Ադրբեջանի ընդդիմադիրները որոշել են համազգային հանրահավաք կազմակերպել
Նմանատիպ
Ադրբեջանի Ժողովրդավարական ուժերի ազգային խորհուրդը մարտի 22-ին տեղի ունեցած քննարկումների ժամանակ որոշել է կազմակերպել համազգային հանրահավաք, որի ժամանակ ժողովուրդը կարտահայտի իր բողոքը երկրի իշխանությունների կողմից շարունակաբար իրականացվող ապօրինությունների և ճնշումների դեմ:
Այս մասին հայտնում է ադրբեջանական azadliq.org-ը:
«Կազմակերպչական խորհրդի նիստում մենք ի թիվս այլ հարցերի քննարկել ենք բողոքի ակցիա կազմակերպելու անհրաժեշտությունը և որոշել ենք մոտ ժամանակներս կազմակերպել համազգային հանրահավաք»,– Ազատություն ռադիոկայանի հետ զրույցում նշել է Ադրբեջանի Ժողովրդավարական ուժերի ազգային խորհուրդի անդամ Էլդանիզ Գուլիևը:
Գուլիևի խոսքերով` խորհուրդը հաջորդ նիստերի ժամանակ ծրագրում է հստակեցնել իշխանություններին ուղղված պահանջները:
Ադրբեջանի Ժողովրդավարական ուժերի ազգային խորհուրդը ձևավավորվել Է 2013-ին Ադրբեջանում կայացած նախագահական ընտրություններից հետո մի շարք ընդդիմադիր ուժերի միավորելով իր մեջ:
Հետևեք մեզ նաև Telegram-ում