AM | RU
USD
EUR
RUB

Խորհրդարանական ընտրություններ 2017. Թիվ 5 ընտրատարածքում նախընտրում են բռունցքներն ու դանակը

Թիվ 5 ընտրատարածքը, որը ներառում է Արարատի մարզը, հավանաբար հավակնում է լինել ամենաաղմկահարույց ընտրատարածքներից մեկը:

Թե ռեյտինգային ընտրակարգով առաջադրվածները ի՞նչպիսի որակ են հաղորդելու Ազգային Ժողովին ընտրվելու դեպքում, դա այլ հարց է, առավել ևս, որ թեկնածուներից ոմանք ներկա պահին հանդիսանում են պատգամավորներ ու անկեղծ ասած, դժվար նկատելի լինի նրանց բացակայությունը խորհրդարանից, ինչպես նկատելի չէ ներկայությունը: Սակայն, որ այստեղ բռունցքը հանդիսանում է քաղաքական պայքարի գործիքաշարի բաղկացուցիչներից մեկը, կարծես փաստ է:

Ընդ որում այդ բռունցքները գործի են դրվում ոչ միայն մրցակիցների, այլև թիմակիցների միջև պայքարում: Բայց հաշվի առնելով, որ այս մարզում արդեն գրանցվել է նախընտրական հողի վրա դանակահարության դեպք, ենթադրելի է, որ բռունցքը բավականին առաջադիմական ու քաղաքակիրթ պայքարի տպավորություն կարող է թողնել:

Կարդացեք նաև՝ Խորհրդարանական ընտրություններ 2017. Երկու մարզ, մեկ ընտրատարածք

Առաջադրված թեկնածուների մեջ կան մի շարք համայնքապետեր, ովքեր հավակնում են անցնել խորհրդարան: Թեպետ նրանցից որևէ մեկը չի անցնի ԱԺ, բայց այնուամենայնիվ հարկ է հիշեցնել, որ նույնիսկ հայտ ներկայացնելը պետք է ունենա որոշակի հիմքեր: Եթե մարդը մշտապես վերընտրվում է համայնքի ղեկավարի պաշտոնում, դա դեռ չի նշանակում, որ արդարացված է նրա պաշտոնավարումը: Դա սոսկ ապացույցն է այն բանի, որ Հայաստանում տեղական ինքնակառավարման մարմինների ինստիտուտը կայացած չէ: Շատերի կողմից գյուղապետի «մշտական» ձեռք բերելը ընդամենը «ես էս գյուղի տղա եմ» կարգախոսի արդյունքն է: Այն, որ այստեղ համայնքապետերի մի ստվար զանգված որպես ղեկավար ձախողված են իրենց պաշտոններում, դա է ապացուցում համայնքներում տիրող խավարն ու անանցանելի ցեխը:

 

Բայց ինչևէ, քանի որ ոչ բոլոր ցանկություններն են կյանքում վերածվում իրականության, շրջանցելով գյուղապետերին, փորձեցինք առանձնացնել այն թեկնածուներին, ովքեր համեմատաբար մյուսներին, ունեն հնարավորություններ շատ ավելի ձայներ ապահովելու: Թե ի՞նչ միջոցներով են այդ ձայները հավաքվելու, դա բոլորս գիտենք, որպես ՀՀ քաղաքացիներ: Բայց որ այդ ձայները կլինեն, միանշանակ է:

Կարդացեք նաև՝ Խորհրդարանական ընտրություններ 2017. Անառողջ մթնոլորտ թիվ 1 ընտրատարածքում

Մինչև այդ բացառիկ «երջանիկներին» անցնելը, արժե նշել, որ այս մարզի թեկնածուների կազմում է «ՕՐՕ» դաշինքի կողմից առաջադրված Տիգրան Կարապետյանը, այլ խոսքով՝ Տիգրան Կարապետիչը: Բնականաբար, վաղուց անցել են ժամանակները, երբ Կարապետիչը «երջանկահիշատակ» ԱԼՄ հեռուստաընկերությամբ «ադամանդներ», «աստղիկներ» ու տարբեր կենցաղային իրեր բաժանելով, փորձում էր իր համար որոշակի ընտրազանգված հավաքել: Այժմ չկա ԱԼՄ-ն, չկա և ընտրազանգվածը: Ուստի Տիգրան Կարապետիչը միակ բանը, որ կարող է անել, քարոզարշավն իր մասնակցությամբ հետաքրքիր դարձնելն է:

