AM | RU
USD
EUR
RUB

Բլոգերներին տպավորել է արցախցի երեխաների խաղաղության ձգտումը. շարունակվում է բլոգերների միջազգային ֆորումը

Արցախի Հանրապետությունում մարտի 19-21-ը տեղի ունեցող բլոգերների միջազգային ֆորումին մասնակցում են շուրջ 30 բլոգերներ 11 երկրից: «Արմենպրես»-ի հաղորդմամբ` ֆորումի գլխավոր թեմաներն են հակամարտությունների ներկայացումը սոցիալական մեդիայում և բլոգերների ու լրագրողների ազատությունների ապահովումը: Արցախում բլոգերների միջազգային ֆորումի աշխատանքները կազմակերպվել է «Արցախակերտում» հասարակական կազմակերպության և Արցախի ժուռնալիստների միության կողմից: Ֆորումը վարում են ԱՀ վարչապետի մամլո խոսնակ Արտակ Բեգլարյանը և մեդիափորձագետ Սամվել Մարտիրոսյանը:

Ֆորումին «Աշխարհ» ռազմավարական հետազոտությունների կենտրոնի (Ստեփանակերտ) տնօրեն, ռազմական և ազգային անվտանգության խնդիրների փորձագետ Հրաչյա Արզումանյանը ներկայացրեց արցախյան հակամարտության առաջացման պատճառները: «Հարկավոր է օգնել Ադրբեջանի հանրությանը բուժվելու «Ալիևյան կլան» հիվանդությունից միջազգային դատարանի միջոցով, որտեղ կդատապարտվի նրանց կողմից սերունդների այնպիսի դաստիարակությունը, որի արդյունքում կտրում էին հայ կանանց, երեխաների գլուխները և ականջները»,- ասաց Արզումանյանը:

Նա հիշեցրեց՝ չի անցել մեկ տարի, ինչ զոհվեցին ավելի քան 100 երիտասարդ հայ զինվորներ՝ Ադրբեջանի սանձազերծած ռազմական գործողությունների հետևանքով: Նրա խոսքով` նրանք զոհվեցին, քանի որ հերթական անգամ աշխարհաքաղաքական ուժերի կենտրոնը որոշեց խաղալ տարածաշրջանի հետ: Արզումանյանի համոզմամբ` իրենց խնդիրն է այնպես անել, որ Կովկասը չդառնա «կրակային», քանի որ այն չի լինելու միայն տեղային, այն լինելու է լայնամասշտաբ: «Փորձը ցույց է տալիս, որ աշխարհաքաղաքական ուժերը, եթե չեն ցանկանում զբաղվել խնդրով, ապա միգուցե բլոգերները, որպես նոր ձևավոր վող հանրային տեղեկատվության իրականություն` կարող են ազդել իրավիճակի վրա»,- ասաց նա:

ԱՀ էկոնոմիկայի նախարարի տեղակալ Սերգեյ Շահվերդյանը ներկայացրեց Արցախի զբոսաշրջության վիճակը: Նրա խոսքով` Արցախի Հանրապետության զբոսաշրջություն ասելով, հասկանում ենք տարեկան շուրջ 15 հազար զբոսաշրջիկ, 43 հյուրանոցային տնտեսություն, ՀՆԱ-ի 3 տոկոս, 7 զբոսաշրջային ընկերություններ և լիցենզավորված զբոսավարներ:

«Արցախի Հանրապետության զբոսաշրջիկներն առաջին հերթին ՌԴ քաղաքացիներն են, այնուհետև ԱՄՆ-ի, Իրանի և եվրոպական երկրների քաղաքացիները: Զբոսաշրջիկների այցելության միջին տևողությունը 5 գիշեր է: Արցախում կան ավելի քան 4 հազար պատմամշակութային հուշարձաններ, 5 արգելոցներ, բարձր լեռներ, կանաչ հարթավայրեր, գետեր, ջրամբարներ և, իհարկե, ժողովուրդ, որը չի կորցրել հնուց եկած իր հյուրընկալությունը»,- ասաց Շահվերդյանը:

Բելառուսից ժամանած բլոգեր Ալեքսանդր Հոիշըկն անդրադարձավ Բելառուսի կողմից Լապշինի արտահանձնմանն Ադրբեջանին: Նա համոզմունք հայտնեց, որ այն ռուսական և բելառուսական իշխանությունների կոնֆլիկտի հետևանքն էր:

