AM | RU
USD
EUR
RUB

Խորհրդարանական ընտրություններ 2017. Թիվ 3 ընտրատարածքում գաղափարների և ֆինանսների բախում

 
 

Թիվ 3 ընտրատարածքը, որը ներառում է Երևանի Մալաթի-Սեբաստիա և Շենգավիթ վարչական շրջանները, իրենից ներկայացնում է հետաքրքիր գունապատկեր: Տարբեր քաղաքական ուժերի կողմից ռեյտինգային ընտրակարգով առաջադրված թեկնածուների պայքարում կարելի է տեսնել գաղափարի և գաղափարազուրկի հակամարտություն, գումարի և ծրագրերի բախում, երկու ազգականների «ուս ուսի տված» ընտրարշավ, երիտասարդ գործիչների քաղաքական մուտք և անհասկանալի մղումով մանդատին կառչած մնալու ցանկությամբ տոգորված մարդկանց մենամարտ:

Փորձենք տարբեր քաղաքական ուժերի կողմից ներկայացված թեկնածուներից առանձնացնել նրանց, ովքեր հստակ ակտիվություն են ցուցաբերել քաղաքական-հասարակական կյանքում և համեմատաբար մյուսներին՝ առավել հայտնի են հանրության, եթե ոչ լայն, ապա որոշակի հատվածներին: Առանձնացնենք նաև նրանց, ովքեր հայտնի են գրեթե ողջ հանրությանը, սակայն նրանց համար քաղաքական-հասարակական կյանք կոչվածը էականորեն տարբերվում է ընդունված նորմերից և տեղավորվում է սոսկ սեփական բիզնես գործունեության շրջանակներում:

Կարդացեք նաև՝ Խորհրդարանական ընտրություններ 2017. Անառողջ մթնոլորտ թիվ 1 ընտրատարածքում

«Ելք» դաշինքի կողմից այստեղ առաջադրվածներից, թերևս կարելի է նշել Արայիկ Հարությունյանին և Արարատ Միրզոյանին: Երկուսն էլ երիտասարդ քաղաքական գործիչներ են, ովքեր անշուշտ ունեն հեռանկար և ունեն որակներ, որոնք կարող են նոր լիցք և դրական թարմություն հաղորդել խորհրդարանին: Սակայն ցավոք չունեն դեռևս այն քաղաքական կենսագրությունը, որը կարող է լուրջ մրցակցություն ապահովել այնպիսի ընտրապայքարում ու այնպիսի ընտրատարածքում, որտեղ մի խիստ սուբյեկտիվ պատճառով, որին կանդրադառնանք փոքր ինչ ուշ, ծրագրեր և գաղափարախոսություն կոչվածը մեծամասամբ վերացական արտահայտություններ են, որոշ անձանց դեպքում էլ անհասկանալի բառեր:

«Ազատ դեմոկրատներ» կուսակցության կողմից հանրության լայն խավերին հայտնի է, թերևս Անահիտ Բախշյանը, մարդ, ով ունի ոչ միայն քաղաքական կենսագրություն, այլև մարդկային նկարագիր, որը պետք է նրան առավելություն հաղորդեր ընտրապայքարի ժամանակ: Սակայն տիկին Բախշյանը նույնպես չի կարող հավակնել առավելագույն ձայն ստացողների շարքին դասվելուն, որքան էլ դա ցավալի լինի:

«ՀԱԿ-ՀԺԿ» դաշինքի կողմից միակ թեկնածուն, ով ժամանակին լուրջ ազդեցություն ուներ նշված ընտրատարածքում ու հատկապես Մալաթիա-Սեբաստիա վարչական շրջանում, Հակոբ Հակոբյանն է (Լեդի Հակոբը): Մշտապես փորձել ենք զերծ մնալ մականուններ նշելուց, բայց հաշվի առնելով, որ հայաստանյան քաղաքական դաշտում առկա է Հակոբ հակոբյանների բազմաշատություն, ընթերցողին թյուրիմացության մեջ չգցելու համար ստիպված ենք շեշտել տվյալ Հակոբ Հակոբյանի տարբերությունը մյուսներից:

Այն, որ Հակոբ Հակոբյանը ունի անցած ճանապարհի լուրջ հետագիծ ու հայրենիքին մատուցած անուրանալի ծառայություններ, փաստ է: Սակայն հաշվի առնելով, որ նա ներկայացնում է մի քաղաքական ուժ, որի վարկանիշը ի տարբերություն այլ քաղաքական ուժերի, ողջ նախընտրական շրջանում անշեղորեն նվազում է, ապա պարոն Հակոբյանը ստիպված կլինի այս անգամ ևս չլինել խորհրդարանում: Բացի այդ փոքր ինչ տարօրինակ է պարոն Հակոբյանին տեսնել վերը նշված դաշինքում: 1998 թվականին Հակոբ Հակոբյանը լինելով ազատամարտիկ ու իր կյանքը վտանգի ենթարկելով յուրաքանչյուր թիզ հողի համար, դեմ գնած Լևոն Տեր-Պետրոսյանին, հանդիսացավ իշխանափոխությանը նպաստողներից մեկը, իսկ այժմ պաշտպանում է նույն Տեր-Պետրոսյանին, ով բոլոր նրանց, ովքեր դեմ են հողերի զիջմանը, համարում է դավաճան:

Կարդացեք նաև՝ Խորհրդարանական ընտրություններ 2017. Տվեք Ռազմիկին լծակ ու հավանաբար մենք երանի կտանք Լյովային

Բարդ է «Հայկական վերածնունդ» կուսակցության կողմից առաջադրված թեկնածուներ Հեղինե Բիշարյանի և յուր ազգական Լևոն Դոխոյանի պարագան: Վերջինիս միակ գաղափարախոսությունն ու ծրագիրը իր ազգականն է, նույն ինքը՝ Հեղինե Բիշարյանը: Իսկ Հեղինե Բիշարյանի նախընտրական ծրագրերն էլ ամփոփված եմ սեփական կուսակցության մասին բացասական արտահայտվողների աչքերը հանելու ցանկությամբ: Բարեբախտաբար այս ցանկությունը դժվար իրագործելի է կյանքում, հակառակ դեպքում մեր հանրության ճնշող մեծամասնությունը կույր կլիներ, քանի որ դժվար է հանդիպել մեկին, ով նշված ուժի վերաբերյալ դրական կարտահայտվի:

Կորյուն Նահապետյան

Ինչպես գրեթե բոլոր ընտրատարածքներում, այստեղ նույնպես հիմնական պայքարը տեղի է ունենալու ՀՀԿ-ի և «Ծառուկյան» դաշինքի միջև:

Երկու ուժերից էլ ներկայացված են մարդիկ, որոնց դեպքում հիմնական շեշտադրումները լինելու են ծրագրային և գաղափարական մոտեցումները և երկու ուժերից էլ կան մեկական թեկնածուներ, որոնց միակ հենարանը ֆինանսներն են:

Ավելորդ է նշել, որ ֆինանսական «գաղափարակիրներն են» լինելու ՀՀԿ-ից Սամվել Ալեքսանյանը, «Ծառուկյան» դաշինքից՝ Հարություն Ղարագյոզյանը:

Իհարկե այս զույգից հաղթող կճանաչվի Սամվել Ալեքսանյանը, քանի որ նա ոչ միայն առավել զորեղ է իր ֆինանսական կարողություններով, «մարտի նետվելու» պատրաստ մարդկանց ահռելի բանակով, «Ալեքսանյան բարերար» բացականչող կանանց «մատյան գնդով», այլև արդեն շատ վաղուց Մալաթիա-Սեբաստիա համայնքը համարում է իր ժառանգական կալվածքները և որպես «տոհմիկ ազնվական» սեփական կալվածքներից մշտապես մանդատ կստանա մինչ ապագայում հնարավոր շնորհազրկումը: Սա էլ, թերևս պարոն Ալեքսանյանի «Նժդեհյան գաղափարախոսությունն» է և «քաղաքական» ծրագրային դրույթները:

Իսկ այս երկու ուժերի միջև պայքարին քաղաքական, ծրագրային, գաղափարախոսական երանգ կարող են հաղորդել ՀՀԿ պատգամավորներ Կորյուն Նահապետյանը և Արայիկ Հովհաննիսյանը, «Ծառուկյան» դաշինքից պատգամավորի թեկնածու՝ Արշակ Արշակյանը:

Առաջին երկուսին ներկայացնելու առանձնապես կարիք չկա: Երկուսն էլ ծավալել են բավականաչափ ակտիվ քաղաքական, օրենսդրական գործունեություն և երկուսին էլ կարելի է դասել այն պատգամավորների շարքին, ովքեր իրոք ունեն քաղաքական մտածելակերպ:

Արշակ Արշակյան

Իսկ «Ծառուկյան» դաշինքի կողմից առաջադրված թեկնածու Արշակ Արշակյանը բացի նրանից, որ ժամանակին զենքը ձեռքին պաշտպանել է ՀՀ և Արցախի սահմանները՝ խոսքը վերածելով գործի, ներկայումս նույնպես ակտիվորեն զբաղվում է գործով, որը կրկին ծառայելու է հայրենիքին: Կարդալով Արշակյանի ծրագրերը, կարելի է համոզվել, որ հայտ ներկայացնելով ԱԺ պատգամավոր ընտրվելու, միաժամանակ հստակորեն ներկայացնում է Հայաստանի զարգացման իր տեսլականը, քաղաքական ծրագրերը, որոնցում առկա են իրատեսական քայլերի մի ամբողջ համալիր շարք, ծրագրերը իրականություն դարձնելու համար:

Ասվածի վառ ապացույցն է այն, որ հետևելով թեկնածուների քարոզարշավին, միանշանակ կարելի է փաստել, որ Արշակ Արշակյանի հանդիպումները ընտրողների հետ գնալով դառնում են բազմամարդ, քանի որ ընտրողները հստակ տեսնում են մոտեցումներ, որոնց կյանքի կոչվելը դրական փոփոխությունների կարող է հանգեցնել: Այլ խոսքով հանձինս Արշակ Արշակյանի ընտրողի մոտ առաջացել է հույս, որ կունենան այն պատգամավորին, որն ընտրվելուց հետո կշարունակի իրենց խնդիրները մշտապես պահել ուշադրության կենտրոնում:

Կարծում եմ սխալված չենք լինի, եթե արձանագրենք, որ նշված ընտրատարածքում «Ծառուկյան» դաշինքի կողմից առաջադրված թեկնածուներից, առավելագույն ձայները կստանա Արշակ Արշակյանը:

Արմեն ՄԱՐՏՈՒՆԻ

 

