ՝ սեպտեմբերի 18-ի քաղաքապետի ընտրությունից հաշված օրեր առաջ։ Հիշեցնենք, որ այդ ընտրություններում ՀՀԿ-ն Մուրադ Մուրադյանի «քավորությամբ» առաջադրել էր Համբարձումյանի թեկնածությունը, ինչից սկզբում սրտնեղել էր Սաշա Հակոբյանը։ Որպես մխիթարանք՝ թեկնածուն նրա որդուն տեղավորեց անձնագրայինի պետ, ինչից հետո Հակոբյանն սկսեց Համբարձումյանի գովքն անել։ Բայց նախկին քաղաքապետի որդին շատ կարճ վայելեց պաշտոնը՝ օրերս նա ազատվել է աշխատանքից, ինչը թերևս պայմանավորված է նրանով, որ Հակոբյանը պաշտպանում է ոչ թե Մուրադ Մուրադյանի, այլ Արարատի մարզում ՀՀԿ-ից առաջադրված Արայիկ Գրիգորյանի թեկնածությունը։ Հակոբյանն ստանձնել է Մասիսում Գրիգորյանի ենթաշտաբի պատասխանատուի աշխատանքը։ Սաշա Հակոբյանը երեկ մեր լրագրողին հորդորել է քաղաքական աստառ չտալ, մանավանդ, որ իր որդին քաղաքականությամբ առհասարակ չի զբաղվում. «Տեղի է ունեցել տեղափոխություն, իմ որդին հիմա Կենտրոնում անձնագրային բաժանմունքում է, պետ է երևի, չգիտեմ… որովհետև ինձ էդքան էլ հետաքրքիր չէ։ Գիտեմ, որ Կենտրոնը երկու ստորաբաժանում ունի, ինքն Ալեք Մանուկյանի վրա է, իսկ ես ու իմ թիմը, այո, պաշտպանում ենք Արայիկ Գրիգորյանին»»,–գրում է թերթը։
Մանրամասները՝ թերթի այսօրվա համարում։
Հետևեք մեզ նաև Telegram-ում