«Ես` ինքս, ճանապարհորդ եմ և լավ հասականում եմ, թե ինչ է նշանակում լինել աննշան խաղացող այս մեծ խաղի մեջ: Ցավոք սրտի այս խաղն էլ շատ վատ անդրադարձավ մեր երկրի իմիջի վրա միջազգային հանրության կողմից: Այն ցույց տվեց, որ թե ինչքան անիմաստ էր այն: Մենք ոչ մի նավթ էլ չստացանք, արդյունքում պարտվեցինք բոլոր ասպեկտներում: Ես, որպես Բելառուսի քաղաքացի, կարող եմ իմ ներողությունը խնդրել, սակայն պարզ է, որ նման բաները մենք չենք որոշում»,- ասաց նա:

Մոսկվայից բլոգեր, լրագրող Անտոն Նոսիկը նշեց, որ առաջին անգամ է Արցախում, չնայած, որ միշտ ցանկացել է այցելել: «Շատ մարդիկ կան, որ պատկերացումներ չունեն հակամարտության վերաբերյալ, իսկ այժմ այստեղ են և դա նրանց ներկայացվում է: Ինձ շատ հետաքրքիր է և իմ ընթերցողներին նույնպես կհետաքրքրի այն, թե ինչ եմ ես այստեղ տեսել»,- ընդգծեց նա:

Բլոգեր Անտոն Մերկուրովը ուրախություն հայտնեց ԱՀ-ում գտնվելու համար: «Ինձ համար շատ կարևոր այցելություն է, քանի որ մի կողմից ես այստեղ չեմ եղել, մյուս կողմից ինձ համար հնարավորություն է աշխարհին տեղեկացնելու թե ինչ է այստեղ կատարվում: Արցախը զարմացնում է իր մաքրությամբ: Կարծում եմ այն ունի մեծ զբոսաշրջային պոտենցիալ: Հաճելի է այցելել Արցախ»,-ասաց նա:

Մեդիափորձագետ Սամվել Մարտիրոսյանն իր հերթին նշեց, որ համաժողովի դրդապատճառը հանդիսացել է Լապշինի արտահանձնումը: «Նպատակները շատ են` Արցախն ավելի տեսանելի դարձնել, ճանաչելի դարձնել սոցիալական մեդիաների միջոցով, կապեր ստեղծել»,- ասաց նա:

Նրա խոսքով` մարտի 19-ին Արցախի Թումո կենտրոն այցելությունից բլոգերները շատ էին տպավորվել երեխաների անմիջականությունից: Նրանց նաև տպավորել էր խաղաղություն ունենալու երեխաների շատ մեծ ցանկությունը:

