«Ազատ դեմոկրատները» բարձր են գնահատում առաջիկա ընտրություններում իրենց հնարավորությունները
Նմանատիպ
«Ազատ դեմոկրատներ» կուսակցությունը ներկայացրել է կառավարության գործունեության ծրագիր, որտեղ հստակ բյուջետային հաշվարկներ են արվել: Մարտի 29-ին լրագրողների հանդիպման ժամանակ այս մասին նշեց «Ազատ դեմոկրատներ» կուսակցության փոխնախագահ Անժելա Խաչատրյանը:
«Այդ ամենը իրագործվել է մեր կուսակցության վարչապետի թեկնածու Հրանտ Բագրատյանի կողմից: Բացի այդ, «Ազատ դեմոկրատները» հստակ նշել են, թե ինչպես վերացնել ստվերային տնտեսությունը: Դրա արդյունքում Հայաստանի Հանրապետության յուրաքանչյուր քաղաքացու կյանքը կարող է բարելավվել 34 տոկոսով»,- ասաց Խաչատրյանը: Ըստ նրա` Եվրոպական միություն լիիրավ անդամակցության ծրագիրը ևս ամբողջովին հասցվել է ընտրողներին:
Խաչատրյանը նաև նշեց, որ տարածքային զարգացման հետ կապված իրենց ծրագրում հատուկ ուշադրություն է դարձվել համայնքների զարգացմանը:
«Համայնքների խոշորացման օրինագիծը անընդունելի ենք համարում և այդ հարցը պատրաստվում ենք բարձրաձայնել առաջիկայում»,- ընդգծեց Խաչատրյանը և հավելեց, որ առաջիկա ընտրություններում իրենց կուսակցության հնարավորությունները բարձր են գնահատում:
Հետևեք մեզ նաև Telegram-ում