Լրահոս
Նախագահի նստավայրում մեկնարկում է կառավարության անդամների երդման արարողությունը Փաշինյանի գլխավորությամբ քննարկվել են Ֆրանկոֆոն պետությունների 17-րդ գագաթնաժողովի նախապատրաստական աշխատանքները ՀՀ նախագահն Արսեն Մկրտչյանին նշանակել է վերաքննիչ քաղաքացիական դատարանի նախագահ Շառլ Ազնավուրի ծննդյան տարեդարձը կնշվի համերգային ծրագրով Թևան Պողոսյանը արձանագրում է՝ Ադրբեջանը դեռևս պատրաստ չէ խաղաղ բանակցությունների Արայիկ Հարությունյանը ավարտական միջոցառումների անցկացման համար չի բացառում նախարարության կողմից որոշակի բյուջեի հատկացում Մի խումբ քաղաքացիներ պահանջում են ՀՀ գլխավոր դատախազի հրաժարականը Սուրեն Պապիկյանը Նորակերտում ապօրինությունների դեպքի առթիվ խնդրել է ՀՀ գլխավոր դատախազին հարուցել քրգործ Կոռուպցիայի դեմ պայքարը, հավասար մրցակցության ապահովումը պետք է լինեն կառավարության առաջնահերթությունները. տնտեսագետ Երեկ լսեցի քո հարցազրույցը «Ազատություն» կայքի եթերում: Պետք է անկեղծ ասեմ՝ հիասթափված եմ Սերժ Սարգսյանը մասնակցել է Գրետա Սարգսյանի հուղարկավորության արարողությունը Կիպրոսը ցանկանում է տեսնել ուժեղ Հայաստան. Կիպրոսի խորհրդարանի խոսնակը՝ Հայաստանի ներքաղաքական զարգացումների մասին ՀՀ ոստիկանապետը նոր նշանակումներ է արել Արմեն Սարգսյանն ընդունել է Կիպրոսի Ներկայացուցիչների պալատի նախագահի գլխավորած պատվիրակությանը Հայաստանում որպես կալանավորմանն այլընտրանքային խափանման միջոց գրավ կիրառելու դեպքերն աճել են 3.5 տոկոսով Ուրախ կլինեմ, եթե Հայաստանում կոռուպցիան արմատախիլ արվի. Արա Բաբլոյան Հայ պատգամավոր Սելինա Դողանը չի լինի Թուրքիայի հաջորդ գումարման խորհրդարանում Վազգեն Մանուկյանը մի շարք առաջարկներ է ներկայացրել վարչապետ Նիկոլ Փաշինյանին Հայաստանում հայտարարել են ՌԴ-ից «Տոր» զենիթահրթիռային համակարգերի մատակարարման մասին Մանե Թանդիլյանն առաջարկում է հուլիսի 1-ից երկրորդ երեխայի ծննդյան նպաստը դարձնել 150 հազար դրամ Վճռաբեկ դատարանի մոտ կայացել է Սամվել Բաբայանին ազատ արձակելու պահանջով բողոքի ակցիան. ուղիղ Հայաստանին պետք է կուտակային համակարգ. Մանե Թանդիլյան Շախմատի Երևանի տղամարդկանց կիսաեզրափակիչ մրցաշարի չեմպիոն է դարձել Էրիկ Չաքրյանը Արցախում զինծառայողի մահվան հանգամանքները պարզելու նպատակով քննություն է տարվում Դավիթ Սանասարյանը կզբաղեցնի ՀՀ պետական վերահսկողության ծառայության պետի պաշտոնը Վարչապետը խոստանում է վերացնել սփյուռքի ներուժը պետական ինստիտուտների կայացման գործում կիրառելու խոչընդոտները ՕՐՎԱ ԽՈՐՀՈՒՐԴԸ: Մայիսի 21 Արթուր Վանեցյանը խոստանում է ԱԱԾ համակարգի աշխատավարձերի հարցին անդրադառնալ գալիք տարի Արցախի Նախագահը մասնակցել է «Թալիշի վերածնունդ» նախագծի մեկնարկի հանդիսավոր արարողությանը Ամերիկահայ բարեգործը 1 մլն դոլար նվիրաբերելու Գետավանի դպրոցին. ԱՀ պետնախարարն ընդունել է «Հայաստան» հիմնադրամի պատվիրակությանը ՀՀ վարչապետը և նախագահը ներկա են եղել սպարապետ Վազգեն Սարգսյանի մոր՝ Գրետա Սարգսյանի հոգեհանգստի արարողությանը ՀՀ զինված ուժերն անպատասխան չեն թողնի Հայաստանի սահմանի հետ Ադրբեջանի ինժեներական աշխատանքները ԱԱԾ տնօրեն Արթուր Վանեցյանը խոսել է իր ընտանիքի անդամների բիզնեսի մասին «Շիրակ»-ը հրաժարվում է Հայաստանի առաջնության խաղերին մասնակցել «Երևան 2800» գորգը նվիրաբերվել է Երևան քաղաքի պատմության թանգարանին ՀՀ կրթության և գիտության նախարարությունը նախատեսում է ստեղծել առցանց կրթական հարթակ Մենք Թումանյանի, Կոմիտասի, Չարենցի ողբերգությունը կթարգմանենք որպես երջանկություն՝ այսօրվա եւ վաղվա սերունդներին ի պահ. Նիկոլ Փաշինյան Արթուր Վանեցյանը Ֆելիքս Ցոլակյանի քայլը դավաճանություն չի համարում Անձրևներն ու ամպրոպը կուղեկցվեն քամու ուժգնացմամբ. առանձին շրջաններում կարկուտ կտեղա Բակո Սահակյանը ցավակցական հեռագիր է հղել Վազգեն Սարգսյանի մոր՝ Գրետա Սարգսյանի մահվան կապակցությամբ
Խմբագրի ընտրություն
website by Sargssyan