AM | RU
USD
EUR
RUB

Եթե մեկին թագավոր են կոչում իր բնակավայրում, դա դեռ չի նշանակում, որ իրոք մոտեցել ենք միջնադարին

 
 

Օրերս, ընտրողների հետ հանդիպման ժամանակ, Արամ Զավենի Սարգսյանը կասկած էր հայտնել Գագիկ Ծառուկյանի ընդդիմադիր լինելու վերաբերյալ և որպես ասածի հիմնավորում մատնանշել էր վերջինիս երկրի ամենահարուստ մարդը լինելու հանգամանքը:

Արամ Սարգսյանի ասածի հետ տրամաբանորեն կարելի է համաձայնվել, քանի որ մենք դժբախտաբար չենք ապրում կայուն ժողովրդավարություն ունեցող և քաղաքացիական ամուր հասարակության վրա հիմնված իրավական պետությունում:

Որքան էլ ցանկություններն ու ձգտումները մեծ լինեն առաջընթաց գրանցելու ու մոտենալու վերը նշված արժեհամակարգով առաջնորդվող երկրներին, որքան էլ արդեն իսկ արձանագրված լինեն որոշակի հաջողություններ, այնուամենայնիվ հարկ է փաստել, որ դեռևս խոցելի են այն խոշոր գործարարները, ովքեր կփորձեն դեմ գնալ իշխանություններին, էլ չեմ խոսում իշխանափոխության կոչեր հնչեցնելու և իրական վտանգ ներկայացնելու պարագայում:

Արամ Սարգսյանի այս կասկածին անմիջապես հետևեց Նաիրա Զոհրաբյանի կոպիտ արձագանքը, որ շուտով իրենք կիրականացնեն իշխանափոխություն և քաղաքական դաշտից կհեռանան ոչ միայն իշխանությունները, այլև իրենց հաճախորդները՝ Արամ Զավենի Սարգսյանի գլխավորությամբ:

Եթե Արամ Սարգսյանի ասածի հետ տրամաբանորեն կարելի էր համաձայնվել, ապա Նաիրա Զոհրաբյանի ասածը սոսկ նախընտրական հռետորաբանություն է և ոչինչ ավելին: Նույնիսկ ցավալի է, երբ իշխանության են փորձում գալ նման մտածողությամբ մարդիկ: Դա նշանակում է, որ բոլոր նրանք, ովքեր չեն կիսում Գագիկ Ծառուկյանի մոտեցումները, կամ միտված չեն հավատալու նրան, ապա սպասարկում են իշխանության շահերը կամ հանդիսանում են նրանց հաճախորդները:

Դա քաղաքական դաշտն ու հասարակությունը սև և սպիտակի բաժանելու հայտ է, իսկ նա ով հասարակությունը բաժանում է երկու մասի, միանշանակ պարտվում է: Նման մոտեցումը այլակարծության և ժողովրդավարական արժեհամակարգի մերժում է: Այլ խոսքով՝ նա ով մեր հետ չէ, նա մեր դեմ է, կարգախոսի կիրառումն է, այլ բառապաշարով:

Եթե որևէ անձի թագավոր են կոչում իր բնակավայրում, դա դեռ չի նշանակում, որ իրոք մենք մոտեցել ենք միջնադարին, որտեղ թագավորը Աստծո փոխանորդն էր երկրի վրա և, որի քայլերը քննարկման ենթակա չեն:

Ցանկացած քաղաքական ուժ, ով իր գործունեությունը խարսխում է կուռքերի վրա, ապա որքան էլ այդ ուժի ծրագրերում ամրագրված լինեն ամպագորգոռ ծրագրային դրույթներ, այն իր էությամբ բռնապետական է:

