AM | RU
USD
EUR
RUB

Ես գիտեմ, թե ինչ էիք դուք անում անցած ապրիլին

Եվ քանի որ դա այդպես է, ապա գիտեմ նաև, թե ինչ կանեք այս անգամ։

Իհարկե, կարող եք նաև հակաճառել՝ ասելով, թե մենք ինչ-որ գյուղացիներ չենք, բանվորներ կամ զինվորներ, այլ մտավորականներ, մտքի իշխանավորներ, ուղեղային կառույցներ, ստեղծագործ անձինք, մտավոր աշխատանքի անհատներ. ինչպե՞ս կարելի է կանխատեսել մեզ պես վառ և ոչ օրդինար անհատների վարվելակերպը։

Բայց կանխատեսելու բան էլ չկա՝ 90-ականների լիբերալ ամբոխ, 60-ականների խոհանոցային դիսիդենտներ, 40-ականների թիկունքայիններ և այլն։ Ոչ խելք, ոչ անհատականություններ և ոչ էլ (Աստված ոչ արասցե) աշխատանք։ Ոչնչով չմռայլված, տաք ակվարիումում մշտական կերով ապրելու կյանքի բնազդային քաղց (այդ այն է, երբ ամբողջ աշխարհը պարտական է քեզ լողաթևիդ գույները ցուցադրելու համար)։

Մեկ բան միայն չեմ կարող հասկանալ՝ ինչպե՞ս է պարտավորությունների հանդեպ իրավունքի գերակայության ախտը ներխուժել մեր աշխատասեր ազգի մեջ։

Մեր երիտասարդության պատերազմին գնացել է մեկ պոետ՝ երիտասարդներից լավագույնը։ Մասնակցել է Մալիբեկլուի կրակակետերի ոչնչացման գործողությանը, հետո գրել զրահ ծակող մի պատմություն՝ «Ինքնաձիգ N...»: Եվ վերջ։ Եվ դրա համար ես նրան ոչ թե «շնորհակալություն» կհայտնեմ, այլ կասեմ. «լավ է, որ այդ մեկ ամիսը դու ապրեցիր մեզ հետ»։

Մայրենի լեզվի մաքրության մնացած ջատագովները, անկախության պայքարողներն ու էգալիտէ, լիբերտէ և ֆրատերնիտէ առաջամարտիկները հանգրվանեցին նախարարություններում, ԶԼՄ-ներում և տարատեսակ հիմնադրամներում։ Պատերազմն ինքնակամ անցավ միայն գրականագետը, որին «ազգի խղճի» թիկունքայինները մեղադրեցին ԿԳԲ-ի հետ համագործակցության մեջ։

Չնայած բողոքելն էլ է մեղք։ Եթե Սիմոնովի, Գումիլյովի, Գիլքռօոսկիի, Տոլստոյի և Լերմոնտովի ավանդույթներն ունեցող հարյուր քառասուն միլիոնանոց գերտերությունը դոնբասյան պատերազմին կարողացել է միայն Պրիլեպինին ուղարկել, ապա երեք միլիոնանոցից պահանջելն էլ անհարմար է։

Եվ ահա այս ապրիլին դուք կբողոքեք ընդդեմ…, կբարբառեք հօգուտ…, փողոց դուրս կգաք… Իսկ ձեր կարողությունը՝ հերթապահ հոդվածներն ու տաղտկալի հարցազրույցներն են այն մասին, որ ընտրություններն այն չեն, ճիշտ ժամանակին չեն և սխալ են, կոռուպցիան խեցդում է, արտաքին և ներքին քաղաքականությունն անտանելի է, ապագա չկա։ Մի խոսքով՝ հարատև ոռնոց հստակ լսելի մեկ ուղերձով՝ «մի բան արե՛ք»։ Ենթադրվում է, որ նրանք կլինեն լավ հագած և բուրող ուղղափառներ՝ չկաշառվող և բարձր բարոյականությամբ (դե իհարկե Արևմուտքից)։ Նրանք և՛ պատերազմի հարցը կլուծեն արդարզիջումային-անշահախնդիր մեթոդներով, և՛ տնտեսությունը կբարձրացնեն, և՛ հասարակությունը կառողջացնեն։ Իսկ ամենակարևորը՝ համեղ կեր կտան ակվարիումի վոլտերներին և հերցեններին։ Որոշակի այլընտրանք առաջարկելու առքելությամբ հանդես կգան նաև առողջացնող «հարավային քամիների» կողմնակիցները։ Ճիշտ է, այնտեղ կոստյումն ու օծանելիքն ավելի խղճուկ են, բայց հոգևոր բաղադրիչն է ավելի շատ։

