«Հայկական ժամանակ». ԱԱԾ-ն Սամվել Բաբայանի մեղավորությունն ապացուցող ձայնագրություններ ունի

«Հայկական ժամանակ»-ն անդրադառնալով Սամվել Բաբայանի ձերբակալությանը գրել է. «Տեղեկություններ կան, որ ԱԱԾ-ն որոշակի ձայնագրություններ է ունեցել։ Քաղաքական և իրավապահ նեղ շրջանակում երեկվանից պտտվող տեղեկությունների համաձայն, դրանց մեջ լսել է, որ Ս. Բաբայանը պայմանավորվածություն է ձեռք բերում այն երկու անձանց հետ, որոնց միջոցով «Իգլա» տեսակի զենիթահրթիռային համալիրը պետք է ՀՀ հասնի և կարգադրություններ է անում ձեռք բերման և տեղափոխման վերաբերյալ»։

«Հայկական ժամանակ»-ի տեղեկություններով՝ ԱԱԾ-ում նախապատրաստված նյութերում առկա են այնպիսի դրվագներ, որ այդ զենքով թռիչքի ժամանակ պետք է հարված հասցվեր այն ուղղաթիռին, որով պետք է թռչեին ՀՀ բարձրաստիճան պաշտոնյաները՝ հավանաբար Սերժ Սարգսյանի գլխավորությամբ։

Թերթի հետ զրույցում Սամվել Բաբայանի փաստաբան Քալաշյանը նշել է, որ վերջինս առայժմ չի հայտարարում, որ իր ձերբակալությունը քաղաքական ենթատեքստ ունի։

Հետևեք մեզ նաև Telegram-ում