AM | RU
USD
EUR
RUB

Եթե քաղաքական ուժերին կարելի է գործարքի մեջ մտնել իշխանությունների հետ, ինչու՞ նույն բանը չի կարող անել հասարակությունը

Իհարկե ընտրություններում ցանկացած ուժ ձգտում է հասնել առավելագույնին, ցանկացած ուժ ցանկանում է հաղթել: Դա նորմալ է, օրինաչափ ու բնական: Քաղաքականապես նորմալ է նաև, երբ քարոզարշավի ընթացքում քաղաքական ուժերը բացի սեփական ծրագրերը ներկայացնելուց, քննադատում են նաև մրցակիցներին, փորձելով գրանցել ցանկալի արդյունք:

Ինչ խոսք ծանր է պարտությունը, հույսերի չարդարացումը, ծրագրերի ձախողումը: Այդ դեպքում քաղաքական ուժերը փորձում են կատարել սեփական սխալների վերլուծությունը, գտնել պատճառները: Ոչ արդյունավետ ու անհեռանկարային է պատճառները մրցակիցների մեջ փնտրելը, եթե նույնիսկ դա իրականություն լինի: Անհեռանկարային է, քանի որ խոշոր հաշվով դա ոչինչ չի փոխի: Սակայն այնուամենայնիվ դա արդարացման, սեփական սխալները բարձրաձայնելու անհրաժեշտությունից խուսափելու տարբերակ է, որը կարելի է իր ողջ անարդյունավետությամբ հանդերձ, ընդունելի համարել:

Բայց անընդունելի է ու անբարոյական, երբ պարտություն կրած որևէ միավոր, փորձում է իր քաղաքական ֆիասկոն բարդել ժողովրդի ուսերին, հասարակությանը սարքել պատասխանատու ու պիտակավորել տարբեր ածականներով: Անբարոյական է, երբ հասարակությանն անվանում են ծախված, 5000-անոց, կաշառակեր, դավաճան և այլն:

Եթե նույնիսկ հասարակությունը գումար է վերցնում ընտրությունների նախօրեին, դրանով ոչ թե ապացուցում է իր ծախվածությունը, այլ դա ուղիղ գնահատականն է քաղաքական համակարգի նկատմամբ: Նշանակում է, որ հասարակությունն այլևս հույս չի կապում տվյալ պահի ընդդիմության հետ և առաջնորդվում է «շնից մազ պոկելն օգուտ է» տրամաբանությամբ:

Կյանքը ցույց է տվել, որ կարևորագույն պահերին, հույսեր ներշնչող ընդդիմության առկայության դեպքում, ընտրակաշառքը չի եղել ընտրությունների արդյունքի որոշիչը: Հասարակությունը իր ձայնը տվել է իր նախընտրած թեկնածուին ու պատրաստակամ է եղել այդ քվեներին տեր կանգնելուն: Հաջորդող զարգացումների ձախողման համար պատասխանատուն արդեն ոչ թե հասարակությունն է, այլ այն քաղաքական միավորը, որը փոփոխության հույս էր արթնացրել մարդկանց մոտ, հայտ էր ներկայացրել ժողովրդին առաջնորդելու ու արդյունքում տապալվել:

Կյանքը ցույց է տվել, որ յուրաքանչյուր նման տապալումներից հետո, կրկին հանրությունը կորցրել է իր հավատը որևէ «առաջնորդի» նկատմամբ ու նման դեպքերում միշտ շեշտակիորեն աճել է գումարի գործոնը:

Վերջապես հասարակությունը կույր չէ: Երբ ընդդիմադիր կոչվող տարբեր քաղաքական միավորներ, տարբեր գործիչներ քողարկված «բազարների» մեջ են մտնում իշխանությունների հետ, այդ «բազարներից» պոկած ու սոսկ իրենց սեփական բարեկեցությանը ծառայող մանդատները ներկայացնում են որպես հանուն ժողովրդի գնացած զոհողություն, ապա բնականաբար ընտրությունների ժամանակ էլ ժողովուրդը իր բացահայտ արհամարհանքով ցույց է տալիս իր վերաբերմունքը:

Երբ ընդդիմադիր պատգամավորը լացակումած ձայնով խոսում է հասարակության ցածր կենսամակարդակից, սակայն վազելով քվեարկում է իշխանությունների կողմից առաջարկված սեփական աշխատավարձի բարձրացման օգտին, երբ ընդդիմադիր պատգամավորը մղկտալով թոշակառուների ստացած գրոշների համար, հորթային հրճվանք է ապրում այն գիտակցությունից, որ իր թոշակի անցնելու դեպքում ստանալու է չարդարացված պատգամավորական աշխատավարձ, ապա հանրությունն էլ իր հերթին իրավունք ունի նման գործչին կամ գործիչներին նետել քաղաքական աղբանոց:

Մի՞թե կարծում եք հասարակությունն այն աստիճանի է կորցրել բանականությունը, որ չի նկատում իր երեսին շպրտված վիրավորանքը: Մի՞թե արդարացի է, որ հասարակության մնացյալ անդամները 40-50 տարի տանջանքով աշխատելուց և թոշակի անցնելուց հետո ստանում են քռչոտ կոպեկներ, իսկ շատ դեպքերում մի պնակալեզ անգրագետ, մի անողնաշարավոր երիտկարիերիստ, գեթ մեկ նստաշրջան ԱԺ-ում անիմաստ թառելով ու նույն հասարակության հաշվին ապրելով, պետք է ապահովված համարի իր ծերությունը:

Եթե սա համարում եք նորմալ ու արդարացված, ապա նորմալ է և արդարացված հասարակության վերաբերմունքը ձեր նկատմամբ:

Այս օրինակները բերեցի սոսկ այն պատճառով, որ նույն ընդդիմադիր պատգամավորներից շատերը այս օրինագծերին կողմ քվեարկելու ժամանակ մի պահ մոռացել էին իրենց սկզբունքային ընդդիմադիր լինելու մասին ու վերածվել էին կառուցողական ընդդիմության: Ի դեպ քաղաքականապես մի անգրագետ ու անհեթեթ արտահայտություն, որը արհեստականորեն շրջանառության մեջ է մտել հենց նման դեպքերի համար:

Դե եթե քաղաքական այս կամ այն ուժերին կարելի է ազգափրկիչ կոչերի ներքո գործարքի մեջ մտնել իշխանությունների հետ, ապա ինչու՞ նույն բանը չի կարող անել հասարակությունը ողջ քաղաքական համակարգի հետ, այդ թվում և ընդդիմության: Վերջապես ինչ ցանում ես, դա էլ հնձում ես:

Բայց եթե կան ինչ-ինչ քաղաքական ուժեր, որոնք այնքան «անբասիր» են, որ իրոք մտածում են, որ հասարակությունը ծախված է, ապա տարրական բանականությունը հուշում է, որ նրանք պետք է լքեն քաղաքական դաշտը, քանի որ նրանք նման «աղտոտված» միջավայրում անելիք չունեն:

Սակայն ընտրությունից ընտրություն շողոքորթել հասարակությանը, ընկնել մարդկանց դռները, աղերսել ու խնդրել յուրաքանչյուր ձայնի համար, պաթոսով հայտարարել, որ ինչ անում եմ, ձեր համար եմ անում և տառացիորեն հաջորդ օրը հանրությանը անվանել ծախված...այ դա արդեն մեծագույն անբարոյականություն է:

Կարեն ԿԱՐԱՊԵՏՅԱՆ

Լրահոս
Հաքերներն 90 օգտահաշիվ են «կոտրել» Մեծ Բրիտանիայի խորհրդարանում Չավուշօղլուն պատասխանել է Կատարի թուրքական ռազմաբազան փակելու կոչերին Ղազախստանը հետաքրքրված է աշխատել Հայաստանի ազգային արխիվի հետ համատեղ ծրագրեր իրականացնելու ուղղությամբ Վարուժան Ավետիսյանի կողմից իշխանությունը զավթելու կոչեր հնչեցնելու փաստի առթիվ հարուցվել է քրգործ Գյումրիում կրակոցներ են հնչել, հրազենային վնասվածքով երիտասարդը վիրահատվել է Մարտին Շուլցն Էրդողանին հորդորել է ազատ արձակել կալանավորված լրագրողներին ՕՐՎԱ ԽՈՐՀՈՒՐԴԸ: Հունիսի 26 Ադրբեջանի «Մուսաֆաթ» կուսակցության կին գործիչները ստիպված են պայքարել հանուն քաղբանտարկյալների իրավունքների Մանչեսթերի ահաբեկչության հեղինակը ռումբ պատրաստելիս օգտվել է Youtube-ից Ինժեներական ոլորտի ֆորում-ցուցահանդեսը Վանաձոր է բերել 200 մասնակցի Տնտեսագետը դրական է գնահատում կառավարության ծրագրում տեղեկատվական տեխնոլոգիաներին ուղղված շեշտադրումները Հայաստանում մեքենաների առևտրի շրջանառությունն ավելացել է 39,9 տոկոսով Ֆրանսիացի լրագրողը մահացել է Մոսուլում վիրավորվելուց հետո Խիստ վերահսկողության տակ պահել ամառային զորակոչի ամբողջ գործընթացը. Վիգեն Սարգսյան Վիգեն Սարգսյանը կարևորել է զորակոչի ընթացքում կոռուպիոն երևույթների բացառումը Հալեպում շուկայի ուղղությամբ կրակահերթի հետևանքով 20 մարդ է վիրավորվել Միասնական քննությունները Հայաստանում անցել են բավականին հարթ և խաղաղ պայմաններում Արժույթի միջազգային հիմնադրամը հաստատել է Հայաստանին 21.6 միլիոն դոլարի վարկի տրամադրումը Ապրիլյան պատերազմի հերոս Արթուր Գեւորգյանը կդառնար 20 տարեկան Երեք մլն զբոսաշրջիկ Հայաստան բերելով կարելի է 1,8 մլրդ դոլարի ՀՆԱ-ի աճ ապահովել. տնտեսագետ Ադրբեջանում ավելի քան 100 տուն ջրի տակ է անցել Տնտեսական ակտիվության հինգ տոկոս աճն այս պահին համարում եմ իրատեսական. տնտեսագետ Պակիստանում ահաբեկչության զոհերի թիվը հասել է 73-ի Անընթեռնելի դարձրած համարանիշներով ավտոմեքենաների վարորդները կտուգանվեն 200 հազար դրամի չափով Մեքքայում ահաբեկչական փորձ է կանխվել Ռուսաստանից Ադրբեջան է հասել զինտեխնիկայի նոր խմբաքանակ Ադրբեջանը հրադադարը խախտել է 400 անգամ և կատարել դիվերսիայի ձախողված փորձ. շաբաթը սահմանագծում ԵՄ-Հայաստան նոր համաձայնագիրը որակապես նոր պայմաններ կստեղծի երկկողմ կապերի համար Վթարից տուժած զինծառայողներից որեւէ մեկի կյանքին վտանգ չի սպառնում Բելգիացի սենատորն Արցախում ծաղիկներ է խոնարհել Ստեփանակերտի հուշահամալիրում Ավտովթարի պատճառով 14 տուժած զինծառայողներից մեկն ստացել է կրծքավանդակի ողերի կոտրվածք, նրան տեղափոխում են Երևան. Կամավոր Խաչատրյան Գեղարքունիքում ՊՆ պետհամարանիշով ավտոմեքենա է կողաշրջվել. 14 զիծառայող է տուժել, որոնցից 7-ի վիճակը ծանր է Հայաստանի և ՄԹ միջև դիվանագիտական հարաբերությունների հաստատման 25-ամյակին նվիրված համերգ Երևանի Ազատության հրապարակում Ռուբեն Գեւորգյանցի հարազատների կոչը. Ծաղկեպսակների գումարը փոխանցել զինծառայողների հիմնադրամին «Փաստ». Պատգամավոր. Գյուղացին կարկուտի պատճառով բերքը կորցնում է, որպես փոխհատուցում փտած սոխի սերմ են տալիս «Առավոտ». Բնապահպանները դժգոհ են Սևանա լճից տարեկան 270 միլիոն խմ ջուր բաց թողնելու կառավարության որոշումից «168 ժամ». Ինչ է անհրաժեշտ առանց վիզայի Եվրոպա մեկնելու համար «Հայկական Ժամանակ». Արցախը հյուրերի պակաս չունի «Հրապարակ» . Եղվարդում Գագիկ Խաչատրյանի և նրա որդիների կողմից կառուցվող եկեղեցին պատրաստ է «Հրապարակ». Տաճատ Վարդապետյանի սիրտը չի կտրվում ԱԺ-ից. նա իր աշխատասենյա­կը դեռ չի հանձնել
Խմբագրի ընտրություն
website by Sargssyan