Լրահոս
Արամ Ա-ն և Երուսաղեմի լյութերական եկեղեցու առաջնորդը քննարկել են Երուսաղեմի կարգավիճակի հետ կապված հարցեր Արցախը ողջունում է Ստեփանակերտի հետ բարեկամական հարաբերություններ հաստատելու՝ Հոնոլուլուի քաղաքային խորհրդի մտադրությունը Նյու Յորքում ահաբեկչության փորձի հետևանքով երեք հոգի թեթև մարմնական վնասվածքներ են ստացել ՊՆ-ում Զինված ուժերում մարդու իրավունքների եվրոպական չափանիշների կիրառման ամրապնդման վերաբերյալ քննարկում է անցկացվել Նախագահն ընդունել է Գիտության և համաշխարհային հարցերով Պագուոշյան համաժողովների գլխավոր քարտուղարին Ռաֆայել Իսախանյան. «Հայաստան-Ադրբեջան խաղաղության քաղաքացիական պլատֆորմ»-ը խաբեություն է Դպրոցականների ձմեռային արձակուրդները կմեկնարկեն դեկտեմբերի 25-ից Էյջի Տագուչին Հայաստանի բազմավեկտոր քաղաքականությունը առավելություն է համարում ճապոնական ընկերությունների համար Հանձնարարվել է խստորեն վերահսկել երկարացված ժամկետներով շինթույլտվություններով աշխատանքների համար սահմանված ժամանակացույցերի պահպանումը «Իրավունքները պետք է լինեն պաշտպանված՝ անկախ տարածքի կարգավիճակից». Մարդու իրավունքների միջազգային օրը նշվել է Արցախում ՊԵԿ փոխնախագահը վստահեցնում է` ֆիզիկական անձինք երրորդ երկրներից մեքենա ներկրելիս արգելքի չեն հանդիպի ՀՀ-ԵՄ նոր համաձայնագրից մեկ օրում հրաշքներ սպասելը միամտություն է Հայաստանում ծրագրեր են մշակվում հնագիտական տուրիզմը զարգացնելու ուղղությամբ Գևորգ Կոստանյանն անհրաժեշտություն է համարում ընտանիքում բռնության դեմ պայքարի մասին օրենքի ճիշտ կիրառումը ՀՀ նախագահը դրել է համայնքների առավել արդյունավետ կառավարման խնդիր և տվել հստակ նշաձողը ԱՄՆ-ում ստախոս ԶԼՄ-ները դուրս են եկել վերահսկողությունից. Թրամփ ՀՀ-ում իշխանությունը ձևավորվել է ընտրական տեղամասերում. «Ելք» դաշինքն ընդունում է ՀՀԿ-ի իշխանությունը Մեկնարկել է տարվա լավագույն մարզիկների ընտրության քվեարկությունը ԿԳՆ-ն նախաձեռնել է «Բարձրագույն կրթության մասին» ՀՀ օրենքի նախագծի հանրային քննարկումների շարք Որոշ ապրանքների մաքսատուրքերի բարձրացումը չի ենթադրում, թե դրանք անպայմանորեն կթանկանան Թբիլիսիում մեկնարկել են հայ ժամանակակից երաժշտության օրերը Հայաստանի եւ Ճապոնիայի միջեւ նոր համաձայնագրի ստորագրումը խթան կհանդիսանա երկկողմ ներդրումների ծավալի աճի համար Գինեգործների համար ավելի բարենպաստ պայմաններ կստեղծվեն Հայաստանում առաջիկա 5 օրերին սպասվում է առանց տեղումների, արևային եղանակ Արմեն Ռուստամյանը կարևորում է համայնքի ղեկավարների կողմից չարաշահումների մասին բարձրաձայնելը Նալբանդյանն ընդունել է Ամերիկայի հայկական համագումարի պատվիրակությանը Էրդողանից բարոյականության դասեր չպետք է քաղեմ. Իսրայելի վարչապետ Հայոց ցեղասպանության ժամանակ երեխաների սպանդը հերքող Էրդողանը չի կարող դասեր տալ Իսրայելին Հայաստանը միջազգային գիտական հարթակում նախանձելի հաջողություններ է գրանցում Լևոն Արոնյանի հաջորդ մրցակիցը Մագնուս Կարլսենն է Հենրիխ Մխիթարյանը ուզում է խոսել Մոուրինյոյի հետ իր ապագայի մասին Հայաստանում հաստատված սիրիահայն իր ձեռքի աշխատանքով փորձում է մուտք գործել ռուսական շուկա Աճում է քաղաքացիների և քաղաքացիական հասարակության մասնակցությունն իրավական ակտերի մշակման գործընթացում Ախուրյանի ավտոճանապարհներին խիտ մառախուղ է ՕՐՎԱ ԽՈՐՀՈՒՐԴԸ: Դեկտեմբերի 11 Զորանոց, դղյակներ, մենատներ, մզկիթներ. Պալյան ճարտարապետական գերդաստանը մեծ հետք է թողել Ստամբուլում Հաջորդ տարի կստեղծվեն մարզերի զարգացման հիմնադրամներ. զարգացման ծրագրերը կազմելու են տեղի մասնագետները Անհրաժեշտ է որդեգրել համայնքների զարգացման նորարարական մոտեցումներ Արտաքին քաղաքական դաշտում ՀՀ քայլերը պետք է լինեն համահունչ Արցախի խորհրդարանի և ժողովրդի սպասումներին. Աշոտյան Սպիտակի երկրաշարժի զոհերի հիշատակին նվիրված միջոցառումներ են անցկացվել Մինսկում և Բաթումում
Խմբագրի ընտրություն
website by Sargssyan