Բայց ակվարիումի պատերից դուրս ամեն ինչ այլ է։ Միանգամայն այլ է։ Ստիպված ես աշխատել, չարչարվել, քրտնել, փորել, կառուցել, կրակել, ստեղծագործել։ Եվ այդ իրական մարդիկ հանգիստ են. նրանք սովոր են հույսները դնել սեփական ուժերի վրա և չեն սպասում ողորմածության կամ վերևից տրված բարիքի։

Եվ ահա, շուտով կգա հերթական ապրիլը։

Կարելի է թոթափել պատասխանատվությունը, ձեռք բերել ողջ քաղաքակիրթ աշխարհի համակրանքն ու դաշնակից գերտերությունների հնարավոր բոլոր պարտավորեցնող փաստաթղթերը և ստանալ 1915-ի ապրիլը։

Իսկ կարելի է նաև բախվել նույն այդ քաղաքակիրթ աշխարհի բացարձակ անտարբերությանն ու ռազմավարական դաշնակցի հրաշալի անջատման, բայց լինել սեփական ճակատագրի տերն ու կազմակերպել 2016-ի ապրիլ։
Մենք պետք է որոշենք, թե ինչպիսին կլինի այս ապրիլը։

Արսեն ԽԱՉԱՏՐՅԱՆ

Լրահոս
Արա Բաբլոյանի գլխավորած պատվիրակությունը պաշտոնական այցով կմեկնի Վարշավա ՄԱԿ-ի գլխավոր քարտուղարը ողջունել է Հայաստանի եւ Ադրբեջանի նախագահների բանակցությունները ԼՂ հարցում բանակցային գործընթացը պահպանելը կնվազեցնի ռազմական առճակատման ռիսկը. Ստանիսլավ Տարասով «Ժողովուրդ». Ոստիկանության և Քննչական կոմիտեի միջև ներքին լարվածության արդյունքում տուժում է քաղաքացին «Ժամանակ». Բաքուն ջանք չի խնայում, որպեսզի ՀՀ-ԵՄ համաձայնագիրը չստորագրվի «Հայկական ժամանակ». Պաղաղբյուրի միջնակարգ դպրոցի փակման պատճառով աշակերտ ունեցող ընտանիքները տեղափոխվել են Մեծավան գյուղ «Ժողովուրդ». ՀՀ Սահմանադրական դատարանի շուրջ հետաքրքիր ինտրիգ է հասունանում «Հրապարակ». «Փարավոն»-ում կնշվի «Կենտրոն» հեռուստաընկերության 15-ամյակը ՕՐՎԱ ԽՈՐՀՈՒՐԴԸ: Հոկտեմբերի 17 Bloomberg-ը հայտնել է պաշտոնյաներ եւ հետախույզներ վարձելու Facebook-ի պլանների մասին ԵՄ-ն կոչ է արել Թրամփին՝ կատարել Իրանի հետ գործարքը հանուն ԱՄՆ-ի ու նրա գործընկերների անվտանգության Մարիամի` Սալվադոր Դալիից ստացած «ժառանգությունն» ու պատահական ծնված հոբբին ՀՀ ԱԺ նախագահ Արա Բաբլոյանը հանդիպումներ է ունեցել Կիպրոսի եւ Իռլանդիայի խորհրդարանների ղեկավարների հետ Ռազմական ինժեներները ՀԱՊԿ զորավարժություններից հետո սկսել են «Ալագյազ» զորավարժարանը պայթունավտանգ նյութերից մաքրելու աշխատանքներ Պայմանավորվել ենք միջոցներ ձեռնարկենք լարվածությունն էլ ավելի թուլացնելու, որպեսզի առաջնագծում չունենանք