AM | RU
USD
EUR
RUB

Հույս ունեմ, որ մեր հասարակությունը կարձանագրի նոր իրավիճակ Հայաստանի համար. Արարատ Զուրաբյան

«Ես համոզված եմ, որ «Ծառուկյան» դաշինքը Հանրապետականից շատ ավելի շատ ձայն ունի: Եվ ընտրությունների ընթացքում մենք շատ բանի ականատես կլինենք՝ իհարկե, եթե ընտրությունները անցնեն առանց խախտումների: »,-այս մասին Times.am-ի հետ զրույցում ասաց ՀՀՇ վարչության նախագահ, «Ծառուկյան» դաշինքի կողմից առաջադրված պատգամավորի թեկնածու Արարատ Զուրաբյանը:

Պատգամավորի թեկնածուն քարոզարշավի ընթացքը շատ դրական և ոգևորիչ է գնահատում, որովհետև իրենց քաղաքական թիմը այդ պրոցեսը անցկացրել է բավականին հաջող:

«Այն ոգևորությունը և մասսայականությունը հավաքներին, որ տեղի էին ունենում, ամբողջ հասարակության աչքի առջև էր: Այսօր հանգիստ խղճով կարող ենք ամփոփել նախընտրականը և սպասել արդյունքներին»,-նշեց պարոն Զուրաբյանը:

Հարցին՝ այն նպատակները, որոնք ձեր առջև դրել էիք մինչ քարոզարշավը, կարողացա՞ք իրագործել, պարոն Զուրաբյանը պատասխանեց.

«Երբեք ամբողջությամբ հնարավոր չի լինում անել այն, ինչ-որ ցանկալի է, և այն ինչ-որ պլանավորում ես, որովհետև մշտապես ինչ-որ հանգամանքներ այնպես չեն դասավորվում, որպեսզի ամբողջական լինի, բայց համոզված եմ, որ բավականաչափ նորմալ ներկայացվեց ամեն ինչ, և ես կարծում եմ՝ ընտրողի կողմնորոշման համար, բավականին բան արված է»:

Անդրադառնալով ակնկալիքներին Արարատ Զուրաբյանը նշեց, որ երկար տարիներ աշխատելով «Կենտրոն» համայնքի ղեկավար հույս ունի, որ կատարված աշխատանքը ևս կնպաստի որոշակիորեն նրան, որպեսզի դրական արդյունքներ ձևավորվեն :

«Ընտրական փորձս թույլ է տալիս, մի քիչ վստահություն ունենալ այս հարցում»,-հավելեց Արարատ Զուրաբյանը:

Խոսելով սոցիոլոգիական հարցումների արդյունքների մասին, համաձայն որոնց ՀՀԿ-ն առաջին տեղում է, իսկ «Ծառուկյան» դաշինքը երկրորդ՝ պատգամավորի թեկնածուն նշեց.

«Սոցիոլոգիան շատ հստակ և հաստատուն գիտություն է, բայց ունի մեկ փոքրիկ խնդիր: Այնպիսի համակարգերում, այնպիսի երկրներում, ինչպիսին Հայաստանի Հանրապետությունն է, այն միշտ չէ որ հստակ արտացոլում է ռեալ իրավիճակը: Ես կարծում եմ, որ արդյունքների վրա կա որոշակի ազդեցություն, քանի որ հակառակ պատկերին ենք ականատես լինում, երբ որ հանդիպում ենք մարդկանց հետ և համոզված եմ, որ այն արդյունքները, որոնք արձանագրված են այս հարցումներում իրականությանը այնքան էլ չեն համապատասխանում»:

Վեջում ուղերձ հղելով ընտրողներին պարոն Զուրաբյանը նշեց, որ կուզենար, որպեսզի մարդիկ առաջին հեթին ընտրության գնալիս արձանագրեն մի բան, որ իրենք ընտրում են քաղաքական ուժ, իսկ քաղաքական ուժը կամ գործիչը, որին ընտրում են, դա պրոֆեսիոնալ գործունեության ոլորտ է: Այնպես, ինչպես հիվանդի համար բժիշկ են ընտրում, երեխայի համար լավ դասախոս՝ ԲՈՒՀ ընդունվելուց առաջ, այնպես էլ պետք է ընտրել քաղաքական այրերին, որպեսզի հետագայում չկանգնեն կոտրած տաշտակի առջև:

«Սովորաբար մեր մոտ միշտ չէ, որ հասարակության մեջ դա հիշում են: Հիմնականում առաջնորդվում են ընկեր, բարեկամ, եղբայր հարևան սկզբունքով: Ես կոչ կանեի բոլորին, որպեսզի ընտրեն քաղաքական գործիչների՝ անկախ, թե որ քաղաքական ուժն են դրանք ներկայացնում, բայց ընտրեն մարդկանց, ովքեր քաղաքական գործունեություն ծավալելուց ինչ-որ բան կփոխեն»,-ասաց Արարատ Զուրաբյանը և հավելեց.

