ԱՄՆ-ը, Ֆրանսիան եւ Մեծ Բրիտանիան պայմանավորվել են համատեղ օգտագործել իրենց ռազմածովային ուժերը
Նմանատիպ
ԱՄՆ-ը, Ֆրանսիան եւ Մեծ Բրիտանիան եռակողմ համաձայնագիր են կնքել, որով պայմանավորվել են ռազմածովային ուժերի ավելի սերտ համատեղ օգտագործման շուրջ: Այդ մասին, ինչպես տեղեկացնում է «Արմենպրես»-ը, հայտնել է ԱՄՆ-ի ռազմածովային ինստիտուտի (USNI) պորտալը:
«Սա հիանալի հնարավորություն է երեք բարձրակարգ ծովային տերությունների համար՝ որոշելու այն ոլորտները, որոնցում իրենք կարող են համատեղ աշխատանք տանել եւ խորացնել այն»,-հրատարակությանն ասել է ԱՄՆ-ի ռազմածովային հրամանատարության աղբյուրը:
Հրապարակման մեջ նշվում է, որ բոլոր երեք կողմերն անհանգստություն են հայտնում Ատլանտյան օվկիանոսում ռուսական սուզանավերի աճող ակտիվության կապակցությամբ:
Համաձայնագիրն ստորագրվել է երեք երկրների բարձրաստիճան ծովային սպաների՝ Ֆրանսիայի ՌԾՈւ-ի շտաբի պետ ծովակալ Քրիստոֆ Պրազյուկի, Առաջին ծովային լորդ ծովակալ սըր Ֆիլիպ Ջոնսոնի (Մեծ Բրիտանիա) եւ ԱՄՆ-ի ՌԾՈւ-ի գլխավոր հրամանատար Ջոն Ռիչարդսոնի կողմից:
Պայմանավորվածության բաց մասը, որը հրապարակվել է մամուլի համար, նախատեսում Է փոխգործակցության զարգացում երեք ուղղություններով: Կողմերը պայմանավորվել են ավելի ակտիվորեն տեղեկատվություն փոխանակել ծովում ռազմավարական պլանավորման հարցերի շուրջ, ինչպես նաեւ հականավային պաշտպանության առաջադրանքներում եւ ավիակիրների գործողություններում նավատորմների մարտական ուժերի համատեղ կիրառման շուրջ:
Հետևեք մեզ նաև Telegram-ում