Պատմությանը հայտին են բազմաթիվ դեպքեր, երբ միանգամայն ժողովրդավարական ճանապարհով իշխանության են եկել բռնապետներ: Ի վերջո ժողովրդավարությունը միայն ընտրական մեխանիզմը չէ: Ժողովրդավարությունն առաջին հերթին պետք է խարսխված լինի ազատ մտածողության վրա: Եթե որևէ քաղաքական ուժի մոտ բացակայում է ազատ մտածողությունը, այլակարծության հանդուրժումը, մրցակիցների նկատմամբ հարգանքն ու հարկ եղած դեպքում ներողամտության դրսևորումը, մեծահոգությունն ու համամարդկային այլ արժեքները, ապա նման ուժի իշխանության գալը նույնիսկ ամենաժողովրդավարական ճանապարհով, կարող է հանգեցնել ոչ դրական արդյունքների:

Պատմությանը հայտնի են բազմաթիվ դեպքեր, երբ առանց ազատության ու սոսկ ժողովրդավարական ճանապարհով իշխանության եկած անձիք, երկիրը վերածեցին քաոսի: Վերջապես մեկ արդար ընտրությունը կարող է լինել ոչ թե ժողովրդավարության հաղթանակ, այլ համաժողովրդական պոռթկում ու ընդվզում:

Հեռուն չգնալու համար կարելի է որպես օրինակ բերել մեր երկու հարևաններին.

1990-ականներին Վրաստանում ժողովրդավարական ճանապարհով իշխանության եկած Գամսախուրդիան երկիրը հասցրեց քաղաքացիական պատերազմի: Ադրբեջանում նույնպես ժողովուրդը ընտրեց Մութալիբովին, որը տապալվեց կարճ ժամանակ անց ու մինչ օրս Ադրբեջանը չի կարողանում ազատագրվել բռնապետական համակարգից:

Այլ խոսքով, եթե չկա հստակ որդեգրած արժեհամակարգ, եթե յուրաքանչյուրի գիտակցության մեջ չկա ամրագրված ազատություն, ապա միայն ընտրությունները բավարար չեն ժողովրդավարության հասնելու համար: Ի վերջո ընտրություններում կարելի է հաղթել նաև բացահայտ պոպուլիզմով, դեմագոգիայով և տարատեսակ բարեգործություններով:

Արման ԳՐԻԳՈՐՅԱՆ

Լրահոս
ՄԹ Լորդերի պալատը հավանություն տվեց Հայաստան-Եվրամիություն համապարփակ և ընդլայնված գործընկերության համաձայնագրին Ցանկացած կառուցողական շփում, որ կողմերը նախաձեռնում են, պետք է ծառայի հակամարտության կարգավորմանը. Զախարովա Իշխանությունն ունի բավարար կամք՝ ներառական կրթության ոլորտում առկա խնդիրներին լուծում տալու. Արայիկ Հարությունյան Այնպես չէ, որ գումար չկա, ճանապարհը կանգնած է. նախարարը՝ «Հյուսիս-հարավի» ֆինանսավորում չունեցող հատվածների մասին Վարչապետը միջազգային փորձագետների հետ քննարկել է արդարադատության ոլորտում բարեփոխումների իրականացմանն ուղղված հարցեր Փանիկ գյուղում զորավարժություններն անցկացվել են անգնդակ փամփուշտներով. Արծրուն Հովհաննիսյան Փանիկի դեպքի հետ կապված ռուսական կողմը պաշտոնապես ներողություն է խնդրել՝ խոստանալով հետևողական լինել միջոցառումների իրազեկման հարցերում Դիվիզիայի նախկին հրամանատարը մեղադրվում է ավելի քան 10 մլն դրամ հափշտակելու մեջ Վարչական տուգանքներ չվճարելու հետևանքով պետությանը 1.38 մլրդ դրամի վնաս է պատճառվել Չարաշահումներ տրանսպորտային միջոցների պարտադիր տեխզննությունն իրականացնելու գործում. վերականգնվել է 6.7 ՀՀ դրամ Արարատի նախկին մարզպետը Ալիկ Սարգսյանից պահանջել է շուրջ 60.000 ԱՄՆ դոլար գումար Ռուս պրանկերները Փաշինյանի անունից զանգահարել են Յունկերին ու Մոգերինիին Պրոպան գազից թունավորված 4 բնակիչ տեղափոխվել է հիվանդանոց Նիկոլ Փաշինյանն ընդունել է անվանի լողորդ Շավարշ Կարապետյանին Արա Խաչադուրյանը Մարսելից հասել է Հայաստան՝ վազքով հաղթահարելով 5 000 կմ «Չեմ ցանկանում մերկապարանոց հայտարարություններ անել». նախարարը «Հյուսիս- հարավ» ծրագրում չարաշահումների մասին Հանրապետության նախագահի նստավայրում տեղի է ունեցել նորանշանակ դատավորների երդման արարողությունը «Ալիևի համար շատ դժվար է լինելու կառավարման 4-րդ շրջանը». ադրբեջանագետ Դիտարկում ենք Հայաստանին հատկացվող ֆինանսավորման ծավալների ավելացման հնարավոր ուղիները. Ռիչարդ Միլս Եվրոպայի խորհրդի ԽԿԿ-ն զեկույց է հրապարակել Ադրբեջանում տարածված խոշտանգումների, կոռուպցիայի և անպատժելիության մթնոլորտի վերաբերյալ «Օդից փող» հաղորդաշարը հանվել է եթերից Քաղաքացին կամավոր հանձնել է հանգուցյալ ամուսնուն պատկանող զինամթերքը Նախարարը մտադիր է բարձրացնել Հյուսիս-հարավ ծրագրի նկատմամբ հանրային վերահսկողությունը Պավլիկ Մանուկյանը պնդում է՝ ոստիկանին կրակել է Էդվարդ Գրիգորյանը, փաստաբանը, սակայն, հերքում է Ռուսական 102-րդ ռազմաբազայի հրամանատարությունը Փանիկում տեղի ունեցածի առնչությամբ ծառայողական քննություն է սկսել Հայաստանում օդի ջերմաստիճանը կբարձրանա 5-7 աստիճանով Դառնալ ժամանակակից տեխնոլոգիաներով զարգացած երկիր. Նախագահը «Քենդլ» հետազոտությունների ինստիտուտում էր Արմեն Սարգսյանը, Լևոն Արոնյանը և հայկական շախմատը. հայտնի բլոգեր Nas Daily-ն հրապարակել է նոր տեսանյութ Տասնութ զորակոչիկ կծառայի գիտահետազոտական աշխատանքներ կատարելով Վահագն Հարությունյանն ազատվել է Քննչական կոմիտեի նախագահի տեղակալի պաշտոնից Արարատ Միրզոյանը ՄԱԿ-ի կենտրոնակայանում մասնակցել է Կայուն զարգացման հարցերով բարձրաստիճան քաղաքական ֆորումին Նարեկ Ղահրամանյանը նշանակվել է Կապանի քաղաքապետի պաշտոնակատար ՀՀ վարչապետի աշխատակազմի գործերի կառավարիչն աշխատանքից ազատվելու դիմում է ներկայացրել Ղուրսալու համայնքի ղեկավարի նկատմամբ քրեական հետապնդումը դադարեցվել է. նրա կողմից հատուցվել է պետությանը պատճառված վնասը Նիկոլ Փաշինյանի որոշմամբ Միքայել Արզումանյանն ազատվել է գլխավոր ռազմական տեսուչի տեղակալի պաշտոնից Ամենայն Հայոց Կաթողիկոսը խորհրդանշական է համարում Արամ Մանուկյանի արձանի բացումը Հայաստանի առաջին հանրապետության 100-ամյակի տարում Նիկոլ Փաշինյանը համոզված է՝ ի դեմս Արամ Մանուկյանի գործ ունենք մեր պատմության մեծագույն առաքյալի հետ Գնդեվանքի տարածքում Գարեգին Բ Կաթողիկոսի տեղաշարժն արգելափակելու ահազանգի կապակցությամբ նյութեր են նախապատրաստվում «Անվճար ջրի երկիր». ավելի քան 7 մլն-ից հետևորդ ունեցող հայտնի բլոգերը հրապարակել է Հայաստանի մասին տեսանյութ Խորենացի փողոցում ոստիկանը ոտքով հարվածել է քաղաքացու դեմքին եւ կոտրել քիթը
Խմբագրի ընտրություն
website by Sargssyan