զոհեր ԱԻՆ-ը զգուշացնում է. Հայաստանի 3 մարզում քամու ուժգնացումը երեկոյան կարող է կրկնվել Դավիթ Բաբայանը համոզված է, որ Ադրբեջանը, ուշ, թե շուտ, փոխելու է իր դիրքորոշումը Հայաստանի և Ադրբեջանի նախագահների հանդիպումն անցել է կառուցողական մթնոլորտում Նախագահ Սարգսյանը Ժնևում հանդիպում կունենա հայ համայնքի ներկայացուցիչների հետ ԼՂ հակամարտության էությունը Արցախի ժողովրդի ինքնորոշման խաղաղ ձգտման մեջ է. Արա Բաբլոյանի ելույթը Սիրիական բանակը ԻՊ-ին շրջապատում Է Դեյր Զորի թաղամասերում ՀՀ տարբեր մարզերում հիմնվելու են տեխնոպարկեր Ժնևում ավարտվել են Սարգսյան-Ալիև բանակցությունները Անկախացումից ի վեր հայկական մամուլը և՛ հաջողություններ, և՛ բացթողումներ է ունեցել. այսօր Հայկական մամուլի օրն է Մեկնարկել է Սարգսյանն-Ալիև առանձնազրույցը Մեկնարկել է ՀՀ փոխվարչապետի գլխավորած պատվիրակության այցը Ամերիկայի Միացյալ Նահանգներ Փոթորիկի լուրերից հետո աշակերտներին ու մանկավարժներին տուն են ուղարկել զգուշավորությունից ելնելով ՀՀ և Ադրբեջանի նախագահների հանդիպումը տեղի է ունենում Հայաստանի համար բարենպաստ պայմաններում. Ալեքսանդր Մանասյան Բակո Սահակյանը հաստատել է ԱՀ Նախագահի 2017-2020թթ. ծրագիրն ի կատարումն ընդունելու մասին կառավարության որոշումը Ժնևում մեկնարկել են Հայաստանի և Ադրբեջանի նախագահների բանակցությունները «Արմենպրես»-ի տնօրենը Սոչիում մասնակցել է ԱՊՀ երկրների ազգային լրատվական գործակալությունների խորհրդի նիստին ԱԻՆ-ը հերքում է Երևանում փոթորիկի մասին տեղեկությունները Նախարար Վարդան Արամյանը շարունակել է հանդիպումները Վաշինգտոնում ԵՄ-ն Հարավային Կովկասում նոր հատուկ ներկայացուցիչ է նշանակել Թոիվո Կլաարին ՀՀ Նախագահ Սերժ Սարգսյանը ժամանել է Ժնև. կկայանա Սարգսյան-Ալիև հանդիպումը Նոր վարկով ՌԴ-ի կողմից զենք մատակարարելու համաձայնագիրը միտված է ՀՀ անվտանգության ամրապնդմանը Արցախի ճակատագիրը չի կարող որոշվել առանց նրա անմիջական մասնակցության ՏԻՄ ընտրություններ. Արտաշատում և Գորիսում կուսակցություններից թեկնածուներ է առաջադրել միայն ՀՀԿ-ն ՀՀ ԱԺ նախագահ Արա Բաբլոյանը երկկողմ հանդիպումներ է ունեցել Սանկտ Պետերբուրգում Բակո Սահակյանն ընդլայնված խորհրդակցություն է հրավիրել ԱՀ Նախագահի 2017-2020 թթ. ծրագրի հիմնական դրույթների վերաբերյալ
Խմբագրի ընտրություն
website by Sargssyan