«Հույս ունեմ, որ մեր հասարակությունը իր քաղաքացիական պարտքը հստակ կատարելով կարձանագրի նոր իրավիճակ Հայաստանի համար»:

 

Լրահոս
ԱՄՆ-ում ստախոս ԶԼՄ-ները դուրս են եկել վերահսկողությունից. Թրամփ ՀՀ-ում իշխանությունը ձևավորվել է ընտրական տեղամասերում. «Ելք» դաշինքն ընդունում է ՀՀԿ-ի իշխանությունը Մեկնարկել է տարվա լավագույն մարզիկների ընտրության քվեարկությունը ԿԳՆ-ն նախաձեռնել է «Բարձրագույն կրթության մասին» ՀՀ օրենքի նախագծի հանրային քննարկումների շարք Որոշ ապրանքների մաքսատուրքերի բարձրացումը չի ենթադրում, թե դրանք անպայմանորեն կթանկանան Թբիլիսիում մեկնարկել են հայ ժամանակակից երաժշտության օրերը Հայաստանի եւ Ճապոնիայի միջեւ նոր համաձայնագրի ստորագրումը խթան կհանդիսանա երկկողմ ներդրումների ծավալի աճի համար Գինեգործների համար ավելի բարենպաստ պայմաններ կստեղծվեն Հայաստանում առաջիկա 5 օրերին սպասվում է առանց տեղումների, արևային եղանակ Արմեն Ռուստամյանը կարևորում է համայնքի ղեկավարների կողմից չարաշահումների մասին բարձրաձայնելը Նալբանդյանն ընդունել է Ամերիկայի հայկական համագումարի պատվիրակությանը Էրդողանից բարոյականության դասեր չպետք է քաղեմ. Իսրայելի վարչապետ Հայոց ցեղասպանության ժամանակ երեխաների սպանդը հերքող Էրդողանը չի կարող դասեր տալ Իսրայելին Հայաստանը միջազգային գիտական հարթակում նախանձելի հաջողություններ է գրանցում Լևոն Արոնյանի հաջորդ մրցակիցը Մագնուս Կարլսենն է Հենրիխ Մխիթարյանը ուզում է խոսել Մոուրինյոյի հետ իր ապագայի մասին Հայաստանում հաստատված սիրիահայն իր ձեռքի աշխատանքով փորձում է մուտք գործել ռուսական շուկա Աճում է քաղաքացիների և քաղաքացիական հասարակության մասնակցությունն իրավական ակտերի մշակման գործընթացում Ախուրյանի ավտոճանապարհներին խիտ մառախուղ է ՕՐՎԱ ԽՈՐՀՈՒՐԴԸ: Դեկտեմբերի 11 Զորանոց, դղյակներ, մենատներ, մզկիթներ. Պալյան ճարտարապետական գերդաստանը մեծ հետք է թողել Ստամբուլում Հաջորդ տարի կստեղծվեն մարզերի զարգացման հիմնադրամներ. զարգացման ծրագրերը կազմելու են տեղի մասնագետները Անհրաժեշտ է որդեգրել համայնքների զարգացման նորարարական մոտեցումներ Արտաքին քաղաքական դաշտում ՀՀ քայլերը պետք է լինեն համահունչ Արցախի խորհրդարանի և ժողովրդի սպասումներին. Աշոտյան Սպիտակի երկրաշարժի զոհերի հիշատակին նվիրված միջոցառումներ են անցկացվել Մինսկում և Բաթումում Արցախի նախագահն ընդունել է ՀՀ ԱԺ արտաքին հարաբերությունների հանձնաժողովի անդամներին Մոսկվայում կայացած մրցանակաբաշխության ժամանակ Հայաստանն արժանացել է գործարար տուրիզմի 2017թ-ի լավագույն ուղղություն մրցանակին Արցախի նախագահն ընդունել է Արման Թաթոյանի գլխավորած պատվիրակությանը Հայաստանում յուրաքանչյուր ընտրություն նախորդից էապես տարբերվում է իր որակով. Դավիթ Հարությունյան Նշվել է զինված ուժերի հոգևոր առաջնորդության հիմնադրման 20-րդ տարեդարձը Իրաքի զինվորականները Սիրիայի սահմանին ընդլայնել են վերահսկողությունը Նախագահը մասնակցել է տեղական ինքնակառավարման և տարածքային կառավարման մարմիններին նվիրված խորհրդաժողովին Վայոց ձորում զարգանում են գինեգործությունն ու անասնապահությունը. ՀՀ գյուղատնտեսության նախարարն այցելել է մարզ Դեսպան Մկրտչյանը հանդիպել է Լիբանանի տնտեսության և առևտրի նախարարի հետ Հայերը բարոյական պարտավորություն են զգում նպաստելու ցեղասպանությունների կանխարգելման միջազգային ջանքերին Առաջիկա տարիներին նախատեսվում է խոշորացնել ևս 450 համայնք Ուկրաինայի դատախազությունը դատարանից կպահանջի Սաակաշվիլիի հանդեպ կիրառել տնային կալանք Պաղեստինում բողոքի ցույցերի ժամանակ տուժել է ավելի քան 1000 մարդ Հանրապետությունում սպասվում է առանց տեղումների եղանակ Ադրբեջանը շփման գծում կիրառել է ձեռքի հակատանկային նռնականետ
Խմբագրի ընտրություն
website by Sargssyan