Իսկ ահա մարզի «մոհիկաններն են» Ծառուկյան դաշինքի կողմից առաջադրված Արգամ Աբրահամյանը՝ Հովիկ Աբրահամյանի որդին, ՀՀԿ-ից առաջադրված Ալիկ Սարգսյանը, Արայիկ Գրիգորյանն ու Մուրադ Մուրադյանը: 

Մուրադ Մուրադյան

Վերջին երկուսը ներկա պահին հանդիսանում են ԱԺ պատգամավորներ ու ամենայն հավանականությամբ ենթադրելով, որ ահռելի օգուտ են տվել ժողովրդին ու պետությանն իրենց օրենսդիր գործունեությամբ, ջանք ու եռանդ չխնայելով ձգտում են ներկայացված լինել նաև գալիք խորհրդարանում: Անկոտրում պայքարի մոլուցքը մի պահ մոռացության էր մատնել թիմակիցներ լինելու հանգամանքը ու միայն երկրի Նախագահի կողմից խիստ նկատողություն ստանալը նրանց վերադարձրեց թիմային պայքարին ու համագործակցությանը:

Սակայն այդ համագործակցությանը նպաստում է մեկ այլ հանգամանք ևս: Դա Արգամ Աբրահամյանի թեկնածությունն է, ավելի շուտ Հովիկ Աբրահամյանի ներկայությունն այդ մարզում: 

Գաղտնիք չէ, որ երկար տարիներ Հովիկ Աբրահամյանը Արարատի մարզը համարել է իր սեփականությունը ու փորձում է այն ժառանգական իրավունքներով փոխանցել որդուն: Սակայն ներկայումս փոխվել են ոչ միայն խաղի կանոնները, այլև փոխվել է մարդկանց կարգավիճակն ու ազդեցության հնարավորությունները:

Կյանքը ցույց է տվել, որ Հայաստանում այն, ինչ կարողանում ես անել պաշտոնավարմանդ տարիներին, նույնն անում են քեզ հետ, երբ կորցնում ես այդ պաշտոնը:

Արգամ Աբրահամյան

Եթե Արգամ Աբրահամյանն իրոք ընդդիմադիր է դարձել ու իրոք ներկայացնում է ընդդիմադիր դաշինք, ինչպես այդ դաշինքն է ներկայացվում մեզ՝ ընտրողներիս, ապա շատ շուտով Արգամը, կամ ավելի ճիշտ Հովիկ Աբրահամյանն իր մաշկի վրա կզգա իր իսկ կողմից հիմնադրած բազմաթիվ ընտրական տեխնոլոգիաների կիրառումը:

Այսպես, թե այնպես, հենց այս 4 թեկնածուներն են ստանալու թիվ 5 ընտրատարածքի առավելագույն ձայները: Իսկ թե ի՞նչ եղանակով են քաղաքականությունից բավականին հեռու գտնվողները հաղթում քաղաքական պայքարում, գաղտնիք չէ ոչ մեկի համար:

