Ադրբեջանը ԼՂ խնդրի կարգավորման հարցում կրկին ռազմական հռետորաբանություն է կիրառում
Նմանատիպ
Ադրբեջանի իշխանությունները, անտեսելով Լեռնային Ղարաբաղի հակամարտությունը խաղաղ ճանապարհով կարգավորելու ԵԱՀԿ Մինսկի խմբի համանախագահ երկրների հայտարարությունները, կրկին գործի են դրել ռազմական հռետորաբանությունը: Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, այս անգամ հայտարարությամբ է հանդես եկել Ադրբեջանի վարչապետ Արթուր Ռասի-զադեն:
«Ապրիլյան ռազմական գործողությունները ցույց տվեցին, որ բանակցություններից բացի կա նաև ռազմական ճանապարհ»,- հայտարարել է Ադրբեջանի վարչապետը:
ԼՂ հակամարտության կարգավորման գործում միջնորդական առաքելություն ստանձնած Ռուսաստանը, Ֆրանսիան և Միացյալ Նահանգները նախագահների, արտգործնախարարների, դեսպանների և Մինսկի խմբի համանախագահների մակարդակով բազմիցս հայտարարել են, որ խնդրի կարգավորումը պետք է հիմնված լինի ուժի և ուժի սպառնալիքի չկիրառման սկզբունքի հիման վրա:
Հետևեք մեզ նաև Telegram-ում