Արմեն ՄԱՐՏՈՒՆԻ

Լրահոս
«Մանչեսթեր Յունայթեդ»-ը խոշոր հաշվով հաղթեց «Սուոնսի»-ին. Մխիթարյանը դարձավ գոլային փոխանցումների հեղինակ Արթիկի երկու ավագ դպրոցների միավորման նախագիծը դեռ չի ներկայացվել կառավարություն Հայաստանում կանցկացվի առաջին ամառային միջազգային դպրոցը տեսական ֆիզիկայի բնագավառում Հայաստանում օդի ջերմաստիճանը կբարձրանա 3-4 աստիճանով Արարատի մարզում նախատեսվում է գործարկել ժամանակակից տեխնոլոգիաներով ձկնաբուծարան Երևան-Սևան ավտոճանապարհին վթարի հետևանքով հիվանդանոց է տեղափոխվել 9 մարդ Զավեշտալի է, երբ հայ-թուրքական սահմանը միակողմանի փակած Թուրքիան խոսում է ԵԱՏՄ մաքսային տարածքին միանալու մասին Սուրգուտում տղամարդը դանակով վիրավորել է 8 անցորդի Լոռու մարզում վթարի հետևանքով 2 մարդ զոհվել է. կա 7 վիրավոր Բժշկական տուրիզմի նպատակով Հայաստան այցելողների թիվն աճել է Հակառակորդն այս շաբաթ հրադադարը խախտել է 220 անգամ Ամռան ամիսներին զգուշանալ կողոպուտներից և բնակարանային գողություններից. ոստիկանությունը հորդորում է փակ պահել դռներն ու պատուհանները Արդյունավետ նորամուծությունների արդյունքում Հայաստանում իսպառ կբացառվեն բանկոմատ թալանելու դեպքերը Իսպանիայի ոստիկանությունը որոնում է Բարսելոնայի ահաբեկչության գլխավոր կասկածյալին Մենք հայ Հայկ Նահապետի զավակներն ենք, որը հաղթեց Հին Արևելքի Տիտանյան Բելին Հայաստանն Իրանի համար կամուրջ է Եվրասիայի ու Եվրոպայի շուկաներ մուտք գործելու համար. Ռոհանիի խորհրդական Լավրովն օգոստոսին հնարավոր է այցելի Պարսից ծոցի տարածաշրջան ԱՄՆ-ի Ֆլորիդա նահանգում տեղի է ունեցած հրաձգության հետևանքով ոստիկանների թվում կա մեկ զոհ և երեք վիրավոր Արցախի Ակնաղբյուր համայնքում կազմակերպվելու է հերթական երիտասարդական ճամբարը ՀՀ ԱԻ նախարարը պարգևատրեց «ԻԼ-76»-ի անձնակազմին Լևոն Արոնյանը՝ Սենթ Լուիսի մրցաշարի հաղթող «Հրապարակ». «Ելք»-ը գրոհների է պատրաստվում աշնանը «Հայկական ժամանակ». Նախագահն իր արձակուրդի մի մասն անց է կացրել Եվրոպայում «Հրապարակ». Հայ գիտնականը նվերներ է պատրաստել Պուտինի և Թրամփի համար «Հայկական ժամանակ». Սանահինի վանական համալիրի տարածքում հայտնված նոր գերեզմանը պետք է տեղափոխվի «Հրապարակ». Սալոնիկ-Երևան ինքաթիռին կայծակ է հարվածել, այն օդում տատանվել է ՕՐՎԱ ԽՈՐՀՈՒՐԴԸ: Օգոստոսի 19 Ֆրանսիան Բարսելոնայի ահաբեկչությունից հետո ուժեղացրել է վերահսկողությունը Իսպանիայի հետ սահմանին Հայաստանը մասնակցում է Դամասկոսի միջազգային 59-րդ ցուցահանդեսին Փառատոնների ժամանակ Հայաստան այցելող զբոսաշրջիկների միջին թիվը ավելանում է 10-15 տոկոսով Մեհդի Քյարուբին կառավարության զիջումներից հետո դադարեցրել Է հացադուլը Հրաչյա Հարությունյանը կշարունակի պատժի կրումը. Հայաստանը ճանաչեց ՌԴ դատարանի դատավճիռը ՊԵԿ-ը պարզաբանել է ՌԴ-ում ՀՀ-ից տեղափոխված ձկան առգրավման դեպքը Բարսելոնայում ահաբեկչությունից տուժածների թիվը հասել է 130-ի. El Pais Ձերբակալվել է Կատալոնիայի ահաբեկչության հետ կապված չորրորդ կասկածյալը ԵԱՏՄ հետ համաձայնագրի ստորագրման համար անհրաժեշտ է բոլոր անդամ-երկրների համաձայնությունը. ՀՀ ԱԳՆ Էդմոն Մարուքյանը Երևան-Բաքու երկաթգծի թալանի մասին հոդվածի առթիվ քրգործ հարուցելու հարցով դիմել է գլխավոր դատախազին Կարմիր Բլուր գերեզմանատան մոտ տեղի ունեցած ծեծկռտուքի հետևանքով մարդ է մահացել Խորովածի միջազգային փառատոնը կնպաստի հայկական ավանդական խոհանոցի տարածմանն ու զբոսաշրջության զարգացմանը Երկրին է մոտենում դիտարկումների ժամանակներից ի վեր խոշորագույն աստղակերպը
Խմբագրի ընտրություն
website by Sargssyan